Qazaqstan Respýblıkasy Úkimetiniń qaýlysy №181

2011 jylǵy 25 aqpan  Astana, Úkimet Úıi Jeke sot oryndaýshylarynyń qyzmetin lısenzııalaý qaǵıdasyn jáne oǵan qoıylatyn biliktilik talaptaryn bekitý týraly Qazaqstan Respýblıkasynyń «Lısenzııalaý týraly» 2007 jylǵy 11 qańtardaǵy jáne «Atqarý­shylyq is júrgizý jáne sot oryndaýshylarynyń mártebesi týraly» 2010 jylǵy 2 sáýirdegi zańdaryn iske asyrý maqsatynda Qazaqstan Respýblıkasynyń Úkimeti qaýly etedi: 1.Qosa berilip otyrǵan: 1) Jeke sot oryndaýshylarynyń qyzmetin lısenzııalaý qaǵıdasy; 2) jeke sot oryndaýshylarynyń qyzmetine qoıylatyn biliktilik talaptary bekitilsin. 2. «Lısenzııalaý týraly» Qazaqstan Respýblıkasynyń Zańyn iske asyrý týraly» Qazaqstan Respýblıkasy Úkimetiniń 1995 jylǵy 29 jeltoqsandaǵy № 1894 qaýlysyna (Qazaqstan Respýblıkasynyń PÚAJ-y, 1995 j., № 41, 515-qujat) mynadaı tolyqtyrý engizilsin: kórsetilgen qaýlyǵa 1-qosymsha mynadaı mazmundaǵy rettik nómiri 17-3-jolmen tolyqtyrylsyn: «

17-3	Qazaqstan Respýblıkasy Ádilet mınıstrligi Sot aktilerin oryndaý komıteti	jeke sot oryndaýshylarynyń qyzmeti

». 3. Osy qaýly alǵashqy resmı jarııalanǵanynan keıin kúntizbelik jıyrma bir kún ótken soń qoldanysqa engiziledi. Qazaqstan Respýblıkasynyń Premer-Mınıstri K. MÁSIMOV. Qazaqstan Respýblıkasy Úkimetiniń 2011 jylǵy «25» aqpandaǵy №181 qaýlysymen bekitilgen Jeke sot oryndaýshylarynyń qyzmetin lısenzııalaý qaǵıdasy 1. Jalpy erejeler 1. Osy Jeke sot oryndaýshylarynyń qyz­me­tin lısenzııalaý qaǵıdasy (budan ári – Qaǵıda) Qazaqstan Respýblıkasynyń «Lısenzııalaý týr­a­ly» 2007 jylǵy 11 qańtardaǵy jáne Qazaqstan Respýblıkasynyń «Atqarýshylyq is júrgizý jáne sot oryndaýshylarynyń mártebesi týraly» 2010 jylǵy 2 sáýirdegi zańdaryna sáıkes ázirlendi jáne jeke sot oryndaýshylarynyń qyzmetin lısenzııalaý tártibin anyqtaıdy. 2. Jeke sot oryndaýshylarynyń qyzmetin lısenzııalaýdy Qazaqstan Respýblıkasy Ádilet mınıstrliginiń Sot aktilerin oryndaý komıteti (budan ári – lısenzıar) júzege asyrady. 3. Lısenzııalary joq adamdardyń atqarý­shy­lyq is júrgizý týraly zańnamanyń ózge talap­taryn buza otyryp, atqarýshylyq áreketter júrgizýi jáne osy áreketterinen paıda tabýy Qazaqstan Respýblıkasynyń zańdaryna sáıkes jaýapkershilikke ákelip soqtyrady. 2. Lısenzııany berý, qaıta resimdeý jáne ony berýden bas tartý tártibi 4. Jeke sot oryndaýshysy qyzmetimen aı­nalysý quqyǵyna lısenzııa (budan ári – lısenzııa) jeke sot oryndaýshysy qyzmetimen aına­lysýǵa nıet bildirgen (budan ári – ótinish berýshi), belgilengen biliktilik talaptaryna jaýap beretin adamǵa beriledi. 5. Lısenzııa alý úshin ótinish berýshi lı­senzıarǵa mynadaı qujattardy usynady: 1) osy Qaǵıda qosymshaǵa sáıkes belgilengen nysandaǵy ótinish; 2) jeke basyn kýálandyratyn qujattyń kóshirmesi; 3) ótinish berýshiniń salyq organynda esepke turǵany týraly kýáliktiń notarıaldy kýálan­dy­rylǵan kóshirmesi; 4) jekelegen qyzmet túrlerimen aınalysý quqyǵy úshin bıýdjetke lısenzııalyq alymnyń tólengenin rastaıtyn qujat; 5) joǵary zańgerlik bilim týraly dıplomnyń notarıaldy kýálandyrylǵan kóshirmesi; 6) lısenzııa alýǵa emtıhandy ótkeni týraly biliktilik komıssııasynyń sheshimi; 7) jeke sot oryndaýshysynda taǵylym­da­madan ótkeni týraly sharttyń kóshirmesi; 8) jeke sot oryndaýshysy