Qazaqstan Respýblıkasy Úkimetiniń qaýlysy №166

2011 jylǵy 22 aqpan                       Astana, Úkimet Úıi Qazaqstan Respýblıkasy Úkimetiniń 2009 jylǵy 14 naýryzdaǵy №330 qaýlysyna ózgeris engizý týraly Qazaqstan Respýblıkasynyń Úkimeti qaýly etedi: 1. «Arnaýly áleýmettik qyzmetterdiń kepildik berilgen kóleminiń tizbesin bekitý týraly» Qazaqstan Respýblıkasy Úkimetiniń 2009 jylǵy 14 naýryzdaǵy № 330 qaýlysyna (Qazaqstan Respýblıkasynyń PÚAJ-y, 2009 j., № 15, 120-qujat) mynadaı ózgeris engizilsin: kórsetilgen qaýlymen bekitilgen arnaýly áleýmettik qyzmetterdiń kepildik berilgen kóleminiń tizbesi osy qaýlyǵa qosymshaǵa sáıkes jańa redaksııada jazylsyn. 2. Osy qaýly qol qoıylǵan kúninen bastap qoldanysqa engiziledi jáne resmı jarııalanýǵa tıis. Qazaqstan Respýblıkasynyń Premer-Mınıstri K.MÁSIMOV. Qazaqstan Respýblıkasy Úkimetiniń 2011 jylǵy «22» aqpandaǵy №166 qaýlysyna qosymsha Qazaqstan Respýblıkasy Úkimetiniń 2009 jylǵy 14 naýryzdaǵy №330 qaýlysymen bekitilgen Arnaýly áleýmettik qyzmetterdiń kepildik berilgen kóleminiń tizbesi 1. Arnaýly áleýmettik qyzmetterdiń kepildik berilgen kólemi qyzmet alýshylardyń mynadaı: 1) psıhonevrologııalyq aýytqýlary bar múgedek balalarǵa (budan ári – balalar); 2) tirek-qozǵalys apparaty buzylǵan múgedek balalarǵa (budan ári – TQA buzylǵan balalar); 3) psıhonevrologııalyq aýrýlary bar on segiz jastan asqan múgedekter (budan ári – 18 jastan asqan adamdar); 4) birinshi jáne ekinshi toptaǵy múgedekter (budan ári – múgedekter); 5) jasynyń egde tartýyna baılanysty ózine-ózi kútim jasaýǵa qabiletsiz adamdar qatarynan dene jáne (nemese) aqyl-oı múmkindikterine baı­lanysty aǵzasynyń fýnksııalary turaqty bu­zyl­ǵan adamdarǵa (otbasylarǵa), sondaı-aq ja­sy­nyń ulǵaıýyna baılanysty ózine-ózi kútim jasaýǵa qabiletsiz adamdarǵa (otbasylarǵa) usynylady. 2. Arnaýly áleýmettik qyzmetterdiń kepildik berilgen kóleminiń tizbesi: áleýmettik-turmystyq; áleýmettik-medısınalyq; áleýmettik-psıhologııalyq; áleýmettik-pedagogıkalyq; áleýmettik-eńbek; áleýmettik-mádenı; áleýmettik-ekonomıkalyq; áleýmettik-quqyqtyq qyzmetterdi qamtıdy. 3. Turmystaǵy qyzmet alýshylardyń tynys-tirshiligin qoldaýǵa baǵyttalǵan áleýmettik-tur­mystyq qyzmetter mynalardy qamtıdy: jeke qyzmet kórsetý jáne gıgıenalyq sıpat­taǵy áleýmettik-turmystyq qyzmetter kórsetý; uıymdarda ońaltýǵa, emdeýge, bilim berýge, mádenı is-sharalarǵa, pallıatıvtik kómekti uı­ym­dastyrýǵa, dinı ádet-ǵuryptardy ótkizýge, em­deý-eńbek qyzmetin uıymdastyrýǵa, ózine-ózi qyzmet kórsetý daǵdylaryna, turmystyq baǵ­dar­laý negizderine úıretýge arnalǵan jıhazben jáne (nemese) mamandandyrylǵan jabdyqtar­men jasaqtalǵan úı-jaılar berý; múgedekter men 18 jastan asqan densaýly­ǵynyń jaǵdaıy boıynsha jumys isteý qarsy kórsetilmegen adamdar úshin jumys oryndaryn uıymdastyrýǵa jaǵdaı jasaý; bógde adamdardyń kómeginsiz turmystyq qajettikterin júzege asyrýdy qamtamasyz etetin beıimdelgen úı-jaılar men qurylǵylar berý; sanıtarlyq-gıgıenalyq