2010 jylǵy 31 jeltoqsan, Astana, Úkimet Úıi
Keden odaǵyna múshe memleketterdiń aýmaǵynan
Qazaqstan Respýblıkasynyń aýmaǵyna ımporttalatyn, ónerkásiptik qaıta óńdeýge arnalǵan taýarlardyń tizbesin jáne kórsetilgen ónerkásiptik qaıta óńdeý kezinde alynǵan daıyn ónimniń tizbesin, sondaı-aq osyndaı taýarlardy ımporttaıtyn Qazaqstan Respýblıkasy salyq tóleýshileriniń tizbesin aıqyndaý qaǵıdalaryn bekitý týraly
«Salyq jáne bıýdjetke tólenetin basqa da mindetti tólemder týraly» Qazaqstan Respýblıkasynyń 2001 jylǵy 12 maýsymdaǵy Kodeksiniń (Salyq kodeksi) 249-babyna sáıkes Qazaqstan Respýblıkasynyń Úkimeti
qaýly etedi:
1. Qosa berilip otyrǵan Keden odaǵyna múshe memleketterdiń aýmaǵynan Qazaqstan Respýblıkasynyń aýmaǵyna ımporttalatyn, ónerkásiptik qaıta óńdeýge arnalǵan taýarlardyń tizbesin jáne kórsetilgen ónerkásiptik qaıta óńdeý kezinde alynǵan daıyn ónimniń tizbesin, sondaı-aq osyndaı taýarlardy ımporttaıtyn Qazaqstan Respýblıkasy salyq tóleýshileriniń tizbesin aıqyndaý qaǵıdalary bekitilsin.
2. Osy qaýly alǵashqy resmı jarııalanǵan kúninen bastap qoldanysqa engiziledi.
Qazaqstan Respýblıkasynyń Premer-Mınıstri K.MÁSIMOV.
Qazaqstan Respýblıkasy Úkimetiniń 2010 jylǵy 31 jeltoqsandaǵy № 1518 qaýlysymen bekitilgen
Keden odaǵyna múshe memleketterdiń aýmaǵynan Qazaqstan Respýblıkasynyń aýmaǵyna ımporttalatyn, ónerkásiptik qaıta óńdeýge arnalǵan taýarlardyń tizbesin jáne kórsetilgen ónerkásiptik qaıta óńdeý kezinde alynǵan daıyn ónimniń tizbesin, sondaı-aq osyndaı taýarlardy ımporttaıtyn Qazaqstan Respýblıkasy salyq tóleýshileriniń tizbesin aıqyndaý qaǵıdalary
1. Jalpy erejeler
1. Osy Qaǵıda «Salyq jáne bıýdjetke tólenetin basqa da mindetti tólemder týraly» Qazaqstan Respýblıkasynyń 2001 jylǵy 12 maýsymdaǵy Kodeksiniń (Salyq kodeksi) 249-babyna sáıkes ázirlengen jáne Keden odaǵyna múshe memleketterdiń aýmaǵynan Qazaqstan Respýblıkasynyń aýmaǵyna ımporttalatyn, ónerkásiptik qaıta óńdeýge arnalǵan taýarlardyń tizbesin (budan ári – ımporttalatyn taýarlar tizbesi), Keden odaǵyna múshe memleketterdiń aýmaǵynan Qazaqstan Respýblıkasynyń aýmaǵyna ımporttalǵan taýarlardy ónerkásiptik qaıta óńdeý kezinde alynǵan daıyn ónimniń tizbesin (budan ári – daıyn ónimder tizbesi) jáne Keden odaǵyna múshe memleketterdiń aýmaǵynan Qazaqstan Respýblıkasynyń aýmaǵyna ónerkásiptik qaıta óńdeýge arnalǵan taýarlardy ımporttaıtyn salyq tóleýshiler tizbesin (budan ári – salyq tóleýshiler tizbesi) aıqyndaý tártibin belgileıdi.
