Ulttyq arnada birqatar baǵdarlamalar jabylady

«Qazaqstan» teleradıo korporasııasyna 2017 jylǵa eki úlken ózgeris engiziledi, dep jazdy «Qazaqstan» RTRK» AQ-nyń basqarma tóraǵasy Kemelbek Oıshybaev Feısbýktaǵy paraqshasynda. Onyń aıtýynsha, «Qazaqstan» telearnasynda kórermenniń kóńilinen shyqpaǵan birqatar baǵdarlama jabylady. «Birinshisi, 2016 jyldyń qorytyndysy boıynsha birneshe baǵdarlamalardy toqtaqtyq. Olardyń qatarynda «Agrobıznes», «Jan jylýy», «Tabys syry», «Bilgirler báıgesi». О́kinishke oraı, bul baǵdarlamalar kórermenniń kóńilinen shyqpady, konsepsııasynda, sapasynda ózgertýdi talap etedi. Osylaı toqsan saıyn ulttyq arnanyń baǵdardamalaryn iriktep turamyz. Shamalysyn toqtatyp, ornyna tájirıbeli áriptesterdi shaqyryp sol taqyrypta jańa konsepsııamen jobalar jasaımyz», – dedi basqarma tóraǵasy. Sonymen qatar, aldaǵy ýaqytta korporasııa qoǵammen baılanysty jaqsartpaq. «Ekinshi ózgeris - qoǵammen qarym-qatynasymyzdy ashyq túrde júıelep júrgizetin bolamyz. Jańa jobalar jasar kezde, naryqtaǵy tájirıbeli prodakshn kompanııalardyń barlyǵyn shaqyryp, erejelerin aldyn ala belgilep, solardyń arasynda saıys járııalap turamyz. Osy turǵyda joǵaryda aıtylǵandaı toqtatylǵan baǵdarlamalardyń ornyna jańa televızııalyq jobalarǵa baıqaý jarııalaımyz. Telebaǵdarlamalar daıyndaıtyn kompanııalardy áriptestikke shaqyramyz», – dedi Kemelbek Oıshybaev. «Qazaqstan» ulttyq arnasynda shyǵatyn jańa kreatıvti bastamaǵa negizdelgen baǵdarlamalar tańdalady. Osy baǵyttaǵy usynystar boıynsha telearna agrarlyq, shaǵyn jáne orta bızneske qatysty, sonymen qatar áleýmettik jáne kóńil kótererlik taqyryptarǵa baılanysty prezentasııa nemese beınerolıkterdi osy jyldyń 20 qańtaryna sheıin qabyldaıdy.