Qazaqstanda bes jylda 9 terakt bolǵan

Sońǵy bes jylda Qazaqstanda 9 terakt bolǵan. Bul týraly búgin Astanada lańkestikke qarsy kúres máseleleri kóterilgen xalyqaralyq dóńgelek ústelde QR Bas prokýrorynyń orynbasary Andreı Kravchenko málim etti, dep habarlady QazAqparat. «Halyqaralyq lańkesterdiń qyzmeti keńeıip jatyr. Kún saıyn terrorlyq aktilerden beıbit xalyq japa shegýde. DAISh teraktilerin qospaǵanda sońǵy eki jylda 3 myńnan astam adam kóz jumdy. Ondaǵan myń adam japa shekti. Radıkaldy toptardyń kesiri bizge tııýde. Sońǵy 5 jylda Qazaqstanda 9 terakti boldy. Barlyǵymyzǵa da ortaq atalmysh qaýip-qaterlermen kúres bizdiń tyǵyz jumys isteýimizdi talap etedi», – dedi Andreı Kravchenko. Onyń sózinshe, búginde lańkestik toptar óz qatarlaryn ınternet arqyly toltyrýda. «Ekstremısterge aqparattyq qyzmetter jumys isteıdi. Sarapshylardyń anyqtaǵanyndaı, lańkesterdiń qataryna jastardyń 80 paıyzy ınternet arqyly qosylǵan. BUU málimetteri boıynsha, sheteldik lańkester óz qatarlaryn tolyqtyra túsýde. Qazir DAISh qatarynda álemniń 80 memleketinen kelgen azamattar bar. Olardyń sany zańsyz mıgrasııalyq joldar arqyly molaıyp jatyr. Lańkestik uıymdardy qarjylandyrý júıesi de jetilýde. Qazir olar esirtki satýdan, zańsyz qarý-jaraq aınalymynan, tonaýdan, munaıdan, adam saýdasynan qarajat túsirýde. Oǵan qarsy is-sharalardyń tıimdiligin tek memleketterdiń birlesken is-qımylynyń negizinde ǵana sheshýge bolady», – dep atap ótti ol. Dóńgelek ústel alańyn paıdalana otyryp, A. Kravchenko barlyq elderge ortaq Lańkestikpen kúres konvensııasyn qabyldaýdy usyndy. «Lańkestik uǵymyn belgileýde túrli túsiniktemeler berilýde. Biliktilik pen jaýapkershilik formalarynyń biryńǵaılyǵyn belgileý qajettiligi týyndaýda. Buny Lańkestikpen kúres konvensııasyn qabyldaý arqyly ǵana sheshýge bolady  dep sanaımyz», – dedi ol.