«Alaý» alańyndaǵy aıshyqtar

Astanadaǵy «Alaý» konkı tebý stadıonyn TMD elderinde teńdesi joq, dúnıejúzi boıynsha saýsaqpen sanarlyqtaı salynǵan sport keshenderiniń biri deýge bolady. О́ıtkeni, ol aldyńǵy qatar­ly tehnologııalardy paıdalaný ar­qyly boıyna túrli fýnk­sııa­lyq elementterdi biriktire al­ǵan alyp keshen bolyp sanalady. Sport saraıynyń irgetasy 2007 jylǵy qarasha aıynda qa­lan­­ǵan bolatyn. Onyń sáýlet­shi­leri A.Laptev pen A.Poznıkov bol­sa, jobanyń bas merdigeri túr­kııalyq «Sembol ınshaat» kom­panııasy. Osy kompanııa ke­shen­niń qurylysyn sol kezden bastap, Qysqy Azıada qarsa­ńyn­da bitirdi. Qazir keshendi ǵımarat ortada ornalasqan muz aıdynynan jáne oǵan biriktirile salynǵan qosymsha úsh ǵımarattan: qonaq úı, fıtnes ortalyq jáne ákim­shilik bólimnen turady. Jalpy, muz aıdynynda ótetin sharalardy bir kezde 7 620 kórer­men kórip, qonaq úıde 100-ge jýyq adam ornalasa ala­dy. Al fıtnes ortalyqta túr­li baǵytta­ǵy trenajerlar, ıoga men pılatessa ból­me­si, basketbol men gandbol oı­naýǵa arnal­ǵan zaldar, massaj, spa-salon, shash­taraz, ımıtasııa­lyq kabınet taǵysyn taǵylar bar. Keshende meıramhana, kafe-barlar da joq emes. Onda saıys kezinde bir kezde 400-ge shamalas adam ta­maqtana alady. Sondaı-aq, sport saraıy ákim­shilik keńselerden, tóreshi alqasy zalynan, baspasóz máslı­hatyn jáne basqa da túrli májilister ótkizetin 103 oryndyq kongress zaldan, sportshylardyń kıim aýys­tyrýyna arnalǵan 160 oryn­dyq bólmelerden turady. «Alaý» konkı tebý stadıony­nyń dırektory Darhan Dosma­ǵam­­betovtyń aıtýynsha, onyń jú­regi – 9500 sharshy metrlik muz aı­dy­ny bolyp esepteledi. Onda­ǵy ja­rys joly álemdik talaptar­ǵa saı ja­sa­lyp, uzyndyǵy 400 metrdi quraıdy. Eki jol jarys úshin, al kó­gildir tús­k­e boıalǵan úshinshi jol jat­tyǵý­ǵa arnalǵan. Sony­men birge muz quıý úshin tórt sa­ty­ly kezeńnen ótkizil­gen tazar­tyl­ǵan móldir sý paıda­la­ny­lady. Keshegi ótken Qysqy Azı­da­ǵa qa­tysqan sport­shylar, táýelsiz sa­rap­shy ma­mandardyń baǵalaýyn­sha, sport ke­sheniniń salynýy men ondaǵy muz­dyń deńgeıi óte jo­ǵa­ry. Tipti, bir­qatary «Alaýdyń» aı­dynyn álem­dik jabyq muz aı­dyny stadıon­dary­men taıtalasa alady degen pikirlerin bildirip ketti. Sport saraıynyń qural-jab­dyq­tarynyń bári sońǵy tehnologııalarmen jabdyqtalǵan. Munda sý daıyndaý boıynsha kóptegen jyl­ǵy tájirıbesi bar «Ewro­water» kom­panııasynyń qurylǵy­lary or­natylǵan. Ol bizdegi sý­dyń sapa­syn eskere otyryp, tórt satyly tazartýdan ótkizedi. So­ny­men birge stadıon baılanys júıesi jáne aq­paratty taratý bo­ıynsha jaqsy tehnologııalarmen qamtamasyz etil­gen. Sonyń ishinde sekóntine 20 000 túsirilim ja­saıtyn máre qurylǵy­sy bar. Al muz aıdynynyń tórt buryshyn­daǵy beınekamera 360 gra­dýsqa aınalyp, sandyq úlgide óte sapa­ly túsire alady. Mundaı sapaly beınekamera stadıonnyń kon­gress-zalynda da ornalasqan. Al endi sport kesheninde ha­lyq­tyń sportpen aına­lysýy­na qandaı múmkindikter bar desek, sport saraıy konkımen syrǵanaý, short-trek, long-trek, kanadalyq hokkeı, kerlıng jáne mánerlep syrǵanaý sııaqty sport túrlerinen jarys ót­kizý­ge arnalǵandyqtan munda Azııa oıyndarynan keıin №2 balalar jáne jasóspirimder sport mektebimen birlesip, mánerlep syr­ǵa­naý jáne konkı tebýden 5 pen 18 jas­taǵy balalar men jasóspirimderge arnalǵan úıir­me­ler jumys isteýde. Mánerlep syrǵanaý boıynsha aptanyń alty kúni saǵat 10.00-nan 17.45-ke deıin, konkı tebýden aptanyń bes kúni saǵat 10.30-dan 18.30-ǵa deıin jas ereksheligine jáne ártúrli deńgeıde meń­gerýine baılanysty úıirmeler jumys isteıdi. Olardyń bári tegin. Aldaǵy ýaqytta short-trek pen hokkeı boıynsha da úıir­me­lerdiń jumys jasaýy qaras­ty­rylýda. Sonymen birge qara­pa­ıym halyqtyń konkı tebýi úshin konkıdiń jalǵa berý jaǵy da oılastyrylyp jatqan kórinedi. Sol sııaqty fıtnes ortalyqtaǵy trenajer zaldarynda kez-kelgen azamat arnaıy jattyqtyrý­shy­men dene shynyqtyra alady. Odan basqa ártúrli bı úıirmeleri qyzmet etip, ıoga, karate, ý-shý sııaqty sport túrlerimen aınaly­sýǵa da bolady. Jalpy, «Alaý» sport sara­ıy­nyń kásip­qoı sportshylarǵa da, sala­matty ómir saltyn us­tanýshy azamattardyń bárine de esigi ashyq.