taǵylymda­ma­shy­synyń jetekshisin taǵaıyndaý týraly jeke sot oryndaýshylarynyń óńirlik alqasy tóraǵa­sy­nyń buıryǵynyń kóshirmesi nemese úzindisi; 9) taǵylymdamashynyń jalpy daıyndyq deńgeıi, taǵylymdamany ótý barysynda úıren­gen kásibı bilimi men praktıkalyq daǵdylary kórsetiletin jeke sot oryndaýshysynyń taǵy­lymdamashysy jetekshisiniń usynysy; 10) jeke sot oryndaýshylarynyń aýmaqtyq alqasy kýálandyrǵan taǵylymdamadan ótýdiń aıaqtalýy týraly qorytyndynyń kóshirmesi; 11) lısenzıarǵa usynǵanǵa deıingi bir aıdan kem emes ýaqytta aryz berýshiniń turǵylyqty mekenjaıy boıynsha berilgen narkologııalyq jáne psıhıatrııalyq dıspanserlerdiń medısı­nalyq anyqtamalary; 12) lısenzıarǵa usynǵanǵa deıingi bir aıdan buryn emes ýaqytta aryz berýshiniń turǵylyqty mekenjaıy boıynsha berilgen respýblıkanyń barlyq aýmaǵy boıynsha málimetterdi qamtyǵan sottylyǵy joq ekeni týraly anyqtama. 6. Osy Qaǵıdanyń 5-tarmaǵynyń 6), 7), 8), 9), 10) tarmaqshalarynda kórsetilgen jumys istep júrgen turaqty sýdıalar, óz mindetterin oryn­daý kezinde atyna kir keltiretin teris qylyqtary jáne zańdylyqty buzǵany úshin sýdıa qyzme­ti­nen bosatylǵan sýdıalardy qospaǵanda, turaqty sýdıa bolyp jumys istegen adamdar ne ýákiletti organda jáne onyń aýmaqtyq organdarynda atqarýshylyq is júrgizý salasynda keminde bes jyl jumys istegen adamdar, teris qylyqtary boıynsha bosatylǵandardy qospaǵanda, prokýratýra organdaryndaǵy eńbek ótili on jyldan kem emes prokýrorlar, kórsetilgen qujattardy usy­nýdan bosatylady jáne taǵylymdamadan ótpeı jáne biliktilik emtıhanyn tapsyrmaı-aq jeke sot oryndaýshysy lısenzııasyn alady. 7. Mynalar ótinish berýshini taǵylymdamadan ótýden jáne biliktilik emtıhanyn tapsyrýdan bosatýdy rastaıtyn qujattar bolyp tabylady: 1) ony lısenzıarǵa tapsyrǵanǵa deıin keminde bir aı buryn quzyretti laýazymdy adam bergen ótinish berýshiniń sýdıa laýazymyndaǵy jumysyn rastaıtyn anyqtama; 2) Qazaqstan Respýblıkasy Prezıdentiniń tu­raqty sýdıa laýazymynan bosatý týraly Jar­lyǵynyń nemese Qazaqstan Respýblıkasy Par­lamentiniń Senaty qaýlysynyń kóshirmesi; 3) atqarýshylyq is júrgizý salasynda keminde bes jyl, prokýratýra organdarynda keminde on jyl jumys ótilin rastaıtyn jáne atqarǵan qyzmetinen bosatylý sebebin qamtıtyn eńbek ki­tap­shasynyń nemese ózge de qujattyń notarı­aldy kýálandyrylǵan kóshirmesi. 8. Eger lısenzııa alý úshin turaqty jumys isteıtin sýdıa ótinish bildirgen jaǵdaıda, onda onyń lısenzıarǵa osy Qaǵıdanyń 5-tarmaǵynyń 11), 12) tarmaqshalarynda kórsetilgen qujattar­dy usynýy talap etilmeıdi. 9. О́tinish berýshi usynylǵan qujattarda qamtylǵan málimetterdiń tolyqtyǵyna jáne an­yqtyǵyna Qazaqstan Respýblıkasynyń zańda­ryn­da belgilengen tártippen jaýapty bolady. 10. Lısenzııa bas lısenzııa bolyp tabylady jáne ótinish berýshige merzimi shektelmeı beriledi. Lısenzııa Qazaqstan Respýblıkasynyń búkil aýmaǵynda qoldanylady. 11. Lısenzııany lısenzıar osy Qaǵıdada belgilengen tıisti qujattarmen birge ótinish berilgen kúnnen bastap otyz jumys kúninen keshiktirmeı beredi. Lısenzıar osy tarmaqta belgilengen merzim ishinde lısenzııa beredi ne lısenzııa berýden bas tartý sebepteri týraly jazbasha túrde dáleldi jaýap beredi. 12. Lısenzıar ótinish berýshiniń ótinishine qosa berilgen qujattardyń tolyqtyǵyn jáne durystyǵyn tekseredi. 