Azamattyqtyń ólshemi tólqujatpen ǵana anyqtalmaıdy

Qazirgi tańda úkimettik emes uıymdarǵa memleket teń seriktesi retinde qaraıdy. О́ıtkeni, sońǵy jyldary memlekettik organdar men úkimettik emes uıymdardyń yntymaqtastyǵy júıeli sıpatqa ıe bolyp úlgerdi. Mine, eldegi azamattyq qoǵamnyń rólin nyǵaıtý, zańnamany jetildirý, azamattyq sektordy damytý jónindegi jańa tujyrymdamalyq qujattardy ázirleý aıasynda Jambyl oblystyq ishki saıasat basqarmasy uıymdastyrǵan jergilikti úkimettik emes uıymdardyń «Táýelsizdikke 25 jyl: damý, jetistik, keleshek» atty forýmy naǵyz únqatysý alańyna aınaldy. Jalpy alǵanda, búginde Jambyl oblysynda 700-den astam kommersııalyq emes uıymdar men qoǵamdyq qorlar óz qyzmetterin júzege asyrýda, olardyń 200-den astamy belsendi qyzmet etýde. Úkimettik emes uıymdar men bıliktiń ózara is-qımylynyń mańyzdy bóligi memlekettik áleýmettik tapsyrysty iske asyrý bolyp tabylady. Bıyl áleýmettik jobalardy qarjylandyrý 465,0 mln teńgeni qurady. Iаǵnı, bul ótken jylmen salys­tyrǵanda 132,0 mln teńgege kóp. – Halqymyzda «azamat» degen qasterli uǵym bar, – deıdi Jambyl oblysy ákiminiń orynbasary Erqanat Manjýov. – Azamattyqtyń ólshemi tólqujatpen ǵana anyq­talmaıdy. Júregińmen, isińmen osy uǵymǵa laıyq bolýyń kerek. Al kez kelgen azamattyq qoǵam azamattyq ustanymy berik, demo­­kratııalyq qoǵam qurýda jaýapkershiligi men belsendiligi joǵary azamattardyń bastamalarynan quralady. Búginde úkimettik emes uıymdardyń iskerlik jáne sapalyq deńgeıi jańa belesterge kóterildi. Qoǵamdyq uıymdardyń úlken áleýmettik jáne saıası qozǵaýshy kúshke aınalǵany aqıqat. Iá, shynynda Táýelsizdiktiń alǵashqy jyldarynan bastap Elbasy N.Nazarbaevtyń bas­shylyǵymen elimizde jańa ıdeıalar júzege asyrylyp, demokratııalyq reformalarǵa keń óris ashyldy. Memleket basshysy azamattyq qoǵam belsendiligin arttyrýda úlken mindetter júktep, zor senim artyp keledi. Elimizde Jalpyǵa Ortaq Eńbek Qoǵamyn qurýda  memleket, bıznes jáne úkimettik emes uıymdar aıryqsha mańyzǵa ıe bolyp otyr. О́ıtkeni, memlekettik saıasattyń negizgi maqsaty aza­mattyq qoǵam belsendiligin kó­terýge baǵyttalǵan. Nátıjesinde úkimettik emes uıymdar búginde óńirdiń áleýmettik-ekonomıkalyq, qoǵamdyq-saıası jáne rýhanı ómiriniń damýyna úlken úles qo­sýda. Jergilikti atqarýshy organdar arasyndaǵy ózara baıla­nys­ty budan da nyǵaıtyp, qoǵam­dyq birlestikterdiń áleýetin utymdy paıdalaný – ózekti másele. – 2011 jyly halyqty áleý­mettik qorǵaý salasynda ar­naýly áleýmettik qyzmet kór­setýdiń jańa standarty qol­danysqa engizildi, – deıdi Jambyl oblystyq jumyspen qamtýdy úılestirý jáne áleýmettik baǵdar­lamalar basqarmasy bas­shysynyń orynbasary Ermek Byqybaev. – Osyǵan baılanysty arnaýly áleýmettik qyzmetter úkimettik emes uıymdar arqyly da usynylýda. Eger 2011 jyly bıýdjetten bólingen 9,7 mln teńgege eki áleýmettik joba arqyly 330 adam qamtylsa, bıylǵy jyly 14 áleýmettik jobaǵa  oblystyq jáne jergilikti bıýdjetterden 138,2 mln teńge bólinip, 1713 múmkindigi shekteýli azamattarǵa járdem kórsetildi. Jalpy, 2011 jyldan bastap bıýdjetterden bólingen 340,2 mln teńgege 5334 adam arnaýly áleýmettik qyzmetimen qamtyldy. Iаǵnı, sońǵy tórt jylda múgedekterdiń máselelerin sheshýge úkimettik emes uıymdar belsendi atsalysyp keledi. «ASAR» zańdy tulǵalar odaǵy, «Jandaný», «Amazonka», «Dos Taraz», «Nur Perızat», «Múmkindigi shekteýli azamattardyń quqyqtary men múmkindikteri» birlestikteri men «Aınalaıyn» balalar men jasóspirimder ortalyǵy «Bárimiz birdeımiz – kemsitýdi bilmeımiz» respýblıkalyq festıvali aıasynda ótkizilgen «Qazaqstanda iske asyrylatyn eń úzdik áleýmettik joba» kórmesine qatysyp, eki jyl qatarynan bas júldege ıe boldy. Búgingi kúni Jambyl oblysynda 43 807 múgedek bar bolsa, onyń 5587-si bala. Arnaýly áleýmettik qyzmetterdiń kólemi men sapasyn jaqsartý maqsatynda sońǵy eki jyldyń ishinde  Jambyl aýdanyndaǵy Asa aýylynda 30 oryndyq, Shý aýdanyndaǵy Tóle bı aýylynda 25 oryndyq jáne Qordaı  aýdanyndaǵy Qordaı aýy­lynda ornalasqan 25 oryndyq  múgedek balalardy ońaltý orta­lyqtary jáne T.Rysqulov aýda­nynyń Qulan aýylynda 20 oryn­dyq balalarǵa arnalǵan shaǵyn úı  ashyldy. Forýmda «Jambyl oblysynyń Azamattyq Alıansy» zańdy tulǵalar birlestiginiń tóraǵasy Z.Iýldashev, «Aqbulaq» qoǵamdyq birlestiginiń tóraıymy N. Rahy­sheva, «Jańarý» SJQJUQ RQB oblystyq fılıalynyń tóraǵasy Q.Tólendıev, «Jastar avıasııalyq ortalyǵy» qoǵamdyq birlestiginiń tóraǵasy A.Kısıl jáne basqa da qatysýshylar memleket pen azamattyq qoǵamnyń ynty­maq­tastyǵy jóninde pikir­lerin bil­dirip, óz oılaryn ortaǵa saldy. Jıyn sońynda óńirdegi aza­mat-tyq qoǵamnyń damýy men órken­deýine qosqan úlesi úshin bir­qatar azamat oblys áki­miniń Qurmet gramotasymen marapattaldy. Oralhan DÁÝIT, «Egemen Qazaqstan» Jambyl oblysy Sýretti túsirgen Aqádil RYSMAHAN