Foto: gov.kz
Qandaı qujattardy alýǵa bolady?
Qazirgi kezde postamat arqyly 19 túrli qujat beriledi, sonyń ishinde:
- Nekege turý jáne ajyrasý kýálikteri;
- Qaıtys bolý týraly týraly kýálikter;
- Arhıvtik anyqtamalar;
- Qaıtalama týý týraly kýálikter;
- Attestat, dıplom jáne taǵy da basqalary;
Aıta keteıik, aldaǵy ýaqytta bul tizim keńeıtiledi.
Bul qalaı jumys isteıdi?
-
Memlekettik qyzmetti rásimdegen kezde qujatty postamat arqyly alý tásilin tańdaý qajet.
-
Qujat daıyn bolǵan soń telefonǵa jeke kod jazylǵan SMS habarlama keledi.
-
Jáshikti ashý úshin bıometrııalyq ıdentıfıkasııadan ótý kerek.
-
Qujatty habarlama alǵannan keıin úsh kún ishinde alyp ketýge bolady. Eger osy merzimde alynbasa, qujat HQKO mamany arqyly standartty tártippen beriledi.
2026 jyly postamat qyzmetin paıdalaný quny 518 teńgeni quraıdy.
Qazirgi ýaqytta bul joba elimizdiń 10 qalasynda sátti iske qosylǵan. Halyqqa yńǵaıly bolý úshin barlyǵy 14 postamat úzdiksiz jumys istep tur.
Postamat ornalasqan HQKO-dyń mekenjaılary:
- Astana – Kereı, Jánibek handar kóshesi 4; Respýblıka dańǵyly 43;
- Almaty – Markova kóshesi 44; Jandosova kóshesi 51; Nurkent shaǵyn aýdany 5/17;
- Shymkent – Jangeldına kóshesi 13a; Tólemetova kóshesi 35;
- Taraz – Tóle bı dańǵyly 89g;
- Qordaı – Batys turǵyn alaby 25;
- Qaraǵandy – Shahtıorov dańǵyly 5/2;
- Qyzylorda – Astana dańǵyly 46;
- Pavlodar – Pavlova kóshesi 48;
- Túrkistan – 160-shy kvartal 236 úı;
- Semeı – Papanın kóshesi 34a;
Alataý qalasynyń HQKO-ynda elektrondy kezekti aldyn ala brondaý júıesi engizildi
