Jastar daýysy da asa mańyzdy

Keshe osydan bir aıdan astam ýaqyt buryn, ıaǵnı 22 aqpan kúni Astanadaǵy S.Seıfýllın atyndaǵy Qazaq Ag­rarlyq tehnıkalyq ýnıversıtetiniń bir top stýdent­te­ri­niń bastamasymen jastar arasynda Qazaqstan Respýb­lı­ka­synyń kezekten tys prezıdenttik saılaýyn nasıhattaý maqsatynda «Meniń daýysym alǵashqy! Meniń daýysym mańyzdy!» atty bastalǵan is-shara máresine jetti. Osy kezden bastap atal­mysh oqý ornynyń stýdentterinen qurylǵan «Táýel­sizdik terrıtorııasy» qozǵa­ly­sy bir aı ishinde kóptegen aksııalar ótkizip úlgerdi. So­nyń ishinde eń bastylary «Qa­zaqstan-Re­seı ýnıversı­te­tiniń ondyǵy Agrarlyq ýnıversıtettiń bestigine jaýap beredi», «О́zińdi saı­laýshy retinde kórset», «­Jas saılaýshynyń joly – táýel­sizdik terrıtorııasy», «Jas otbasy-2011. Meniń otbasym daýys beredi» men «Me­niń jeńisim – meniń prezıdentime arnalady» atty jas otbasylar men sport festıvalderi boldy. Sonymen birge, osy sharalardan bólek joǵary jáne orta oqý oryndary, jastar jıi jına­la­tyn túngi klýbtar men basqa da jerlerde qyzyqty is-sharalar ótti. «Táýelsizdik terrıtorııa­sy» qozǵalysynyń úılestirýshi­si Marjan Ábdilmájıtovanyń aıtýynsha, bir aı boıy ótkizil­gen sharalarǵa qalanyń kóp jas­tary qatysty. Olardy aksııaǵa qyzyqtyrý úshin de kóp ju­mys­tar isteldi. Máselen, aksııanyń kóbine jastar jınalatyn túngi klýbtarda uıymdastyrylǵany utymdy boldy. Sonyń arqa­synda tek stýdentter ǵana emes, barlyq jastar saılaý jóninde keńirek málimet alyp, árbir azamattyń osynaý saıası oqı­ǵaǵa qatysýy mańyzdy ekendigi túsindirildi. Al osy qozǵalys­tyń taǵy bir múshesi, S.Seıfýllın atyndaǵy Agrarlyq ýnı­ver­sı­tettiń 1-kýrs stýdenti San­dýǵash Borambektiń pikirinshe, bul joba tek bir kan­dıdatqa emes, tórt úmitkerdiń bárine arnalǵandyqtan, oǵan prezıdenttikke kandıdattar­dyń bar­lyq ókilderi qatysyp, óz­deriniń saılaýaldy baǵdar­la­masyn túsindirip, jastar ara­­synda nasıhat jumys­ta­ryn júrgizýge múmkindik aldy. Osy aksııa barysynda ja­ńa­dan qurylǵan «Táýelsizdik ter­rıtorııasy» atty mýzy­kalyq toby qalanyń kóp jerinde óner kórsetip, qur­das­tar, zamandas­taryn saılaýǵa qaty­sýǵa sha­qyrdy. S.Seıfýllın atyndaǵy Agrarlyq ýnı­versıtettiń stýdentteri Mereı Samat, Jánibek Esimseıitov, Rýslan Qabantaev pen L.N.Gýmılev atyndaǵy EUÝ stýdenti Pavel Selıverstov degen jastardan quralǵan top saılaý kúnine deıin ónerlerin kórsete bermek. Dastan KENJALIN. Astana.