Ulttyq taǵamdarymyz Qytaı naryǵyna shyqty

«Kaznex Invest» ulttyq agenttigi uıymdastyrǵan «Azyq-túlik pen aýylsharýashylyq ónimderin tanystyrý» boıynsha Qytaıda ótken kórmege pavlodarlyq «Saǵyp» sharýa qojalyǵy, «Aqjar-О́ndiris», «Jet Logistic» kompanııasy, «Kemmı», «Krendel» jáne «Rýbıkom» fırmalary da óz ónimderin tanystyryp qaıtty. Qytaı kúntizbesi boıynsha 15 qańtar – 15 aqpan aralyǵynda bir aı jańajyldyq mereke atalyp ótiledi. Kórmege barǵan bizdiń elimizdiń kásipkerlerine jańajyldyq meıram kezinde Orta Azııadaǵy eń úlken sýpermarketten 500 sharshy metr aýmaqty jalǵa alyp, bir aı ózderi shyǵaratyn ónimderdi satý týraly usynys jasalypty. Sóıtip, «Saǵyp» sharýa qoja­lyǵy qymyzynyń zamanaýı órkenıetti óndirisi ózgelerdiń de kózine túsip, suranys ózinen-ózi esik ashty. «Saǵyptyń» sary qy­my­zyna orystar da, qytaılar da qyzyǵýda. Tóleý apaıymyz bıe saýyp, qymyz ashytýmen 12 jyl boıy aınalysyp keledi. Alǵashqy jyldary kásibin 3 saýyn bıemen ǵana bastaǵan sharýashylyq búginde elimizdegi irgeli kásip­oryn­dardyń birine aınaldy. Respýblıkalyq «Altyn sapa» baıqaýynda júldeger atandy. Bul kúnderi qojalyqtyń sheteldik qondyrǵylary táýligine 1 tonna qymyzǵa deıin, al, aptasyna 5 tonna qymyz óndirýge múmkindik beredi. Elbasy oblysqa kelgen issaparlarynyń birinde Tóleýdiń «Saǵyp» sharýa qojalyǵynda boldy. Qazir sharýashylyqta 400 bıe bar, olardyń 180-i saýylady. Kásipker «Bıznestiń jol kartasy-2020» baǵdarlamasynyń aıasynda nesıe alyp, 2007 jyldan bastap óndiristi damyta bastady. Memlekettiń qoldaýy – otandyq taýar óndirýshilerge úlken demeý. Bul kúnderi qymyz óndirý sehtaryn­­da 30-ǵa jýyq maman eńbek etýde. Úde­me­li ındýstrııalyq-ınnovasııa­­lyq damý baǵdarlamasynyń sheń­berin­de jańa qondyrǵylar satyp alý úshin 52 mıllıon teńge bólinipti. Sharýashylyq qurylǵan kúnnen bastap-aq, qymyzdy TMD el­deri men Eýropaǵa eksporttaý maq­satynda jumys bastady. Kásip­oryn táýligine 900 lıtr qymyz óndiredi. Zamanaýı qurylǵy qymyzdy 0,3, 0,5 jáne 1 lıtrlik shyny qutylarǵa quıyp shyǵarady, qazy-qarta, shujyq, qurt, qospa, súzbe, qaımaq jasalady. О́ndiriste ata-babadan mıras bolǵan ejelgi ádis-tásilder de qoldanylady. Sondyqtan sharýa­shylyq et pen sút ónimderinen jasalatyn qazaq taǵamdaryn ulttyq brend retinde TMD jáne Eýropa elderi naryǵyna shyǵarýdy josparlap otyr. Tóleý Qushmanovanyń aıtýynsha, kórmeden kórip, dámin alǵan qytaılyq kásipkerler qymyz ben qurtty arnaıy zerthanalyq saraptamadan ótkizip, joǵary sapaly ónim dep baǵalasa kerek. Endi eshbir qospasyz, taza tabıǵı ónimge qyzyqqan qytaılyq kásipkerler jańa jyldyq meıramdaryna arnaıy tapsyrys berýde. Ol jaqtyń kásipkerleriniń talaby boıynsha qymyz 0,3, 0,5 lıtrlik shyny shólmekpen, al, qurt 150 grammdyq qoraptarǵa salynyp, satylady. – Buǵan deıin Máskeýde ót­ken «Qazaqstandyq taýarlar men ónimder» kórmesiniń qorytyndy­sy boıynsha Reseı naryǵyna qy­myz satý úshin memorandýmǵa qol qoıyp, 4 tonna qymyz jiber­dik. Máskeýde «Baýyrsaq» saýda ornymyz, Astanada da dúkenderimiz bar. Endi qytaılyqtarǵa da qurt pen qymyzymyz unaıdy degen úmittemiz, – deıdi «Saǵyp» sharýa qojalyǵynyń basshysy Tóleý Qushmanova. Farıda BYQAI, «Egemen Qazaqstan» Pavlodar oblysy