Jetistikke jetýdiń kilti – adaldyq pen uqyptylyq

«Nur Otan» partııasy Tóraǵasynyń birinshi orynbasary Muhtar Qul-Muhammed partııanyń qurylymdyq bólimderi jáne oblystyq fılıaldarynyń basshylarymen keńeıtilgen jınalys ótkizdi. Onda Tóraǵanyń birinshi orynbasary partııanyń 2016 jylǵy jumysyn qorytyndylap, aldaǵy jospardyń basym baǵyttaryn naqtylady. О́tken jyly «Nur Otan» partııasy jumys pishimin jańǵyrtyp, kóptegen ıgi isterge muryndyq boldy. Birinshiden, partııanyń baqy­laý-tekserý qyzmeti aıtarlyqtaı kúsheıdi. Atap aıtqanda, partııa Tóraǵasy, Memleket basshy­synyń tapsyrmasymen elimiz boıyn­sha «Nurly jol» aýqymdy ınfra­qurylymdyq jobasymen qatar, basqa da mańyzdy memlekettik baǵdarlamalardy tıimdi júzege asyrýdy baqylaıtyn arnaıy komıssııalar quryldy. Nátıjesinde birqatar máselelerdi ýaqytynda anyqtap, olardy tez ári tıimdi sheshýge múmkindik týdy. О́z kezeginde bul Elbasy tapsyrmalarynyń sapaly oryndalýyna jaǵdaı jasady. Jıyn barysynda Muhtar Qul-Muhammed «Nurly jol» baǵ­darlamasynyń júzege asyrylýyn baqylap, partııalyq monıtorıng jasaý partııa Tóraǵasynyń tikeleı tapsyrmasy ekenin atap ótti. «Sol sebepti, partııa aımaqtyq fılıaldarynyń basshylaryna atalǵan baǵdarlamanyń oryndalý barysyna partııalyq baqy­laýdy kúsheıtýdi tapsyramyn. Baǵ­darlamanyń ýaqtyly ári sapaly júzege asýyna kedergi keltiretin olqylyqtarǵa erekshe mán berý kerek», – dedi partııa Tóraǵasynyń birinshi orynbasary. Ekinshiden, «Nur Otan» par­tııasy Ulttyq biryńǵaı testi­leýdiń mejelik deńgeıinen óte almaǵan nemese atalǵan synaqqa múl­dem qatyspaǵan mektep túlek­terine qoldaý kórsetý boıynsha Prezıdent tapsyrmasyn sátti oryndady. Elimiz boıynsha testileýge qatyspaǵan 54 myń túlek anyqtalyp, olardyń árqaı­sysyna partııa tarapynan kómek kórsetildi. Máselen, 9 myńy ju­mys­qa ornalastyrylsa, qalǵan­dary joǵary oqý oryndary men kásip­tik-tehnıkalyq bilim berý mekemelerine oqýǵa tústi. Bul jóninde «Nur Otan» par­tııa­sy Tóraǵasynyń birinshi oryn­ba­sary: «Búginde jumysqa orna­lasý nemese oqýǵa túsýge baı­la­nys­­ty mektep túlekterine qatys­ty má­­se­leler tolyǵymen sheshildi», – dedi. Úshinshiden, arnaıy «jedel jeli» men ınternet saıtynyń ar­qasynda partııa qoǵamdyq qa­byl­daýynyń qyzmet aıasy keńeıip, mańyzy arta tústi. О́tken 2016 jyly 226 myńnan astam qazaq­stan­dyq «Nur Otannan» kómek sura­ǵan. Bul kórsetkish 2015 jylmen sa­lystyrǵanda, aıtarlyqtaı artyq. Muhtar Qul-Muhammed partııadan kómek surap kelgender sanynyń ósýi onyń halyq ara­syndaǵy bedeliniń artqanyn bil­di­retinin aıta kelip: «Kóbinese halyq amaly taýsylyp, barar jer, basar taýy qalmaǵan kezde «Nur Otanǵa» keledi. Sondyqtan bizdiń min­detimiz – kómek surap kelgen ár azamatqa meılinshe qoldaý kór­setý», – dedi. Tórtinshiden, «Nur Otan» partııasy Memleket basshysynyń tapsyrmasymen eshqandaı balamasy joq NURINTECH respýblıkalyq ınnovasııalyq baıqaýyn ótkizdi. Onyń basty maqsaty – jas urpaq arasyndaǵy ǵylymı izdenistiń damýyna tyń serpin berý. Soǵan oraı ári qaraı jetildirý úshin jyl saıyn elimizdiń ár túkpirinen jas ǵalymdar men ónertapqyshtardyń jobalary iriktep alynady. О́tken jyldyń sońynda NURINTECH-tiń fınalyna