talaptarǵa sáıkes turý jaǵdaılaryn qoldaý jóninde qyzmetter kórsetý; keneýli jáne dıetalyq tamaqtanýdy usyný; turmystyq qyzmet kórsetýdi qamtamasyz etý (kir jýý, keptirý, útikteý, ish kıimdi, kıimdi, tósek-oryn jabdyqtaryn dezınfeksııalaý); qyzmet alýshylardyń otbasy múshelerine jeke qyzmet kórsetý jáne sanıtarlyq-gıgıenalyq sıpattaǵy praktıkalyq daǵdylardy úıretý; qarttar men múgedekterge hat jazýda jáne oqýda kómek kórsetý; túski ystyq tamaq, kúndelikti qajetti azyq-túlik jáne azyq-túlik emes taýarlardy satyp alý jáne úıge jetkizip berý; qarttar men múgedekterge tamaq pisirýge, kir jýýǵa, pesh jaǵýǵa, aǵash, kómir jáne sý ákelýge kómektesý. 4. Qyzmet alýshylardyń densaýlyǵyn qol­daý­ǵa jáne jaqsartýǵa baǵyttalǵan áleýmettik-medısınalyq qyzmetter mynalardy qamtıdy: medısınalyq-áleýmettik tekserýdi uıymdas­ty­rý jáne júrgizý; dáriger kelgenge deıin kómek kórsetý; medısınalyq-áleýmettik saraptama júrgizýge járdemdesý; tegin medısınalyq kómektiń kepildik berilgen kólemin alýǵa járdemdesý; múgedekterdi sanatorıılik-kýrorttyq emdeýmen, ońaltýdyń jeke baǵdarlamalaryna sáıkes tehnıkalyq kómekshi (ornyn toltyrýshy) jáne mindetti gıgıenalyq quraldarmen qamtamasyz etýge járdemdesý; qyzmet alýshylarǵa tehnıkalyq kómekshi (ornyn toltyrýshy) jáne mindetti gıgıenalyq quraldardy paıdalanýdy úıretý; múgedekterdi ońaltýdyń jeke baǵdarlama­laryna sáıkes protezdik-ortopedııalyq jáne estýdi protezdeý kómegin alýǵa járdemdesý; medısınalyq-áleýmettik máseleler jóninde, onyń ishinde jasyna qaraı beıimdeý máseleleri jóninde konsýltasııa berý; densaýlyǵyna baılanysty rásimderdi júrgizý; alǵashqy medısınalyq tekserý jáne alǵashqy sanıtarlyq óńdeýdi júrgizý; qyzmet alýshylarǵa densaýlyǵynyń jaǵ­daıy­na qaraı kútimdi qamtamasyz etý; alǵashqy medısınalyq-sanıtarlyq kómek kórsetý; sanıtarlyq-gıgıenalyq qyzmetter kórsetý; emdeý-saýyqtyrý is-sharalaryn, onyń ishinde densaýlyq saqtaý mekemelerinde uıymdastyrý; áleýmettik-medısınalyq sıpattaǵy ońaltý is-sharalaryn júrgizý; emdeıtin dárigerdiń taǵaıyndaýyna sáıkes me­dısınalyq rásimderdi júrgizý (teriniń jáne bul­shyq etterdiń astyna jiberiletin ıneksııa­lar, kompress qoıý, jatqan jerin, jaralaryn ta­ńý, óńdeý, tazalaý klızmalaryn jasaý, zerthana­lyq zertteý júrgizý úshin materıal alý, kateterler men medısınalyq buıymdardy qoldanýǵa kómek kórsetý); pallıatıvtik kómek qyzmetin kórsetý; dárigerdi úıge shaqyrý jáne qyzmet alýshy­lardy densaýlyq saqtaý uıymdaryna alyp barý; balalardy, TQA buzylǵan balalardy patro­najdy qadaǵalaý; otbasy múshelerin úı jaǵdaıynda ótkiziletin medısınalyq kútim negizderine úıretý. 