Qazaqstannyń tórt aımaǵynda jol jabyldy

QR IID Tótenshe jaǵdaılar komıteti qolaısyz aýa raıyna baılanysty joldardyń jabylǵanyn habarlady. Aqmola oblysynda 21 qańtar kúni saǵat 09:40-ta aýa raıynyń nasharlaýyna baılanysty (boran, joldyń kórinbeýi) «Ekaterınbýrg - Almaty» 917-1006 km ( p. Jaqsy - Atbasar), «Jaqsy-Esil-Buzylyq» (0-82); «Qostanaı-Áýlıekól-Sýrgan» (232-260 km); «Jezqazǵan - Petropavlovsk» (377-595 km) «Ekaterınbýrg-Almaty» (917-856 km); «Astana-Qabanbaı Batyr-Kıevka-Temirtaý» (16-51 km) joldarynda kozǵalys barlyq avtokólik túrleri úshin jabyq. 21 qańtar saǵat 09:40-ta aýa raıynyń nasharlaýyna baılanysty (qatty jel, qar, joldyń kórinbeýi) «Ekaterınbýrg - Almaty» avtojolynyń 1280-1353 shaqyrymy (Jaqsy kenti - Atbasar) barlyq kólik túrleri úshin jabyq. Almaty oblysynda 20 qańtar kúni saǵat 23:00-den bastap, respýblıkalyq mańyzy bar «Saryózek-Kóktal» avtojolynyń 40-shy men 80-shi shaqyrymynda júk jáne qoǵamdyq kólikke shekteý qoıyldy. Shyǵys Qazaqstan oblysynda 20 qańtar kúni saǵat 15:00-de aýa raıynyń nasharlaýyna baılanysty (qatty jel, joldyń kórinbeýi) «Charsk-Bakyrchık» (0-42 km), «Bakyrchık-Býrsak» (0-18 km) barlyq avtokólik túrlerine qozǵalys jabyldy.