2. Osy Qaǵıdada mynadaı uǵymdar paıdalanylady:
1) ónerkásiptik qaıta óńdeý – taýarlardy (shıkizatty jáne (nemese) materıaldardy) jikteý kody Keden odaǵynyń syrtqy ekonomıkalyq qyzmetiniń biryńǵaı taýar nomenklatýrasyna (budan ári – KO SEQ TN) sáıkes olardy ónerkásiptik qaıta óńdeý úshin ákelingen taýarlardyń kodynan ózgeshe kez kelgen birinshi tórt belginiń deńgeıinde jańa taýarlardy alý úshin óndiriste paıdalaný;
2) ótinish berýshi – Qazaqstan Respýblıkasynyń zańnamasynda belgilengen tártippen Qazaqstan Respýblıkasynyń aýmaǵynda tirkelgen dara kásipker nemese zańdy tulǵa;
3) ýákiletti organ – ındýstrııalyq saıasatty retteý salasyndaǵy basshylyqty júzege asyratyn ortalyq atqarýshy organ;
4) ýákiletti salalyq organ – tıisti salany retteýdi júzege asyratyn memlekettik organ.
3. Importtalatyn taýarlar, daıyn ónimder jáne salyq tóleýshiler tizbeleri únemi jańartylatyn negizde qalyptastyrylady jáne Qazaqstan Respýblıkasy Úkimetiniń qaýlysymen bekitiledi.
4. Importtalatyn taýarlar, daıyn ónimder jáne salyq tóleýshiler tizbelerine ózgerister men tolyqtyrýlar ımporttalatyn taýarlardy, daıyn ónimderdi jáne salyq tóleýshilerdi osy Qaǵıdanyń 3-tarmaǵynda kórsetilgen tizbelerge qosý týraly ótinishterdiń kelip túsýine qaraı jarty jylda bir ret engiziledi.
2. Salyq tóleýshiler, ımporttalatyn taýarlar men daıyn ónimder tizbelerin aıqyndaý tártibi
5. Salyq tóleýshiler, ımporttalatyn taýarlar men daıyn ónimder tizbeleri mynadaı talaptarǵa bir mezgilde sáıkes keletin salyq tóleýshilerge qatysty qalyptastyrylady:
1) salyq tóleýshi qosylǵan qun salyǵyn tóleýshi retinde tirkeý esebinde turýy;
2) salyq tóleýshi «Salyq jáne bıýdjetke tólenetin basqa da mindetti tólemder týraly» Qazaqstan Respýblıkasynyń 2008 jylǵy 10 jeltoqsandaǵy Kodeksiniń (Salyq kodeksi) 579-babynda aıqyndalǵan tártippen áreketsiz dep tanylǵan salyq tóleýshilerge jatpaıdy;
3) ákelinetin taýarlardy ónerkásiptik qaıta óńdeýge paıdalaný.
6. Keden odaǵyna múshe memleketterdiń aýmaǵynan Qazaqstan Respýblıkasynyń aýmaǵyna ımporttalatyn, ónerkásiptik qaıta óńdeýge arnalǵan taýarlardy, kórsetilgen ónerkásiptik qaıta óńdeý kezinde alynǵan daıyn ónimderdi, sondaı-aq osyndaı taýarlardy ımporttaıtyn Qazaqstan Respýblıkasynyń salyq tóleýshilerdi ýákiletti organ sáıkesinshe salyq tóleýshiler, ımporttalatyn taýarlar, daıyn ónimder tizbeleriniń jobalaryna:
1) erikti nysandaǵy salyq tóleýshiler, ımporttalatyn taýarlar men daıyn ónimder tizbelerine engizý týraly ótinishiniń;
2) osy Qaǵıdanyń 7-tarmaǵyna sáıkes beriletin, ımporttalatyn taýarlardy ónerkásiptik qaıta óńdeýge arnalǵan taýarlarǵa jatqyzýdy rastaý týraly ýákiletti salalyq organnyń oń qorytyndysynyń negizinde engizedi;
7. Importtalatyn taýarlardy ónerkásiptik qaıta óńdeýge arnalǵan taýarlarǵa jatqyzýdy rastaý týraly qorytyndyny alý úshin ótinish berýshi ýákiletti salalyq organǵa mynadaı qujattardy:
1) erikti nysandaǵy ımporttalatyn taýarlardy ónerkásiptik qaıta óńdeýge arnalǵan taýarlarǵa jatqyzýdy rastaý týraly qorytyndyny berý týraly ótinishti;
2) mámilelerdi jasaýdy rastaıtyn qujattyń kóshirmesin, oǵan qosymshalardy jáne (nemese) oǵan tolyqtyrýlardy (kelisimshart, shart) (ótinish berýshiniń mórimen rastalǵan);
3) olardyń ónerkásiptik qaıta óńdeýlerin KO SEQ TN-ge sáıkes on belgi deńgeıinde taýardyń ataýyn jáne taýar men ónimderdiń jikteýishin rastaıtyn qujattyń kóshirmesin (ótinish berýshiniń mórimen rastalǵan);
4) taýarlardy ónerkásiptik qaıta óńdeý operasııalaryn (tehnologııalyq úderisterge negizdelgen), olardy jetildirý tásilderin, taýarlardy teńestirý tásilderin, sondaı-aq taýarlardy ónerkásiptik qaıta óńdeý jónindegi merzimderdi qosa alǵanda, ónerkásiptik qaıta óńdeý taýarlarynyń shyǵý normalary esebiniń kestesin;
5) salyq tóleýshi retinde salyq organyna tirkeý esebine qoıý týraly kýáliktiń kóshirmesin;
6) ótinish berýshi áreketsiz salyq tóleýshi dep tanylmaǵany týraly salyq organynyń rastaýyn usynady.