5. Qyzmet alýshylardy qorshaǵan ortaǵa áleýmettik beıimdeýge, áleýmettendirý men kiriktirýge baǵyttalǵan olardyń psıhologııalyq jaǵ­daıyn túzetýdi kózdeıtin áleýmettik-psıholo­gııa­lyq qyzmetter mynalardy qamtıdy: psıhologııalyq dıagnostıka jáne jeke tul­ǵany tekserý; áleýmettik-psıhologııalyq patronaj (júıeli qadaǵalaý); múgedektermen jáne qarttarmen psıhopro­fı­l­aktıkalyq jumys; qyzmet alýshylarǵa psıhologııalyq kómek kórsetý, onyń ishinde áńgimelesý, qarym-qatynas jasaý, tyńdaý, yntalandyrý, belsendilikke beıimdeý; qyzmet alýshylardy psıhologııalyq túzetý; qyzmet alýshylar men olardyń birge turatyn otbasy múshelerin psıhologııalyq qoldaý; otbasy múshelerine qolaıly psıhologııalyq klımatty qamtamasyz etý, janjaldy jaǵdaı­lardyń aldyn alý jáne joıý úshin psıho­lo­gııalyq kómek kórsetý. 6. Balalardyń, TQA buzylǵan balalardyń fı­zıkalyq múmkindikteri men aqyl-oı qabilet­terin eskere otyryp, olardy pedagogıkalyq tú­zetýge jáne oqytýǵa, sondaı-aq balalarǵa, TQA buzylǵan balalarǵa, 18 jastan asqan adamdarǵa turmystyq daǵdylardy úıretýge baǵyttalatyn áleýmettik-pedagogıkalyq qyzmetter mynalardy qamtıdy: áleýmettik-pedagogıkalyq konsýltasııa berý; arnaıy oqý baǵdarlamalary boıynsha bala­lardyń fızıkalyq múmkindikteri men aqyl-oı qabiletterine sáıkes olardyń bilim alýyna járdemdesý; TQA buzylǵan balalardyń jalpy bilim beretin mektepterde bilim alýyna járdemdesý; balalardy jáne 18 jastan asqan adamdardy turmystyq baǵdarlaý jáne qolóner negizderine úıretý; ózine-ózi qyzmet kórsetý daǵdylaryn, jeke gıgıenasyn, turmystaǵy jáne qoǵamdyq or­yndardaǵy minez-qulyqty qalyptastyrý, ózin-ózi baqylaý, qarym-qatynas jasaý daǵdylary jáne tirshilik áreketteriniń basqa da nysandary jónindegi qyzmetter; balany, onyń ishinde TQA buzylǵan balalar men 18 jastan asqan adamdardy pedagogıkalyq dıagnostıkalaýdy jáne jeke tulǵalyq damý deńgeıin tekserýdi júrgizý; balalardy, onyń ishinde TQA buzylǵan balalardy pedagogıkalyq túzetý; ymdaý tiline aýdarý jónindegi qyzmetter; balalardy mektepke deıin tárbıeleý jáne olardyń arnaıy bilim berý oqytý baǵdar­lamalary boıynsha bilim alýy úshin jaǵdaı jasaý máseleleri jóninde otbasy múshelerine konsýltasııa berý; kásiptik bilim alýǵa járdemdesý; ata-analaryna nemese otbasynyń basqa múshelerine úı jaǵdaıynda ońaltý negizderin úıretý; otbasy múshelerine balalardyń jáne 18 as­qan adamdardyń boıynda úı jaǵdaıynda qajetti ómir súrý daǵdylaryn qalyptastyrýdy úıretý. 7. Qyzmet alýshylardyń boıynda eńbek daǵdylaryn qalyptastyrýǵa, 18 jastan asqan adamdardyń, múgedekter men qarttardyń boı­yn­da qalǵan eńbek daǵdylaryn saqtaýǵa jáne da­mytýǵa jáne eńbek qyzmetin uıymdastyrýǵa baǵyttalǵan áleýmettik-eńbek qyzmetteri myna­lardy qamtıdy: qyzmet alýshylardyń boıynda bar eńbek daǵdylaryn tekserý jóninde is-sharalar júrgizý; emdeý-eńbek qyzmetin júrgizý; eńbek daǵdylaryn qalyptastyrý jónindegi qyzmetter; TQA buzylǵan balalardy, múgedekterdi ká­siptik baǵdarlaý; múgedekterdi kásiptik ońaltý; beıini boıynsha eńbek daǵdylaryn qa­lyptastyrý; qyzmet alýshylardy qol jetimdi kásiptik daǵdylarǵa úıretý jóninde is-sharalar júrgizý; qarttar men 18 jastan asqan adamdardyń boıynda umyt bolǵan turmystyq daǵdylardy qalpyna keltirý jónindegi qyzmetter; jeke fızıkalyq múmkindikteri men aqyl-oı qabiletterine sáıkes kásip ıgerýge járdemdesý. 