2006
* 28 tamyzda Japonııanyń Premer-mınıstri D.Koıdzýmı eki kúndik resmı saparmen Qazaqstanda boldy. Elbasy Nursultan Nazarbaev pen D.Koıdzýmıdiń qatysýymen keńeıtilgen quramda ekijaqty kelissózder ótti. Sonyń nátıjesinde Qazaqstan men Japonııa arasyndaǵy dostyqty jáne yntymaqtastyqty ári qaraı damytýǵa arnalǵan Birlesken málimdemege, sondaı-aq, eki el úkimetteri arasyndaǵy atom energııasyn beıbit maqsatta paıdalaný salasyndaǵy yntymaqtastyqty ilgeriletý týraly memorandýmǵa qol qoıyldy.
Bul týraly «Egemen Qazaqstan» gazetiniń 29 tamyzdaǵy nómirinde «Qazaqsta ‑ Japonııa yntymaqtastyǵy jańa sapalyq deńgeıge kóteriledi» taqyrybymen maqala jarııalandy.
* 1 qyrkúıekte Astanada Ortalyq Azııa memleketteri basshylarynyń beıresmı sammıti ótip, onda óńirlik yntymaqtastyqtyń mańyzdy máseleleri talqylandy. Osy kúni elordada Beıbitshilik jáne kelisim saraıynyń ashylý rásimi ótti. Saltanatty jıynǵa Elbasy Nursultan Nazarbaev jáne Qazaqstanǵa saparmen kelgen О́zbekstan, Qyrǵyzstan, Tájikstan respýblıkalarynyń prezıdentteri I.Karımov, Q.Bakıev, E.Rahmonov qatysty.
* 4 qyrkúıekte О́zbekstan Prezıdenti I.Karımovtiń Qazaqstanda memlekettik sapary ótti. Sapar qorytyndysy boıynsha 9 ekijaqty qujatqa qol qoıyldy.
* 12-13 qyrkúıek kúnderi Prezıdent N.Á.Nazarbaevtyń tóraǵalyǵymen Astanada Álemdik jáne dástúrli dinder kóshbasshylarynyń II sezi ótti. «Din, qoǵam jáne halyqaralyq qaýipsizdik» taqyrybyna arnalǵan sezde Elbasy sóz sóıledi.
* 26-29 qyrkúıek aralyǵynda Prezıdent N.Á.Nazarbaevtyń AQSh-qa resmı sapary ótti. Sapar sheńberinde Elbasy AQSh Prezıdenti Djordj Býshpen, AQSh Kongresi palatalarynyń ókilderimen, basty mınıstrlikter men vedomstvolardyń, iri energetıkalyq kompanııalardyń basshylarymen, kórnekti qoǵam jáne dinı qaıratkerlerimen kezdesýler ótkizdi. Nursultan Nazarbaev pen Djordj Býshtyń kezdesýinde Qazaqstan – AQSh qarym-qatynastaryn odan ári damytýdyń basymdyqtaryn aıqyndap, halyqaralyq saıasattyń ózekti máseleleri talqylandy.
* 3 qazanda Oral qalasynda Qazaqstan men Reseı prezıdentteri Nursultan Nazarbaev pen Vladımır Pýtınniń qatysýymen eki eldiń shekaralas aımaqtarynyń forýmy ótti. Onyń barysynda eki jaq shekarada kólik ótkizetin beketterdi birlese salý týraly kelisim, shekaralas aımaq turǵyndarynyń ári-beri qatynasyn jeńildetý týraly kelisim jáne taǵy birqatar qujattarǵa qol qoıyldy.
* 4 qazanda Brıýssel qalasynda Syrtqy ister mınıstri Q.Toqaev NATO Bas hatshysy Iа.de Hoop Sheffermen kezdesti. Suhbat barysynda taraptar joǵary saıası deńgeıdegi únqatysýdyń odan ári damýynyń jáne qorǵanys pen qaýipsizdik salasyndaǵy yntymaqtastyqtyń nyǵaıýynyń mańyzdylyǵyn atap ótti.
* 3 qarashada Qazaqstan Prezıdenti N.Á.Nazarbaev jumys saparymen О́zbekstan Respýblıkasynda bolyp, Prezıdent I.Karımovpen kezdesti. Tashkentte eki memleket basshylarynyń bastamashylyǵymen Memleketaralyq úılestirý keńesiniń alǵashqy otyrysy bolyp ótti.
