Astana ákimdigi úlestik qurylys kartasyn ázirledi

Úlestik qurylys týraly jańa zańdy tıimdi iske asyrý jáne atqarylyp jatqan jumystardyń transparenttiligin qamtamasyz etý maqsatynda Astana qalasynyń ákimdigi úlestik qurylystyń biryńǵaı kartasyn ázirledi, astana.gov.kz. Kartada úsh aýdanda ornalasqan úleskerlik qurylystyń 56 nysany kórsetilgen. Karta eki baǵyttan turady: problemalyq nysandar jáne jańa zańnyń normalaryna sáıkes salynyp jatqan nysandar. Ol óte yńǵaıly jáne kópfýnksıonaldy bolyp tabylady. Sondaı-aq, turǵyn úı kesheniniń mekenjaıy men ornalasqan orny, sıpattamasy, foto jáne beınekórsetkishter usynylǵan. Úleskerler nysannyń mártebesimen tanysyp, qurylys jumystarynyń barysy men kezeńderi, qurylys salýshy týraly durys málimet usynylǵan tolyq tehnıkalyq qujattama týraly aqparat ala alady. Úlestik qurylystyń biryńǵaı kartasynyń basty artyqshylyqtary - shynaıy aqparat usyný, aıqyndylyqty qamtamasyz etý, TK nysandary boıynsha ózekti aqparattyń qoljetimdiligi, biryńǵaı málimetter bazasyna qoljetimdilik, barlyq paıdalanýshylar úshin túsinikti ınterfeıs. Qazirgi kezde 30-dan asa problemalyq nysan Astana ákimdiginiń baqylaýyna alyndy. Nysandardyń tizimi resmı saıtta jarııalanǵan. Ár apta saıyn vedomstvoaralyq komıssııanyń otyrystarynda qalǵan nysandar boıynsha jaǵdaı týraly úlesker-ınvestorlardyń bastamashyl toptarynyń aqparattary tyńdalady. Vedomstvoaralyq komıssııanyń músheleri qoldanystaǵy zańnamanyń sheńberinde qurylys salýshylarǵa nysandardyń qurylysyn aıaqtaýda qoldaý kórsetip otyr. Qurylys salýshy tarapynan naqty jumys júrgizilmese, qurylysty óz betterimen aıaqtaý úshin nysandardy TQK-ge berý boıynsha sot prosedýralaryn júrgizý usynylady. 2014-2016 jyldary komıssııa qyzmetiniń arqasynda 20-ǵa jýyq problemalyq nysannyń qurylysyn aıaqtaý máseleleri sheshimin tapqan.