20 qańtarǵa arnalǵan aýa raıy

20 qańtarda elimizdiń basym bóliginde atmosferalyq fronttardyń ótýine baılanysty, keı jerlerde qar jaýady, burqasyn, tuman, kóktaıǵaq bolyp, jel kúsheıedi, dep habarlaıdy Qazgıdromet. Aqmola oblysynyń keı jerlerinde jel 15-20 m/s kúsheıip, burqasyn bolady. Soltústik Qazaqstan oblysynyń keı jerlerinde jel 15-20 m/s kúsheıedi, túnde jáne tańerteń keı jerlerinde tuman kútilip, kúndiz burqasyn bolady. Shyǵys Qazaqstan oblysynyń keı jerlerinde jel 15-20 m/s kúsheıip, tuman baqylanady, kúndiz burqasyn bolady. Almaty oblysynyń keı jerlerinde tuman kútiledi, Jalańashkól aýdanynda jel 18-23 m/s kúsheıip, ekpini  28 m/s bolady. Jambyl oblysynyń keı jerlerinde tuman baqylanyp, tańerteń jáne kúndiz jel 15-20 m/s kúsheıedi. Ońtústik Qazaqstan, Qyzylorda oblystarynyń keı jerlerinde tuman kútiledi, Qyzylorda oblysynda kóktaıǵaq bolady. Batys Qazaqstan oblysynyń keı jerlerinde jel 15-20 m/s kúsheıedi, kúndiz jel burqasynmen bolady. Aqtóbe oblysynyń keı jerlerinde jaıaý burqasyn baqylanyp, kúndiz keı jerlerinde jeldiń kúshi 18 m/s bolady. Qostanaı oblysynyń keı jerlerinde burqasyn, tuman baqylanyp, jel 15-20 m/s kúsheıedi, tańerteń jáne kúndiz jeldiń ekpini 25 m/s bolady. Qaraǵandy oblysynyń keı jerlerinde jel 15-20 m/s kúsheıedi, burqasyn, tuman bolady.