Abel Sanches: Golovkın osy kúzde kishi Chavespen jekpe-jek ótkizýi múmkin

WBA (Super), IBO, WBC jáne IBF nusqalary boıynsha álem chempıony Gennadıı Golovkınniń (36-0, 33 KO) bapkeri Abel Sanches shákirtiniń aldaǵy qarsylastary jaıly óz oıymen bólisti, dep habarlady vesti.kz. Alaıda, 18 naýryz kúni amerıkalyq Dennıel Djeıkobspen aıqasy baryn esten shyǵarmaýdy alǵa tartty. Al Alvares mamyr aıynda otandasy kishi Hýlıo Sezar Chavespen judyryqtasatyny birer apta buryn habarlanǵan. Bul keshti HBO telearnasy aqyly translıasııa júıesi arqyly kórsetedi. «Men Golovkın men Djeıkobs arasyndaǵy kezdesýde ne bolaryn anyq bilmeımin. Ekeýi de ózderine senimdi boksshylar. «Kanelo» men kishi Chaves arasynda da kez kelgen jaıt bolýy múmkin. Bir ǵana joıqyn soqqy bárin sheship ketýi ǵajap emes. Biraq óz basym Golovkınniń jeńisine senim artamyn», – dedi Sanches. «Qazir jurttyń bári qyrkúıek aıynda ótýi múmkin Saýl men GGG kezdesýi jaıly jıi talqylap ketti. Biraq ol ýaqytta Golovkın kishi Chavespen, al Djeıkobs «Kanelomen» kúsh synasýy ábden múmkin. Bul jekpe-jekterde naqty bir favorıt bar dep oılamaımyn», – dedi jattyqtyrýshy.