Qazaqstan Respýblıkasynyń Eńbek jáne halyqty áleýmettik qorǵaý mınıstrliginiń buıryǵy №109-ó

2011 jylǵy 29 naýryz №109-ó Astana qalasy 2011 jyldyń 2 toqsanyna arnalǵan kedeılik shegin anyqtaý týraly Qazaqstan Respýblıkasy Úkimetiniń 2000 jylǵy 8 sáýirdegi № 537 qaýlysymen bekitilgen Kedeılik shegin anyqtaý erejesiniń 4-tarmaǵyn oryndaý úshin buıyramyn: 1. Qazaqstan Respýblıkasy boıynsha 2011 jyldyń 2 toqsanyna arnalǵan kedeılik shegi Qazaqstan Respýblıkasynyń Statıstıka agenttigi ótken toqsanǵa eseptegen eń tómengi kúnkóris deńgeıiniń 40 prosenti mólsherinde anyqtalsyn. 2. Qazaqstan Respýblıkasy Eńbek jáne halyqty áleýmettik qorǵaý mınıstriniń «2011 jyldyń 1 toqsanyna arnalǵan kedeılik shegin anyqtaý týraly» 2010 jylǵy 29 jeltoqsandaǵy №435-ó buıryǵynyń (Normatıvtik-quqyqtyq aktilerdi tirkeýdiń memlekettik tiziliminde №6715 tirkelgen jáne «Egemen Qazaqstan» 2011 jylǵy 7 qańtardaǵy № 3-4; «Kazahstanskaıa pravda» ot 06.01.2011 g., №2 gazetterinde jarııalanǵan) kúshi joıylǵan dep tanylsyn. 3. Áleýmettik kómek departamenti (K.A.Manabaeva) osy buıryqty: 1) zańnamada belgilengen tártippen Qazaqstan Respýblıkasy Ádilet mınıstrliginde memlekettik tirkelýdi jáne resmı jarııalaýdy; 2) oblystyq, Astana jáne Almaty qalalarynyń jumyspen qamtýdy úılestirý jáne áleýmettik baǵdarlamalar basqarmasyna jetkizýdi qamtamasyz etsin. 4. Osy buıryqtyń oryndalýyn baqylaý Qazaqstan Respýblıkasy Eńbek jáne halyqty áleýmettik qorǵaý vıse-mınıstri Á.B.Núsipovaǵa júktelsin. 5. Osy buıryq alǵashqy resmı jarııalanǵan kúnnen bastap kúshine enedi jáne 2011 jyldyń 1 sáýirinen bastap týyndaǵan qatynastarǵa qoldanylady. Mınıstr G.ÁBDIQALYQOVA. ––––––––––––––– Buıryq Qazaqstan Respýblıkasynyń Ádilet mınıstrliginde 2011 jylǵy 29 naýryzda Normatıvtik quqyqtyq kesimderdi memlekettik tirkeýdiń tizilimine №6849 bolyp engizildi.