Alıment tóleýden jaltarǵandar qamaýǵa alyndy

Astanada jıyrmadan astam adam qamaýǵa alyndy, dep habarlaıdy bnews.kz. Olar týǵan perzentine alıment tólemeı, jaýapkershilikten jaltarǵany úshin osyndaı jaǵdaıǵa ushyrap otyr. Almaty aýdanynyń prokýrorlary ádilet basqarmasymen birlesip «О́z balańa kómektes» atty shara ótkizdi. Onyń aıasynda jalpy somasy mıllıon teńgeden astam qarjy óndirý kózdelgen. Almaty aýdanynyń prokýrorlary men sot oryndaýshylar mundaı formattaǵy aksııany alǵash ótkizip otyrǵan joq. Jaýapsyz ákelerdi tabý qıynnyń qıyny, áıtse de nátıje jaman emes. «Bir apta ishinde júzdegen meken-jaılardy aralap shyqtyq. Birlesip, nátıjesinde 20 boryshkerdi ákimshilik jaýapkershilikke tarttyq. Odan bólek boryshkerler tarapynan alıment tólemderin ishinara tóleý derekteri kezdesip jatyr. Alıment óndirilip jatyr. Onymen qosa boryshkerlerdi qylmystyq jaýapkershilikke tartý sharalary jalǵasýda», –  deıdi Astana qalasy Almaty aýdanynyń prokýrory Shyńǵys О́temis. Jınalyp qalǵan qomaqty qaryzyn tólemeı júrgenderdiń týystary kóbine olardyń jaýapsyz áreketinen beıhabar bolyp jatady. Sondyqtan barynsha qorǵaýǵa umtylady. Zań aıasynda mindettelgen talapty oryndamaıtyn jandardyń túrli aılaǵa baratyny jasyryn emes. Olardy jaýapkershilikke tartýdyń da amaldary bar deıdi sot oryndaýshylar. «Ákimshilik polısııa basqarmasyna boryshkerlerdiń kóligin toqtatý týraly aqparatty jiberemiz. Osydan keıin kólik aıyp turaǵyna qoıylady. Eger ıesi alımentin tóleıtin bolsa, tehnıka qaıtarylady. Keı jaǵdaıda kólik satylyp óndirilgen qarjy aryzdanýshyǵa beriledi. Aıyptylar mundaıǵa da kelisip jatady», – deıdi Astana qalalyq ádilet departamenti alıment tólemderin óndirý bóliminiń sot oryndaýshysy Aıdana Jylqybaeva Tekserý ótkizilgen 3 aptada quqyq qorǵaýshylar júzdegen meken-jaıǵa bas suqty. Alıment tólemegen 23 adam qamaýǵa alynǵan. Olar 5-8 kún aralyǵynda temir tordyń ar jaǵynda otyrady. Qazir ádilet basqarmasynyń qaraýynda 8 myńǵa jýyq is jatyr. Al qaryzdyń kólemi 180 mıllıon teńge kóleminde. Prokýrorlar jaýapkershilikten qashqan árbir ákeni taýyp, jazaǵa tartýǵa múddeli. Al "eki qolǵa bir kúrek tappaı júrmin" dep syltaý aıtqandardy Astanadaǵy iri qurylys nysandarynda jumys isteýge mindettemek.