Semeılik jas óren Janádil Taldybaev sportta da, matematıkada da Qazaqstannyń ataq-dańqyn shyǵaryp júr
Darynymen daralanǵan Janádil nebári 15 jasta. Ol karatemen shuǵyldanǵan jeti jylda shyrqaý bıikterge kóterildi. Bir súıinishtisi, Janádil sportta ǵana emes, fızıka-matematıka pániniń qupııasyna tereń boılap, bul salany da baǵyndyra bastady. Endeshe, jas órenniń tolaıym tabystarǵa qalaı jetkenine úńileıikshi.
Ákesi Amanjol Sabıev Zaısan qalasynan áskerı qyzmet babymen Jarma aýdanynyń Georgıevka kenti mańyndaǵy áskerı qalashyqqa qonys aýdarǵanda Janádil 1-synyp tabaldyryǵyn attaǵan edi. Ekinshi synypty Semeı qalasyndaǵy Shákárim atyndaǵy №5 mektep-gımnazııada jalǵastyrdy. Jasynan sportqa beıimdigin baıqaǵan apaıy Janerke súıikti baýyry Janádildi qalanyń sol jaǵalaýynda ornalasqan Bolat Turlyqanov atyndaǵy «Jastar» kesheniniń ishindegi «Sýnamı» karate mektebine aparyp, kúndelikti jattyqtyrýǵa qatystyrady. Onyń dırektory qara belbeýden III dan ıegeri, áıgili sportshy Natalıa Klımenko bolatyn. Men kisi tanysam, myna bala áli talaı ret Qazaqstannyń atyn álemge jaıatyn bolady. Tek únemi, turaqty túrde qatystyryp otyryńdar, deıdi Natalıa Klımenko apaıy Janerke Amanjolqyzyna.
Dırektordyń aıtqanyndaı-aq, Janádil 2004 jyly Reseıdiń Rýbsov qalasynda ótken halyqaralyq jarysta Qazaqstan komandasy atynan qatysyp, kúmis medal ıegeri atanyp, dıplommen marapattalady. Sol jyly Tashkentte ótken saıysta О́zbekstan chempıony atanady. Semeıde ótken Eýrazııalyq chempıonatta qola júldeni qanjyǵasyna baılady. 2006 jyly qańtar aıynda jasóspirimder arasyndaǵy álem chempıonatyna qatysýǵa Amerıkaǵa barýǵa joldama alady. Onda Ogaıo shtatynyń Kalambýs qalasynda ótken jarysta eki dúrkin álem chempıony ataǵyn jeńip aldy. 2007 jyly Amerıkanyń Las-Vegas qalasynda ótken álemdik jarysqa Qazaqstan komandasy quramasynda qatysyp, jarystyń eki túrinen de ekinshi oryndy ıemdenip, elge jeńispen oraldy. Sol jyly Birikken Arab Ámirlikterinde ótken jarysqa túsip, álem chempıony atandy. Sonymen Janádil úsh dúrkin álem chempıony, halyqaralyq dárejedegi sport sheberi.
Jaqynda Janádildi Zaısandaǵy ata-apasy Jeken jáne Sábıra Káribaevtardyń úıine kelgen jerinen jolyqtyrdyq. Aldynda ǵana sportta da, matematıkada da top jaryp júrgen daryndy shákirtti oblys ákimi Berdibek Saparbaev qabyldap, tabysymen quttyqtap, marapattaǵan edi. Oblys ákiminiń alǵys hatyn Jeken men Sábıra kórsetip turyp:
– Budan bir aı buryn Janádilimiz Grekııada ótken halyqaralyq olımpıadada júldeli orynǵa ıe boldy. Matematıkadan top jarǵan nemeremiz Qazaqstannan barǵan oqýshylarǵa aǵylshyn tilinen tilmásh bolyp, kóp kómek kórsetipti. Aldaǵy ýaqytta da Janádil bizdi qýanta beredi degen oıdamyz, – deıdi Jeken Káribaev.
– Shirkin, karate sporty Olımpıada oıyndarynyń baǵdarlamasyna ense, nur ústine nur bolar edi. Belbeý kúresine beıimi bar qazaq jastary ketip júrgen esemizdiń ornyn toltyrar edi, – deıdi Janádil.
Nesi bar, keleshekte karateniń Olımpıada oıyndarynyń baǵdarlamasyna enip qalýy ǵajap emes. Sol kezde Janádildeı órenderimiz elimizdiń kók týyn bıikte jelbiretetini sózsiz.
Ońdasyn ELÝBAI, Máýitqazy ZÚKENOV, jýrnalıst.
Shyǵys Qazaqstan oblysy.