13. Lısenzııa alý úshin qajetti qujattardy ótinish berýshi jeke ózi nemese azamattyq zańnamaǵa sáıkes ol ýákilettik bergen ókili, ne tapsyrys hatpen beredi. Lısenzıarǵa lısenzııa berý úshin usynylǵan qujattar tizimdeme boıynsha qabyldanady, onyń kóshirmesi qujattar qabyldanǵan kúni týraly belgi qoıylyp ótinish berýshige jiberiledi (tapsyrylady). 14. О́tinishterdi qaraý nátıjeleri boıynsha lısenzıar lısenzııany berý nemese ony berýden bas tartý týraly sheshim qabyldaıdy. 15. Lısenzıardyń lısenzııa berý týraly sheshimi Qazaqstan Respýblıkasy Ádilet mınıstr­liginiń Sot aktilerin oryndaý komıteti tór­aǵa­synyń buıryǵymen bekitiledi. 16. Lısenzııa lısenzıatqa beriledi nemese onyń lısenzııa alýǵa azamattyq zańnamaǵa sáıkes lısenzıat ýákilettik bergen ókili arqyly berip jiberiledi. 17. Lısenzııa joǵalǵan, búlingen kezde lısenzıat onyń telnusqasyn alady. Lısenzıar lısenzıattyń jazbasha ótinishi boıynsha ol ótinish bergen kúnnen bastap on jumys kún ishinde jańa nómir bere otyryp jáne joǵarǵy oń jaq buryshynda «Telnusqa» degen jazýy bar lısenzııanyń telnusqasyn beredi. Bul rette lısenzıat lısenzııanyń telnusqasyn bergen kezde Qazaqstan Respýblıkasynyń zańnama­synda belgilengen tártippen jáne mólsherde jekelegen qyzmet túrlerimen aınalysý quqyǵy úshin bıýdjetke lısenzııalyq alym tóleıdi. 18. Lısenzıattyń tegi, aty, ákesiniń aty ózgergen jaǵdaıda, ol otyz kúntizbelik kún ishinde jeke basyn kýálandyratyn jańa qujat alǵannan keıin kórsetilgen tıisti qujattyń kóshirmesimen qosa, lısenzııany qaıta resimdeý týraly ótinish beredi. Lısenzıar lısenzıat tıisti jazbasha ótinish bergen kúnnen bastap on jumys kúni ishinde lısenzııany qaıta resimdeıdi. 19. О́tinish berýshige, eger: 1) Qazaqstan Respýblıkasynyń zańdarynda sýbektilerdiń osy sanaty úshin qyzmet túrimen aınalysýǵa tyıym salynsa; 2) osy Qaǵıdaǵa sáıkes talap etiletin barlyq qujattar usynylmasa. О́tinish berýshi kórsetil­gen kedergilerdi joıǵan kezde ótinish jalpy negizderde qaralady; 3) ótinish berýshi biliktilik talaptaryna sáıkes kelmese; 4) ótinish berýshige qatysty oǵan jeke sot oryndaýshysy qyzmetimen aınalysýǵa tyıym salatyn zańdy kúshine engen sot úkimi bolǵanda, lısenzııa berýden bas tartylady. 3. Lısenzııanyń qoldanylýyn toqtata turý, toqtatý, odan aıyrý 20. Lısenzııanyń qoldanylýyn toqtata turý, toqtatý, odan aıyrý Qazaqstan Respýblıkasynyń zańdarynda kózdelgen tártippen júzege asyrylady. Lısenzııanyń qoldanylýy Qazaqstan Respýb­lıkasynyń zańdarynda kózdelgen negizderge sáıkes toqtatylǵan kezde lısenzıat on jumys kúni ishinde lısenzııany lısenzıarǵa qaıtarady. 4. Esepke alý jáne baqylaý 21. Lısenzııalardy esepke alýdy, sondaı-aq osy Qaǵıdanyń saqtalýyn baqylaýdy lısenzıar júzege asyrady. 22. Lısenzıar berilgen, toqtatyla turǵan, qalpyna keltirilgen jáne qoldanylýyn toqtat­qan lısenzııalar týraly málimetterdi qamtıtyn jeke sot oryndaýshysy qyzmetimen aınalysý quqyǵyna lısenzııalardyń elektrondyq tizilimin júrgizedi. 23. Osy Qaǵıdanyń negizinde berilgen lı­senzııalardyń biryńǵaı esebin júrgizý úshin lısenzıar zańnamada belgilengen tártippen lısenzııalar blankilerine tapsyrys jasaıdy. Lısenzııa blankileri qatań eseptegi qujattar bolyp tabylady. 