Elim dep soqqan júrek

Adam dúnıege kelgende baıandy ǵumyr, taǵylymdy ómir keshsem dep talpynatyny bar. О́mir jolynyń bıigine kóterilip, asýyna da shyǵýǵa umtylady. Osy ǵumyrnamada baǵy asyp, baqyty tasyǵan dárejege jetsem deıtin tilekte de júredi. Sondaı jannyń biri – Jambyl Ahmetbekov. Qarapaıym otbasynda ómir esigin ashyp, eseıgen ol kóp balaly shańyraqta tálim-tárbıe aldy. Shybyqty at qyp mingen balǵyn balalyq shaǵy da keshegideı kóz aldynda. Besikten beli shyqpaı jatyp, aýylda qara jumys istedi.  Ony erte eseıtken de osy qyry edi. On bes jasynda temir tul­par – traktordy tizgindese, eńbegi janyp, jıyrmadan endi asqanda Qyzylsaı aýyldyq okrýginiń depýtaty bolyp saı­landy. Qazaqta «Bolar bala jasy­nan», dep te tegin aıtylmasa ke­rek-ti. Osylaı jastaıynan el­diń aýzyna iligip, jeke basynan góri qoǵamdyq múddeni joǵary qoıa bildi. Halqynyń qamqoryna da aınalyp, talaı adamnyń al­ǵy­syn arqalady. Qolynan kelgen kómegin de aıap kórgen emes. Qashanda basqaǵa qolushyn berýge daıar turdy. Osy jyldar ishinde eki jo­ǵa­ry bilim alyp, óziniń bilimge degen qulshynysyn arttyrdy. Úl­ken­ge izgi, kishige úlgi bolarlyq qyrlary da ony erekshelep turatyn. Keıin eli úshin eńbegimen kó­rine bilgen ol Kommýnıstik ha­lyqtyq  partııaǵa múshe bolýdy qalady. Halyq senim artyp, kan­dıdat etip usynǵanynyń as­ta­rynda da osy jaılar jatqany anyq. Ol bılik basynda bolý qan­shalyqty jaýapkershilik júgin júkteıtinin aıqyn túsingeni­men, oǵan artqan úmitti aqta­maý­ǵa qaqysy joq dep sheshti. Túrli deńgeıdegi partııa jáne keńes  qyzmetin atqara júrip, orta­lyqtyń óktem saıasatynyń yǵy­men kete bermeı, el múddesin, bolashaq qamyn da bir sát esten shyǵarǵan joq. Jambyl Aýjan­uly partııa hatshysy bolyp qyzmet atqarǵan kezdiń ózinde-aq óziniń úlken mádenıettiligimen, ımanjúzdi izettiligimen tany­lyp, halyq dástúrin jaqsy biletin, oı órisi bıik, taǵylymy tereń jan ekenin talaı márte dáleldedi.  Onyń el prezıdenttigine laıyqty kandıdat ekendigine partııalastary tarapynan esh kúmán keltirmeıtini jan-jaqty qoldaýlary arqyly da anyq kórinedi. Muhamedjan YSQAQOV. Aqmola oblysy.