Kassasııalyq tártippen sot aktisiniń zańdylyǵyn tekserý barysynda jymqyrylǵan qarajattyń 127 mln teńge somasy basqa zańdy tulǵanyń bank shottarynan anyqtaldy. Prokýrordyń kassasııalyq narazylyǵy boıynsha sot aktileri ózgertilip, kórsetilgen qarajat memleket kirisine óndirildi.
Is Almatydaǵy «Saryarqa» jáne «Dostyq» metro stansııalaryn salý kezinde qarajat jymqyrýǵa baılanysty. 2024 jyldyń maýsymynda Almaly aýdandyq soty 10 aıyptalýshyǵa – «Metropolıten» KMK, «Almatymetroqurylys» AQ jáne «Avtomatızasııa jáne Tehnologııalar Servıs» JShS basshylaryna qatysty úkim shyǵarǵan edi.
Bas kólik prokýratýrasynyń dereginshe, 2018 jyldyń maýsymynan 2020 jyldyń tamyzyna deıin shemaǵa qatysýshylar qarajatty jalǵan fırmalar arqyly shyǵaryp otyrǵan. Jalpy keltirilgen shyǵyn 5 mlrd teńge dep baǵalanǵan.
Negizgi aıyptalýshylar 7 jyldan 8 jylǵa deıin bas bostandyǵynan aıyryldy. Sondaı-aq sot 1 mlrd teńgeden astam somadaǵy tyıym salynǵan múlikti tárkileýdi jáne keltirilgen shyǵyndy ortaq tártipte óndirýdi mindettegen.
Ile Alataýynyń taý bókterindegi jer telimi memleketke qaıtaryldy
«Saryarqa» metro stansııasy 2022 jyldyń mamyrynda «Dostyq» stansııasymen birge ashylǵan. Keıin «Dostyq» stansııasy «Baýyrjan Momyshuly» dep qaıta ataldy.
