«Qazaqstan-Aqtóbe» telearnasynyń dırektory bolyp Ernur Býrahan taǵaıyndaldy

«Shamshyraq-Aqtóbe» JShS dırektory bolyp Otynshın Raýken Saǵyzbaıuly taǵaıyndaldy. Seriktestik quramynda eki oblystyq gazet bar. Al Raýken Otynshın buǵan deıin «Qazaqstan» RTRK Aqtóbe oblystyq fılıalyn basqaryp keldi, dep habarlady aktobenews.kz.  «Shamshyraq-Aqtóbe» JShS dırektory Meıirhan Aqdáýletuly óz erkimen jumystan ketip, «Adyrna» respýblıkalyq ádebı jýrnalyn basqaratyn boldy. Oblys ákiminiń orynbasary A.Sherııazdanov óz sózinde R.Otynshınniń ornyna «Qazaqstan-Aqtóbe» telearnasynyń dırektory bolyp Ernur Býrahan taǵaıyndalǵanyn atap ótti. Al R.Otynshın Aqtóbe jáne Atyraý oblystaryndaǵy BAQ salasynda jumys istegen eńbek tájirıbesi esepke alynyp, «Shamshyraq-Aqtóbe» JShS basshysy boldy. R.Otynshın 1960 jyly Aqtóbe oblysynyń Baıǵanın aýdanynda týǵan. Pedagogıkalyq jáne zańgerlik mamandyǵy bar. Eńbek jolyn keńsharda bastap, keıin Baıǵanın aýdanynyń Komsomoldyń 30 jyldyǵy atyndaǵy orta mektepte dırektorydyń orynbasary bolǵan. 1987 jáne 1997 jyldar aralyǵynda oblystyq «Kommýnızm joly» gazetinde jumys istedi. Odan soń, Atyraý oblysynyń BAQ salasynda eńbek etti. Sońǵy 10 jylǵa jýyq ýaqyt «Qazaqstan-Aqtóbe» telearnasyn basqaryp keldi.