Astanada ǵarysh kúnderi ótýde

Astanada «Qazaqstandaǵy ǵarysh kúnderi-2016» halyqaralyq semınary bastaldy. Bıyl elimizdiń basty ǵaryshtyq forýmy Jerdi qashyqtyqtan zondtaý ǵarysh júıesiniń jumysy jáne QR dáldigi joǵary spýtnıktik navıgasııa júıesi mysalynda zamanaýı ǵarysh tehnologııalarynyń praktıkalyq tájirıbesine jáne perspektıvalaryna arnalǵan. Semınar qatysýshylarynyń aldynda sóılegen sózinde QR qorǵanys jáne aeroǵarysh ónerkásibi mınıstri Beıbit Atamqulov Prezıdenttiń Qazaqstannyń ǵarysh salasyn qurý boıynsha qoıǵan mindetiniń mańyzdylyǵyn basa aıtty.   «О́zderińizge de málim, bir aıdan astam ýaqyt buryn Qazaqstan Respýblıkasy Prezıdentiniń Jarlyǵymen jańa mınıstrlik – Qorǵanys jáne aeroǵarysh ónerkásibi mınıstrligi qurylǵan bolatyn. Onyń basty mindetteriniń biri adamzattyń barlyq ómirlik salalarynda tereń yqpaldasyp kele jatqan ǵarysh qyzmetin damytý bolyp tabylady. Bul úrdis memleket aldyna mańyzdy mindet qoıady, ol – bir mezgilde ǵarysh qyzmetiniń baǵyttarynyń tolyq keshenin jáne sońǵy tutynýshyǵa baǵyttalǵan ǵarysh qyzmetteriniń keń spektrin damytý. Álemdegi ǵarysh tehnologııalaryn qoldanýdyń mańyzdy baǵyttarynyń biri Jerdi qashyqtyqtan zondtaý (JQZ) málimetterin ekonomıkanyń túrli salalarynda paıdalaný. Oǵan qosa, barlyq deńgeılerdegi memlekettik sektor ǵarysh túsirilimderiniń negizgi satyp alýshysy bolyp qalýda. Olardy usyný tehnologııasy da jetildirilip keledi», – dedi mınıstr. B. Atamqulov sondaı-aq mınıstrlik Qazaqstannyń ǵarysh ónimderi men qyzmetterin senimdi jekizýshi bolyp qalyptasýy boıynsha belsendi jumys júrgiziletinin aıtty.