* 6 qarashada Armenııa Respýblıkasynyń Prezıdenti Robert Kocharıan resmı saparmen Qazaqstanǵa keldi. Elbasy Nursultan Nazarbaev pen Robert Kocharıan eki eldiń yntymaqtastyǵyn odan ári damytý máselelerin talqylady. Sapar sheńberinde ekonomıkalyq jáne konsýldyq salalardaǵy qujattarǵa qol qoıyldy, sonymen qatar, Qazaqstan men Armenııanyń isker toptary ókilderiniń qatysýymen bıznes-forým ótkizildi.
* 7-8 qarasha kúnderi Mysyr Prezıdenti Muhammad Hosnı Múbaraktyń Qazaqstanǵa resmı sapary bolyp ótti. Shaǵyn jáne keńeıtilgen quramdaǵy kelissózder kezinde memleketter basshylary saýda-ekonomıkalyq, mádenı-gýmanıtarlyq salalarda ekijaqty yntymaqtastyqty damytý múmkindikterin, sondaı-aq, ózekti halyqaralyq máselelerdi, sonyń ishinde Taıaý Shyǵys pen Ortalyq Azııadaǵy ahýaldy talqylady.
* 17 qarashada Prezıdent Nursultan Nazarbaev Antalııa qalasynda (Túrkııa) ótken túrkitildes memleketter basshylarynyń VIII sammıtine qatysty. Sammıt barysynda «Antalııa deklarasııasyna» qol qoıyldy.
Bul týraly «Egemen Qazaqstan» gazetiniń 18 qarasha kúngi nómirinde «Túgel bol, túrkitildes týystar!» taqyrybymen maqala jarııalandy.
* 20-22 qarasha aralyǵynda Prezıdent Nursultan Nazarbaevtyń Ulybrıtanııada resmı sapary ótti. Sapar barysynda Elbasy Ulybrıtanııa jáne Soltústik Irlandııa Birikken Koroldiginiń Korolevasy II Elızavetamen, Premer-mınıstr Tonı Blermen jáne Brıtanııanyń saıası jáne isker toptarynyń tanymal ókilderimen kezdesýler ótkizdi.
* 28 qarashada Prezıdent Nursultan Nazarbaev Mınskide ótken Táýelsiz Memleketter Dostastyǵyna qatysýshy memleketter basshylary keńesiniń májilisine qatysty.
* 30 qarashada Prezıdent Nursultan Nazarbaev Iordanııa Hashımıt Koroldigine resmı saparmen bardy. Sapar barysynda N.Á.Nazarbaev Iordanııa Koroli II Abdallamen kezdesti. Qazaqstan men Iordanııa basshylary shaǵyn jáne keńeıtilgen quramdaǵy kelissózder ótkizip, ekijaqty qarym-qatynastardyń keshendi máselelerin, Qazaqstan men Iordanııa arasyndaǵy yntymaqtastyq pen ózara is-qımyldy jandandyrýdyń joldaryn talqylady. Sondaı-aq, taraptar birqatar ózekti óńirlik jáne halyqaralyq máseleler boıynsha pikir almasty.
* 4 jeltoqsanda Elbasy Nursultan Nazarbaev Belgııa Koroldiginiń astanasy Brıýsselde jumys saparymen bolyp, Eýropalyq odaq jáne NATO basshylarymen kezdesti.
* 15 jeltoqsanda Beıbitshilik jáne Kelisim saraıynda Qazaqstan Respýblıkasy Táýelsizdiginiń 15 jyldyǵyna arnalǵan saltanatty jıyn ótti. Onda Prezıdent Nursultan Nazarbaev «Qazaqstandyq jol: turaqtylyqtan – jańarý arqyly órkendeýge» taqyrybynda baıandama jasady.
* 19 jeltoqsanda Elbasy Nursultan Nazarbaev Qytaı Halyq Respýblıkasyna memlekettik saparmen bardy. Sapar aıasynda memleket basshysy QHR Tóraǵasy Hý Szıntaomen kezdesip, taraptar ekijaqty yntymaqtastyqty odan ári tereńdetýge negiz qalaıtyn birqatar qujattarǵa qol qoıdy.
