Túrkııa parlamenti prezıdenttik basqarý júıesine aýysýdy qoldaıdy

Túrkııa parlamentiniń depýtattary konstıtýsııaǵa prezıdenttik basqarý túrine aýysýdy qarastyratyn ózgerister engizý týraly zań jobasyn qoldady, dep habarlaıdy TASS. Búgin ótkizilgen daýys berý nátıjesinde zańdy qabyldaýǵa 488 depýtattyń 339-y kelisim bergen. Budan buryn, 15 qańtarda atalǵan zań jobasy parlamenttiń birinshi oqylymynda maquldanǵan. Endi zań referendýmǵa jiberiledi. «Atqarylǵan jumys úshin depýtattarǵa alǵys bildiremin, endi halyqtyń oıyn bilgimiz keledi», dep málimdedi Túrkııa premeri Bınalı Iyldyrym. Aıta keteıik, Túrkııa Respýblıkasy qurylǵaly beri elde parlamenttik basqarý júıesi boldy. Al onyń ornyna prezıdenttik basqarý júıesin engizýdi qarastyratyn negizgi zańǵa ózgeristerdi Túrkııanyń Ádilet jáne damý partııasy engizdi. Zań referendýmda qabyldanǵan jaǵdaıda, 2019 jyldan bastap engiziletin ózgerister prezıdenttiń quzyryn keńeıte túspek. Atap aıtqanda, ol jarlyq shyǵaryp, mınıstrlerdi taǵaıyndaý quqyǵyna ıe bolady.