shyqqan alǵashqy 20 jas ónertapqyshqa syılyqtar tapsyryldy. Besinshiden, az qamtylǵan otbasylarynan shyqqan talantty jáne bolashaǵy zor jastardyń sapaly bilim alýyn qamtamasyz etý maqsatynda Prezıdenttiń tapsyrmasymen partııa «Nur Arman» biregeı jobasyn qolǵa aldy. Qazirdiń ózinde joba arqyly 9 jas óren Ulybrıtanııa, Qytaı, Malaızııa jáne Reseıde bilim alýǵa múmkindik beretin qaıyrymdylyq grantyna ıe boldy. Altynshydan, is-sharalardyń jelilik kestesi negizinde partııa ortalyq pen aımaqtardaǵy óz qyzmetine qysqa jáne uzaq mer­zim­di josparlaý júıesin engizdi. Nátı­jesinde qolda bar resýrstar­dy naqty bólýge, belgi­li bir basym­dyqtar boıynsha ju­mysty tıimdi júrgizýge jáne bar­lyq deńgeıdegi partııa qyz­met­kerleriniń jumys nátı­jelerine qatań baqylaý jasaý­ǵa múmkindik týdy. Jetinshiden, aqpa­rattyq-tal­damalyq jáne túsin­dirý ju­mystary jandana tústi. Oǵan mysal retinde byl­tyr ashylǵan Saıası taldaý já­ne strategııalyq zertteý ortaly­ǵyn, partııanyń jańadan iske qosylǵan veb-saıtyn, BAQ, ınternet keńistigi jáne áleýmettik jelilermen jumys sapasynyń jaqsarýyn aıtýǵa bolady. Al 2017 jylǵy basym baǵyt­tar­ǵa keler bolsaq, «Nur Otan» par­tııasy Tóraǵasynyń birinshi oryn­basary jınalysta aldaǵy tapsyrmalar men mindetterdiń aýqymy aıtarlyqtaı keńeıgenin aıtty. Odan bólek, Muhtar Qul-Muhammed erekshe mańyzǵa ıe atalǵan máselelermen qatar, «Nur­ly jer» turǵyn úı qurylysy pre­zıdenttik baǵdarlamasyn, agro­óndiristik keshendi damytý baǵdarlamasyn, sondaı-aq, azyq-túlikpen qamtamasyz etý jáne buqaralyq kásipkerlikti damytý baǵdarlamasyn halyq arasynda keń kólemde talqylap, túsindirý jumystaryn júrgizýdi tapsyrdy. Sonymen qatar, partııa ókilderi «Nur Otannyń» saılaý­aldy baǵdarlamasynyń júzege asyrylýyn baqylap, júıeli monıtorıng jasaýǵa mindetti. Sondaı-aq, «Nur Otan» partııa­sy Tóraǵasynyń birinshi orynbasary: «Memleket basshysy óńir­lerdiń tolyqqandy damýyna qa­jetti bar­lyq jaǵdaıdy jasady. Aýqymy keń memlekettik baǵdar­lamalar qolǵa alyndy. Olardy júzege asyrý úshin mıllıard­taǵan qarajat bólinýde. О́te úlken kólemde sheteldik ınvestısııa­lar tartylýda. Endigi bizdiń bas­ty mindetimiz – Prezıdent tapsyr­masy men memlekettik baǵdarla­malardyń júzege asyrylýyn qatań baqylaýǵa alý», – dedi. Jıyndy qorytyndylaı kele, Muhtar Qul-Muhammed 2017 jy­ly «Nur Otan» partııasyna 18 jyl tolatynyn tilge tıek etti. Osy ýaqyt aralyǵynda partııa óz qatary­na Elbasynyń eń senimdi jaqtas­tary men serikterin toptasty­ryp, bedeldi, múshesi kóp jáne shyn mánindegi Qazaqstannyń búkil­ha­lyqtyq saıası kúshine aınaldy. Sóziniń sońynda partııa Tóra­­ǵa­­synyń birinshi orynbasary: «Partııa músheleri úshin mańy­zy joǵary osynaý jylda biz or­taq Otanymyz – Qazaqstan Res­pýb­­lıkasynyń kemel keleshegi úshin Memleket basshysynyń bar­lyq tapsyrmasyn 100 paıyz­ǵa oryndaýǵa mindettimiz. Prezı­dent elimizdiń aldyna jaýapty da kúrdeli mindetterdi qoıdy. Eger ár­qaısymyz ózimizge tıisti jumysty adal ári uqypty istesek, mindetti túrde jetistikke jetemiz jáne «Qazaqstan-2050» Strategııasynda kórsetilgen maqsat-murattardy júzege asyramyz», – dedi. Álısultan QULANBAI, «Egemen Qazaqstan»