Zańnamalardyń saqtalýy erekshe nazarda bolady

Keshe Ortalyq saılaý komıssııasynyń otyrysy ótip, onda 2011 jylǵy 3 sáýirge taǵaıyndalǵan Qazaqstan Respýblı­ka­sy­nyń kezekten tys prezıdenttik saılaýyna baıqaýshylardy tirkeý týraly másele qaraldy. Ortalyq saılaý komıssııa­sy­nyń múshesi Tatıana Ohlop­kova­nyń habardar etýinshe, keshe Or­talyq saılaý komıssııasy TMD-nyń mıssııasynan – 15, shet memleketterden 6 baıqaýshyny tirkedi. Tirkelgen baıqaýshylardyń sa­ny qazirge 95-ke jetti. Olar­dyń 44-i EQYU-nyń Demo­kra­tııalyq ınstıtýttar jáne adam quqyqtary jónindegi bıýrosy mıs­sııasynan, 32-si TMD mıssııa­synan, 17-si shet elderden, al 2-eýi Halyqaralyq memlekettik ınstıtýtynan. Otyrystan keıin Ortalyq saı­laý komıssııasynyń tóraǵasy Qýan­dyq Turǵanqulov brıfıng ótkizip, kandıdattardyń saılaý­al­dy úgit naýqany barysyndaǵy jumystary­men tanystyrdy. On­yń aıtýynsha, Ortalyq saılaý ko­mıssııasy kan­dıdattardyń saı­laýaldy úgit naý­qany kezinde saılaý zańnama­lary­nyń talapqa to­lyq saı oryn­dalýyna erekshe kó­ńil bólip otyr. Búginde prezıdenttikke kandıdat­tardyń saı­laý­aldy úgit jumys­tary qyzý júrip jatyr. – Soǵan qaramastan, biz prezıdenttikke kandıdat retinde tirkelgen úmitkerlerdiń saıası dodaǵa erekshe belsendilikpen kiriskendigin baıqap otyrmyz, – dedi ol osy týraly. – Kandıdattar ózderine berilgen uıymdastyrý­shy­lyq jáne qarjylyq múm­kin­dikterdi barynsha tıimdi paıda­lanýǵa tyrysýda. Osyndaı saıası naýqan kezeńinde Ortalyq saılaý komıssııasynyń basty maqsaty barlyq kandıdattarǵa BAQ-tarda ózderiniń materıaldaryn jarııalaý úshin teńdeı múmkindik beretin saılaý zańnamalarynyń ta­lap­qa saı oryndalýyn qadaǵalaý bolyp tabylady. Saılaýaldy úgittiń júr­gizi­lýin, sondaı-aq buqaralyq aq­parat quraldarynyń qyzmetin retteıtin saılaý zańnamasy nor­ma­larynyń oryndalýyn baqy­laý­dy retteýdi uıymdastyrý maq­satynda Ortalyq saılaý komıs­sııasy Baılanys jáne aqparat mınıstrligimen birlese otyryp, BAQ-tarǵa monıtorıng júrgiz­gen­digin atap ótti. Tóraǵanyń atap ótkenindeı, ol 53 basylym men 11 respýblıkalyq teledıdar arnasyn qamtyǵan. Monıtorıng derekteri boıynsha 3-10 naýryz aralyǵynda BAQ-tarda saılaý taqyrybyna arnalǵan 223 materıal jarııalandy. Elektrondy BAQ-tarda atalǵan kúnder ara­lyǵynda 406 materıal efırge shy­ǵyp, 166 materıal qoǵamdyq saıası ınternet-re­sýrstarynda or­nalastyryldy. OSK tóraǵasy, sondaı-aq kandıdattardyń osy múmkin­dik­ter­di qalaı paıdalanyp jatqan­dyqtarynan da habardar etti. Tórt kandıdattyń úsheýi BAQ-tarda úgit júrgizý úshin saılaý qorlarynyń qarajatyn áli paıdalanǵan joq. Al teledıdar arnalarynda úgit materıaldaryn ornalastyrdy. Kandıdattar men olardyń saı­laýa­l­dy shtabtary­nyń qyzmeti tý­ra­ly res­pýblı­ka­lyq te­le­arnalardaǵy qo­rytyndy jańa­lyq­tar bloktaryn­daǵy sıýjetter sa­nynan BAQ-tarda tu­tastaı saılaý zańnamasynyń ta­laptarynyń oryn­dalǵany kó­ri­­nedi. Al saılaý zańnamasynyń ta­laptaryna sáı­kes kandıdat­tar­ǵa teledıdardan 15 mınót sóz sóılegen jáne radıodan 10 mınót sóz sóıleý úshin, sondaı-aq bas­pasózde 2 ma­qala jarııalaý úshin bólingen qarajatty tirkelgen kandı­dat­tar­dyń bir de biri ázirge paı­dalanǵan joq. Ortalyq saılaý komıs­sııa­sy­nyń tóraǵasy, sondaı-aq kezekten tys prezıdenttik saılaýdy ótkizýge baılanysty aqparattyq daýlardy qaraý jónindegi qo­ǵam­dyq keńestiń jáne Azamattar men qoǵamdyq birlestikterdiń ótinish­terin qaraý jónindegi jumys tobynyń qurylǵandyǵynan habardar etti. Keshe Azamattar men qoǵamdyq birlestikterdiń ótinish­te­rin qaraý jónindegi jumys tobynyń alǵashqy otyrysy ótti. Otyrysta belgili bolǵanyndaı, 11 naýryzdaǵy jaǵdaı boıynsha Ortalyq saılaý komıssııasyna 14 shaǵym kelip túsken. Olardyń bireýi saılaý komıssııasynyń is-áreketterine baılanysty, ekeýi úgit naýqany barysynda saılaý zańnamasy normalary buzylýy múmkin degen joramaldardy qam­tıdy. Atalǵan shaǵymdardy qa­raý barysynda olarda kórsetil­gen faktiler rastalmaǵan. Sha­ǵym­danýshylarǵa túsiniktemeler berilgen. Al 2 ótinish qaralý ústinde eken. Álısultan QULANBAI.