8. Bos ýaqytty uıymdastyrýǵa, áleýmettik-mádenı is-sharalardy ótkizýge jáne olarǵa qyz­met alýshylardy tartýǵa baǵyttalǵan áleýmet­tik-mádenı qyzmetter mynalardy qamtıdy: merekelerdi jáne bos ýaqyttaǵy is-sha­ralardy uıymdastyrý; klýbtyq jáne úıirme jumystaryn uıym­dastyrý jáne júrgizý; qyzmet alýshylardy bos ýaqyttaǵy is-sha­ra­lar­ǵa, mádenı is-sharalarǵa qatysýǵa tartý (eks­kýrsııalar uıymdastyrý, teatrlarǵa, kórme­lerge, konsertterge jáne basqa is-sharalarǵa barý). 9. Qyzmet alýshylardyń ómir súrý deńgeıin qoldaý men jaqsartýǵa baǵyttalǵan áleýmettik-ekonomıkalyq qyzmetter mynalardy qamtıdy: áleýmettik tólemderdi, járdemaqylardy, alı­­mentter men basqa da tólemderdi alýǵa járdemdesý; qarttar men múgedekterge, sondaı-aq bala­lardy tárbıeleıtin jáne 18 jastan asqan adamdardy kútýdi júzege asyratyn otbasylarǵa ózin-ózi qamtamasyz etý jáne otbasynyń materıaldyq jaǵdaıyn jaqsartý máseleleri boıynsha konsýltasııa berý. 10. Qyzmet alýshylardyń quqyqtyq márte­besin qoldaýǵa nemese ózgertýge, zańdy kómek kórsetýge, olardyń zańdy quqyqtary men múddelerin qorǵaýǵa baǵyttalǵan áleýmettik-quqyqtyq qyzmetter mynalardy qamtıdy: Qazaqstan Respýblıkasynyń zańnamasyna sáı­kes arnaýly áleýmettik qyzmet kórsetý sala­synda jáne áleýmettik qamsyzdandyrý jáne kómekke quqyǵyna baılanysty máseleler boı­ynsha zańdyq konsýltasııa berý; zańdyq mańyzy bar qujattardy resimdeýde kómektesý; arnaýly áleýmettik qyzmet kórsetetin jáne qyzmet alýshylardyń zańdy quqyqtaryn buza­tyn nemese shek qoıatyn uıymdardyń áreketine nemese áreketsizdigine shaǵym daıarlaýǵa jáne berýge kómek kórsetý; zańdy kómek kórsetý jáne zańnama belgilengen jeńildikter men basymdyqtardy, áleýmettik tólemderdi alýǵa járdemdesý; Qazaqstan Respýblıkasy Azamattyq kodeksinde belgilengen tártippen járdemaqylardy, basqa da áleýmettik tólemderdi senimhatpen alý; jetim balalardy jáne ata-analarynyń qam­qorlyǵynsyz qalǵan balalardy asyrap alý, qor­ǵanshylyqqa jáne qamqorshylyqqa alý másele­leri boıynsha qujattardy resimdeýdegi kómekti qosa alǵanda, zańdy konsýltasııa berý; Qazaqstan Respýblıkasynyń Azamattyq is júrgizý kodeksinde, Qazaqstan Respýblıkasynyń «Advokattyq qyzmet týraly» 1997 jylǵy 5 jeltoqsandaǵy Zańynda belgilengen jaǵdaılar­da jáne tártippen advokattyń zańdyq kómegin tegin alýǵa járdemdesý; qyzmet alýshylardyń nemese olardyń otba­sy músheleriniń ústinen jasalǵan dene jáne psı­hıkalyq zorlyqqa kináli adamdardy qylmystyq jaýapkershilikke tartýǵa járdemdesý; qamqorshy jáne qorǵanshy organdarǵa bala­lardy, onyń ishinde TQA buzylǵan balalardy asyrap alýǵa, qamqorlyqqa, patronatqa, qorǵan­shylyqqa alýǵa járdemdesý; qyzmet alýshylardy arnaýly áleýmettik qyz­met kórsetetin mekemelerge, uıymdarǵa ornalas­tyrýǵa járdemdesý, sondaı-aq qujattardy resimdeýge kómek kórsetý; qyzmet alýshylarǵa jumysqa ornalasý, jeke basyn kýálandyratyn jáne zańdyq mańyzy bar basqa da qujattardy alý úshin qujattardy resimdeýde zańdyq kómek kórsetýge járdemdesý.