Sýrette: J. Taldybaev atasymen jáne apasymen birge.
Darynymen daralanǵan Janádil nebári 15 jasta. Ol karatemen shuǵyldanǵan jeti jylda shyrqaý bıikterge kóterildi. Bir súıinishtisi, Janádil sportta ǵana emes, fızıka-matematıka pániniń qupııasyna tereń boılap, bul salany da baǵyndyra bastady. Endeshe, jas órenniń tolaıym tabystarǵa qalaı jetkenine úńileıikshi.
Ákesi Amanjol Sabıev Zaısan qalasynan áskerı qyzmet babymen Jarma aýdanynyń Georgıevka kenti mańyndaǵy áskerı qalashyqqa qonys aýdarǵanda Janádil 1-synyp tabaldyryǵyn attaǵan edi. Ekinshi synypty Semeı qalasyndaǵy Shákárim atyndaǵy №5 mektep-gımnazııada jalǵastyrdy. Jasynan sportqa beıimdigin baıqaǵan apaıy Janerke súıikti baýyry Janádildi qalanyń sol jaǵalaýynda ornalasqan Bolat Turlyqanov atyndaǵy «Jastar» kesheniniń ishindegi «Sýnamı» karate mektebine aparyp, kúndelikti jattyqtyrýǵa qatystyrady. Onyń dırektory qara belbeýden III dan ıegeri, áıgili sportshy Natalıa Klımenko bolatyn. Men kisi tanysam, myna bala áli talaı ret Qazaqstannyń atyn álemge jaıatyn bolady. Tek únemi, turaqty túrde qatystyryp otyryńdar, deıdi Natalıa Klımenko apaıy Janerke Amanjolqyzyna.
Dırektordyń aıtqanyndaı-aq, Janádil 2004 jyly Reseıdiń Rýbsov qalasynda ótken halyqaralyq jarysta Qazaqstan komandasy atynan qatysyp, kúmis medal ıegeri atanyp, dıplommen marapattalady. Sol jyly Tashkentte ótken saıysta О́zbekstan chempıony atanady. Semeıde ótken Eýrazııalyq chempıonatta qola júldeni qanjyǵasyna baılady. 2006 jyly qańtar aıynda jasóspirimder arasyndaǵy álem chempıonatyna qatysýǵa Amerıkaǵa barýǵa joldama alady. Onda Ogaıo shtatynyń Kalambýs qalasynda ótken jarysta eki dúrkin álem chempıony ataǵyn jeńip aldy. 2007 jyly Amerıkanyń Las-Vegas qalasynda ótken álemdik jarysqa Qazaqstan komandasy quramasynda qatysyp, jarystyń eki túrinen de ekinshi oryndy ıemdenip, elge jeńispen oraldy. Sol jyly Birikken Arab Ámirlikterinde ótken jarysqa túsip, álem chempıony atandy. Sonymen Janádil úsh dúrkin álem chempıony, halyqaralyq dárejedegi sport sheberi.
Jaqynda Janádildi Zaısandaǵy ata-apasy Jeken jáne Sábıra Káribaevtardyń úıine kelgen jerinen jolyqtyrdyq. Aldynda ǵana sportta da, matematıkada da top jaryp júrgen daryndy shákirtti oblys ákimi Berdibek Saparbaev qabyldap, tabysymen quttyqtap, marapattaǵan edi. Oblys ákiminiń alǵys hatyn Jeken men Sábıra kórsetip turyp:
– Budan bir aı buryn Janádilimiz Grekııada ótken halyqaralyq olımpıadada júldeli orynǵa ıe boldy. Matematıkadan top jarǵan nemeremiz Qazaqstannan barǵan oqýshylarǵa aǵylshyn tilinen tilmásh bolyp, kóp kómek kórsetipti. Aldaǵy ýaqytta da Janádil bizdi qýanta beredi degen oıdamyz, – deıdi Jeken Káribaev.
– Shirkin, karate sporty Olımpıada oıyndarynyń baǵdarlamasyna ense, nur ústine nur bolar edi. Belbeý kúresine beıimi bar qazaq jastary ketip júrgen esemizdiń ornyn toltyrar edi, – deıdi Janádil.
Nesi bar, keleshekte karateniń Olımpıada oıyndarynyń baǵdarlamasyna enip qalýy ǵajap emes. Sol kezde Janádildeı órenderimiz elimizdiń kók týyn bıikte jelbiretetini sózsiz.
Ońdasyn ELÝBAI, Máýitqazy ZÚKENOV, jýrnalıst.
Shyǵys Qazaqstan oblysy.
Sýrette: J. Taldybaev atasymen jáne apasymen birge.
