Uly istiń keńı bersin arnasy

О́tken aptanyń  sońyna qaraı Memleket basshysy Nursultan Nazarbaev Shyǵys Qa­zaqstan oblysynda jumys saparymen bo­lyp, О́skemen qalasynyń janynan «Nurly kósh» baǵdarlamasynyń aıasynda salynǵan  jańa aýylda oralman aǵaıyndarmen júz­des­keni belgili. Naýryz merekesine oraı kelgen bul kezdesýde aýyl turǵyndary qazaqy salt-sanamen ult­tyq oıyn-saýyq, dástúr-joralǵylardy kórsetip, aýyl ishin  án men kúıge bóledi. Elbasy olarǵa elimizdegi kóshi-qon saıasaty, alys-jaqyn shetelderden kóship kelgenderge memleket tarapynan jasalyp jatqan ár­túrli áleýmettik qoldaý týraly, sondaı-aq Qazaqstannyń ekonomıkalyq damýy jó­ninde keńinen sóz qozǵap, aýyl tur­ǵyn­dary­men emen-jarqyn áńgimelesti. Osy kezdesýge qatysyp, alystan kelgen aǵaı­ynnyń atynan Elbasyǵa arnap lebizin bildirgen azamattyń sózin oqyrman na­zaryna usynyp otyrmyz. Mártebeli Elbasy! Men Qy­zaıbaı Qurmanhan degen kisi bo­lamyn.  Mońǵolııadan kóship keldim. Jasym jetpistiń beseýine keldi. Sizben bir kezdessem dep ish­teı arman etýshi edim. Aıtsam degen sózim bar edi. Qudaıǵa shú­kir, sol tilegim oryndalyp, minekı, ózińizben júzdesýdiń sáti tústi. Endi sol sózimdi aldy­ńyz­da aqtarsam deımin. Ata-babamyz qazaqtyń derbes memleket, táýelsiz el bolýyn ǵasyrlar boıy kóksep ótkeni aıan. Allaǵa táýbe, sol babalar ar­many búginde oryndalyp otyr. Ata-baba armanyna bizdiń qo­lymyzdy jetkizgen, qazaq eliniń kók baıraǵyn kóterip,   táýel­siz­dik  alyp bergen Sizsiz, Nureke! Qazaq jeke Táýelsiz el boldy degendi biz 1991 jyldyń so­ńynda Mońǵolııada júrip estidik. Syrtta júrgen aǵaıyn ata­jurtqa alańshyl, qulaǵy túrik, jany názik keledi. Bul habardy estigen bizdiń qýanyshymyzda shek joq edi. Júrekte uıalap qalǵan qara tas jibigendeı boldy. Qansha toısań da jumyrshaq jarylmaq joq, qansha qýansaq ta júrek toqtamaq joq degendeı, qýa­nysh­tan erkek basymyzben eńirep jibergenimizdi nesin jasyraıyn... Bul ańsaǵan armannyń oryn­dal­ǵany  edi. Namysymyz oıan­dy, boıymyzǵa qan júgirdi, eń­semiz kóterildi, rýhymyz serpildi. Mine, osy armannyń bar taýqymetin, bar  qıynshylyǵyn moınyńyzǵa alyp, jarǵaq qula­ǵyńyz jastyqqa tımeı iske asyrýshy da Siz boldyńyz. Qazaq eli tar jol, taıǵaq keshýden ótip, jıyrma jylda eko­nomıkasy myqty, áleýeti zor der­bes memleketke aınaldy. Sóıtip,  Siz qazaqtyń da, Qazaq­stan­nyń da  abyroıyn asyryp, atyn álemge  tanyttyńyz. Ta­qyr jerden taý ornatqandaı bo­lyp, baıtaq dala tósinde ásem Astana saldyrdyńyz. Qazaq­stan­dy ózgelermen terezesi teń, keregesi keń órkenıetti elderdiń qataryna qostyńyz. Bul uly tulǵalardyń ǵana qolynan keletin is edi. Siz, minekı, 20 jyl boıy álemde tarydaı shashylǵan qan­das­taryńyzdy Qazaqstanǵa jınap jatyrsyz. «Shirkin-aı, elge qaıtsaq» dep biz de ishteı kóksep qoıatynbyz. Biraq ol armany­myz­dyń júzege asýynan  góri aspan­daǵy aı jýyq kórinetin bizge. Sóıtip júrgende, qartaıǵan sha­ǵymyzda bolsa da, minekı,  biz­diń de armanymyz oryndaldy, oıdaǵymyz ońynan týdy. Syrttan kelgen aǵaıyn – biz – Táýelsizdikti tátti uǵym ǵana emes, Táńirdiń syıy dep qabyl­daımyz. Táýelsizdikti baıandy etý úshin – eń birinshi halyq sanyn kóbeıtý qajet dep oı­laımyz. Iаǵnı, ózimizdiń qazaq­tyń sanyn kóbeıtsek dep kókseımiz. Meniń Janymhan degen aǵaıymnyń urpaǵy qazir jetpisten asty. Men de biraz urpaqty jannyń birimin. Biz, sóıtip bir atanyń balasy О́skemenge  72 úı kóship kelip otyrmyz. Urpaqtyń birazy Mońǵolııada qaldy, túbin­de olar da keledi.  Turmy­symyz jaqsy, tirshilik bar, jaǵ­daı jaman emes. Shúkir, táýbe degennen basqa aıtarym joq. Sol úshin de Sizge urpaǵymnyń atynan aq júrekten alǵysymdy bildiremin! Qurmetti Elbasy! «О́zin-ózi basqarǵan er baqytty, ózin-ózi bılegen el baqytty» degen eken atam qazaq. Sol aıtqandaı, Siz sııaqty kemeńger basshysy bar Qazaqstan halqy – myna biz ba­qyt­tymyz,  biz ózimiz ǵana emes,  keler urpaǵymyzben   baqyt­ty­myz dep bilemin. Sondyqtan, búginde uzyn sa­ny mıllıonǵa jetken oralmandar atynan Sizge zor densaýlyq tileı otyryp, Qazaq elin nurly bola­shaq­qa bastaı berińiz demekpin.