Sanavıasııa 5 jylda 10 myńnan astam qyzmet kórsetti

5 jyl ishinde sanıtarııalyq avıasııa mamandary barlyǵy 10 938  medısınalyq qyzmet kórsetken. Naqty sol jerde kórsetilgen kómek barlyq medısınalyq qyzmettiń 28 % -yn quraıdy. Bul týraly primeminister.kz saıty jazdy. Sondaı aq, QR DSÁDM-niń málimeti boıynsha, Astana qalasynan 2 721 ushyrylym, Almaty qalasynan – 582, óńirlerde – 5 301 ushyrylym, óńiraralyq – 39 ushyrylym jasalǵan. Sanıtarııalyq avıasııa shaqyrtýlarynyń ishinde birinshi oryndy balalar jasyndaǵy patologııa alady - 22%; ekinshi orynda - jaraqattanýshylyq, jazataıym oqıǵalar jáne ýlanýlar - 21 %; úshinshi orynda – akýsherlik tájirıbedegi shuǵyl jaǵdaılar - 18%; tórtinshi orynda – jańa týǵan nárestelerdiń patologııalary - 16%; besinshi orynda - qan aınalymy júıesi aýrýlary - 13% jáne ózge de aýrýlar (nevrologııalyq, endokrınologııalyq, juqpaly, hırýrgııalyq jáne t.b.) - 10%. Búgingi tańda Qazaqstanda sanıtarııalyq avıasııa múddesinde 35 avıakólik qoldanylady (21 ushaq jáne 14 tikushaq). Sanıtarlyq avıasııa qyzmetin osy qyzmetke lısenzııasy bar 13 avıakompanııa, onyń ishinde Qazaqstan óńirlerinde – 11 avıakompanııa, respýblıkalyq deńgeıde – 2 avıakompanııa kórsetedi. Sanıtarııalyq avıasııanyń mobıldik brıgadalary arnaıy jáne joǵary mamandandyrylǵan medısınalyq kómekti Qazaqstannnyń barlyq aımaǵynda táýlik boıy kórsetýge daıyn asa bilikti joǵary mamandandyrylǵan dárigerlermen jasaqtalǵan. Esterińizge sala keteıik, sanıtarııalyq avıasııa densaýlyq saqtaý uıymdarynyń áleýmettik baǵdarlanǵan, erekshe túri bolyp tabylady, onyń qyzmeti elimizdiń shalǵaıdaǵy aýdandarynda turatyn halyqqa ýaqytyly jáne sapaly medısınalyq kómek kórsetýge baǵyttalǵan. 2012 jylǵy 29 jeltoqsanda QR Úkimetiniń qaýlysymen QR DSÁDM «Respýblıkalyq sanıtarııalyq avıasııa ortalyǵy» ShJQ RMK qurylǵan. 2013 jylǵy 26 maýsymdaǵy QR DSÁDM buıryǵyna sáıkes atalǵan ortalyqqa shuǵyl medısınalyq kómek kórsetý uıymdarynyń qyzmetin úılestirý bekitilgen.