Ýnıversıada alaýyn alyp júrýshiler anyqtalýǵa jaqyn

Búgin Almaty qalasyndaǵy 28-shi Dúnıejúzilik qysqy Ýnıversıada-2017 oıyndarynyń Estafeta alaýyn alyp júrýshilerdi irikteýdiń qorytyndy kezeńi bastaldy, shara 16 jeltoqsanda aıaqtalady, dep habarlaıdy BNews.kz. Alaýdy alyp júrýge 17-28 jas aralyǵyndaǵy ǵylym, mádenıet jáne sport salalarynda jetistikke jetken stýdentter qatysa alady. Irikteýdiń birinshi kezeńi 1 qyrkúıekte bastaldy jáne respýblıkanyń barlyq joǵary oqý oryndaryn qamtydy. Ýnıversıtetter óz ótinishterin ishki baıqaý qorytyndysy boıynsha tapsyrdy. Ekinshi kezeńde rásimderge oblys ortalyqtarynda estafeta ótkizýmen aınalysatyn óńirlik shtabtar qosyldy. Shtabtardyń mindeti – alaýdy alyp júrýshilerdi irikteýdiń jalpy jumys barysyn baqylap, baıqaý kezinde shynymen de mańyzdy úmitkerlerdi jiberip almaý. Budan ózge, ekinshi kezeń aıasynda juldyzdy qatysýshylardyń – aldaǵy ótken Ýnıversıadalardyń jeńimpazdary, sport, ǵylym, mádenıet juldyzdarynyń quramy anyqtaldy. Úshinshi kezeńde www.torchrelay.kz saıtynda ár nıet bildirgen adam saýalnamany toltyryp, alaýdy alyp júrýshiler mártebesinde alaý estafetasyna qatysýǵa ótinim bere alady. Osylaısha, qalǵan bos oryndardy toltyrý josparlanǵan. Uıymdastyrýshylar osy kezeńde birinshi alaýdy alyp júrýshi Dmıtrıı Balandın sııaqty belgili bolmasa da, jetistikteri bar stýdentterdiń jańa esimderin tartý múmkin bolatynyn aıtty. Bul oqıǵalar da qyzyqtyryp, qazaqstandyq jastardy jańa jetistikterge yntalandyrady. Mysaly, 7-shi Azııa oıyndary aıasyndaǵy estafetada ózende batyp bara jatqan balany qutqaryp qalǵan Qostanaı oblysynyń dene shynyqtyrý muǵalimi qaharman bolǵan bolatyn. Bul sporttyń bir adamnyń ómirin ózgertip qana qoımaı, basqa adamnyń ómirin qutqara alatynyn dáleldeıtin kóptegen mysaldardyń biri. Alaýdy alyp júrýshilerdi irikteý 16 jeltoqsanda aıaqtalady. Respýblıkalyq komıssııa bekitkennen keıin tizim www.torchrelay.kz saıtynda jarııalanady. Alaý estafetasy 25 qańtarda Astana qalasynda bastalady. Alaý jaǵýdyń jeke saltanaty jáne estafetanyń óz kezeńi ár oblys ortalyǵynda ótedi. Sodan keıin óz alaýlaryn Ýnıversıadanyń ashylý saltanatynda qosý úshin 16 alaýdy alyp júrýshi Alaýdy Almatyǵa jetkizedi. Barlyǵy 1 000 alaýdy alyp júrýshi irikteledi: oblys ortalyqtarynda jáne Astana qalasynda 60-tan, stýdenttik oıyndar astanasynan 100 adam qatysady.