Memlekettik sektor ekonomıkany ınvestısııalaýdy qysqartty

Memlekettik sektor ekonomıkany tikeleı ınvestısııalaýdaǵy óz qatysýyn azaıtty. 2016 jyly negizgi kapıtalǵa bıýdjettik ınvestısııalar kólemi 7%-ǵa deıin qysqardy. Sonymen qatar, jalpy ınvestısııalyq qorjyn 10%-ǵa ósken, dep jazdy finprom.kz. Jalpy ınvestısııalar kóleminiń úshten eki bóligin menshikti bıznes qarajaty quraǵan. 2016 jyldyń qorytyndysy boıynsha, negizgi kapıtalǵa bıýdjettik ınvestısııalar kólemi 7,7 trıllıon teńgeden asty. 5,3 trıllıon teńge somasyna jańa negizgi qorlar qoldanýǵa berildi, bul 2015 jylmen salystyrǵanda 10%-ǵa kóp. Memlekettik ınvestısııalardyń úles salmaǵy 18-den 15 paıyzǵa deıin qysqarǵan. Investısııalardyń negizgi kólemin, shamamen úshten eki bóligi - 4,7 trıllıon teńgeni bıznes óz esebinen qamtamasyz etken. Kólemi boıynsha, ekinshi ınvestısııalaý kózi - qaryz qarajaty 1,4 trıllıon teńge, jyldyq ósimi -  14,8%. Sheteldik ınvestısııalardyń ekonomıkamyzǵa úles salmaǵy jalpy qorjynnyń 30%-yn (2,3 trıllıon teńge) quraǵan. О́simi - 10,4%.