Foto: Ashyq derekkóz
«Qazsýshardyń» Soltústik Qazaqstan oblysyndaǵy fılıaly júrgizgen jumystar aıasynda eki gıdrotorapta da jaǵalaýdy bekitý sharalary atqaryldy. Bıylǵy josparǵa sáıkes, atalǵan nysandarda 7 is-sharany júzege asyrý kózdelgen, olardyń barlyǵy oryndalǵan.
Eki gıdrotorapta SQO Tótenshe jaǵdaılar departamenti habarlandyrý júıesimen yqpaldastyrylǵan jergilikti eskertý júıelerimen jabdyqtalǵan. Bul tótenshe jaǵdaı týyndaǵan jaǵdaıda jedel áreket etýge múmkindik beredi.
Sergeev gıdrotoraby Esil ózeni aǵynyn retteıtin negizgi nysan sanalady jáne Petropavl gıdrotorabymen kaskadty júıede jumys isteıdi. Atalǵan eki nysan Soltústik Qazaqstan oblysyn, sondaı-aq ishinara Qostanaı oblysy men Aqmola oblysy aýmaqtaryn sýmen qamtamasyz etetin birtutas sý sharýashylyǵy keshenin quraıdy.
Fılıal dırektory Erjan Kúsimbaevtyń aıtýynsha, daıyndyq sharalary keshendi túrde júrgizilgen.
«Avarııalyq kezekshi brıgadalar quryldy, mamandar qajetti jabdyqtarmen jáne qural-saımandarmen qamtamasyz etildi. Ýchaskelerdegi qyzmetkerlerge qaýipsizdik tehnıkasy boıynsha nusqaýlyq ótkizildi. Sý qoımalarynyń tolý deńgeıin táýlik boıy baqylaý jáne sý tasqyny jaǵdaıy týraly aqparatty múddeli memlekettik organdarǵa, sondaı-aq Reseı Federasııasyndaǵy áriptesterge jetkizý úshin jedel shtabtyń jumysy uıymdastyryldy»,
Mamandardyń málimetinshe, qabyldanǵan sharalar kóktemgi sý tasqyny kezeńinde qaýip-qaterdiń aldyn alýǵa jáne óńirdegi eldi mekender men ınfraqurylym nysandarynyń qaýipsizdigin qamtamasyz etýge baǵyttalǵan.
