Djeıkobs Golovkınmen jekpe-jek ýaqytyn aıtty

Orta salmaqtaǵy WBA (Regular) belbeýiniń ıesi, amerıkalyq boksshy Denıel Djeıkobs qazaqstandyq Gennadıı Golovkınmen jekpe-jektiń shamamen qaı ýaqytta bolatynyn aıtty, - dep jazady Vesti.kz. Munyń aldynda taraptar jekpe-jekti 10 jeltoqsanda ótkizý týraly kelisim júrgizgen, alaıda bul ýaqytqa deıin egjeı-tegjeıdiń bárin kelisip úlgermeı, ony 2017 jyldyń basyna qaldyrǵan bolatyn. "Men kelesi jekpe-jekti kútip júrmin. Qazir kelissózder júrgizip jatyrmyz jáne bári jaqsy bolatyn sııaqty. Jekpe-jek naýryzdyń ortasynda ótedi dep úmittenemin. Kelesi aptada men zalǵa oralam. Ne bolaryn kóremiz. Bul onymen shyqqym kelmeıtindigin bildirmeıdi. Men tek barlyǵy durys oryndalǵanyna kóz jetkizgim keledi. Qazir bári kelisimniń iskerlik tusymen aınalysyp jatyr. Bir-eki aptada bárin aıaqtaımyz degen oıdamyn", - dedi Djeıkobs Fighthype.com basylymyna bergen suhbatynda. Munyń aldynda qazaqstandyq boksshynyń promoýteri Tom Leffler Denıel Djeıkobstyń ókilderimen kelissózder júrgizip jatqanyn rastaǵan bolatyn. "Djeıkobs bul jekpe-jekti qalaıtyn sııaqty, biz tek eki jaqqa da utymdy kelissóz jasasqymyz keledi", - degen bolatyn promoýter. Golovkınnyń ózi Djeıkobspen jekpe-jek jyl basyna tamasha kezdesý bolatynyn aıtqan.