Májilistiń bıýro otyrysy ótti

Májilis Spıkeri Nurlan Nyǵmatýlınniń tóraǵalyǵymen Palatanyń Bıýro otyrysy ótti, dep habarlady Májilistiń baspasóz qyzmeti. Onda aldaǵy jalpy otyrystyń kún tártibi naqtylandy. Májilis depýtattary Túrkııamen arnaıy maqsattaǵy bólimshelerdiń oqý-jattyǵýlaryn ótkizý kezinde qabyldaýshy taraptyń qoldaý kórsetýi týraly ózara túsinistik týraly úkimetaralyq  memorandýmdy ratıfıkasııalaý týraly zań jobasyn qaraıdy dep kútilýde. Memorandýmda oqý-jattyǵýdy ótkizý ýaqytynda jiberýshi tarap úshin qabyldaýshy tarap usynatyn qoldaý kórsetý standarttary, tıpteri, deńgeıleri men ádisteri aıqyndalady. Sonymen birge, osy kúni Palata Polsha Úkimetimen adamdardyń readmıssııasy týraly úkimetaralyq kelisimdi ratıfıkasııalaý týraly zań jobasyn qaramaq. Bul kelisim byltyr Varshava qalasynda jasalǵan. Ol ýaǵdalasýshy taraptar memleketiniń aýmaǵyna zańsyz kelgen, onda bolǵan nemese turyp jatqan ýaǵdalasýshy taraptardyń azamattary, úshinshi memleketterdiń azamattary nemese azamattyǵy joq adamdar readmıssııasynyń quqyqtyq jáne uıymdastyrý máselelerin retteýdi kózdeıdi.