24. Lısenzııalardyń búlingen blankilerin, sondaı-aq qoldanylýy toqtatylǵan lısenzııa­lardy lısenzıar komıssııamen joıýǵa tıis. 25. Lısenzıar lısenzıattyń Qazaqstan Res­pýblıkasynyń lısenzııalaý týraly zańnamasyn saqtaýyn qamtamasyz etýge baǵyttalǵan lısen­zııalyq baqylaýdy júzege asyrady. Lısenzıar óz quzyreti sheńberinde lısenzıattan tıisti qujattardy usynýyn talap etedi jáne baqylaý fýnksııalaryn oryndaý úshin qa­jet­ti jazbasha nemese aýyzsha aqparatty ala alady. Jeke sot oryndaýshylarynyń qyzmetin lısenzııalaý qaǵıdasyna qosymsha Nysan _______________________________________ _______________________________________ (lısenzıardyń tolyq ataýy) kimnen _________________________________ _______________________________________ (jeke tulǵanyń tolyq aty-jóni (bar bolǵan jaǵdaıda ákesiniń aty) О́TINISh Jeke sot oryndaýshysy qyzmetimen aına­lysý quqyǵyna lısenzııa berýdi suraımyn. Jeke tulǵa týraly málimetter: 1. Týǵan kúni, aıy, jyly _________________ 2. Jeke basyn kýálandyratyn qujatynyń derekteri ___________________________________ (nómiri, kim jáne qashan berdi) 3. Bilimi _________________________________________________________________________ (mamandyǵy, dıplomynyń (ózge qujatynyń) №), ____________________________________________________________________________________ oqý ornynyń ataýy, bitirgen jyly) ____________________________________________________ 4. Mekenjaıy __________________________ 5. Jumys orny _________________________ 6. Qosa beriletin qujattar: __________________________________________________________________________________________________________________________________________________________________________________________________________________ __________ __________________________ (qoly)         (tegi, aty (bar bolǵan jaǵdaıda ákesiniń aty) 20___ jylǵy «___»_____________ О́tinishtiń qaralýǵa alynǵan kúni 20___ jylǵy «___»_____________ ____________________________________________________________________________________ (lısenzııalaý organynyń jaýapty adamynyń qoly, tegi, aty (bar bolǵan jaǵdaıda ákesiniń aty) Qazaqstan Respýblıkasy  Úkimetiniń 2011 jylǵy 25 aqpandaǵy №181 qaýlysymen bekitilgen Jeke sot oryndaýshylarynyń qyzmetine qoıylatyn biliktilik talaptary 1. Jeke sot oryndaýshysy qyzmetimen aına­lysý quqyǵyna lısenzııa alý úshin jeke tulǵalar mynadaı biliktilik talaptaryna saı kelýge tıis: 1) Qazaqstan Respýblıkasynyń azamattyǵy; 2) jıyrma bes jasqa jetýi; 3) joǵary zańger biliminiń bolýy; 4) jeke sot oryndaýshysynda keminde bir jyl merzimmen úzdiksiz taǵylymdamadan ótýi; 5) biliktilik emtıhanyn tapsyrýy. 2. Jeke sot oryndaýshysynyń qyzmetin lısenzııalaý kezinde qoıylatyn osy biliktilik ta­laptarynyń 1-tarmaǵynyń 4) jáne 5) tarmaq­shalarynda kózdelgen biliktilik talaptary: 1) turaqty sýdıalarǵa; 2) óz mindetterin oryndaý kezinde atyna kir keltiretin teris qylyqtary jáne zańdylyqty buzǵany úshin sýdıa qyzmetinen bosatylǵan sýdıalardy qospaǵanda, turaqty sýdıa bolyp jumys istegen adamdarǵa; 3) teris qylyqtary boıynsha bosatyl­ǵan­dardy qospaǵanda, ýákiletti organda jáne onyń aýmaqtyq organdarynda atqarýshylyq is júrgizý salasynda keminde bes jyl jumys istegen adamdarǵa; 4) prokýratýra organdaryndaǵy eńbek ótili keminde on jyl prokýrorlarǵa qoldanylmaıdy.