Ýákiletti salalyq organ on bes kúntizbelik kún ishinde ótinish berýshi usynǵan qujattardy qaraıdy jáne osy Qaǵıdanyń qosymshasyna sáıkes nysandaǵy ımporttalatyn taýarlardy ónerkásiptik qaıta óńdeýge arnalǵan taýarlarǵa jatqyzýdy rastaý týraly tıisti (oń nemese teris) qorytyndy beredi.
Ýákiletti salalyq organ ımporttalatyn taýarlardy ónerkásiptik qaıta óńdeýge arnalǵan taýarlarǵa jatqyzýdy rastaý týraly teris qorytyndyny mynadaı:
1) ımporttalatyn taýarlardy ónerkásiptik qaıta óńdeýge arnalǵan taýarlarǵa jatqyzýdy rastaý týraly qorytyndy alý úshin ótinish berýshi usynǵan qujattarda tolyq emes nemese senimsiz málimetter bolǵan;
2) osy tarmaqtyń birinshi bóliginde qarastyrylǵan qujattar usynylmaǵan;
3) osy Qaǵıdanyń 5-tarmaǵynda kózdelgen talaptarǵa sáıkes kelmegen jaǵdaılarda beredi.
Teris qorytyndy jaǵdaıynda ótinish berýshi ýákiletti salalyq organǵa qujattardy osy Qaǵıdanyń talaptaryna sáıkes qaıta usyna alady.
8. Osy Qaǵıdanyń 6-tarmaǵyna sáıkes usynylǵan qujattardyń negizinde ýákiletti organ Importtalatyn taýarlar, daıyn ónimder jáne salyq tóleýshiler tizbeleriniń nemese kórsetilgen tizbelerge ózgerister men tolyqtyrýlar engizý týraly jobalardy ázirleıdi jáne osy Qaǵıdanyń 3 jáne 4-tarmaqtaryna sáıkes olardy bekitý úshin barlyq qajetti qujattarmen birge Qazaqstan Respýblıkasynyń zańnamasynda belgilengen tártippen Qazaqstan Respýblıkasynyń Úkimetine jiberedi.
Keden odaǵyna múshe memleketterdiń aýmaǵynan Qazaqstan Respýblıkasynyń aýmaǵyna ımporttalatyn, ónerkásiptik qaıta óńdeýge arnalǵan taýarlardyń tizbesin jáne kórsetilgen ónerkásiptik qaıta óńdeý kezinde alynǵan daıyn ónimniń tizbesin,
sondaı-aq osyndaı taýarlardy ımporttaıtyn Qazaqstan Respýblıkasy salyq tóleýshileriniń tizbesin aıqyndaý qaǵıdasyna qosymsha
Importtalatyn taýarlardy ónerkásiptik qaıta óńdeýge arnalǵan taýarlarǵa jatqyzýdy rastaý týraly
QORYTYNDY
_____________________________________________________________________________________
(salyq tóleýshiniń zańdy meken-jaıy)
_________________________________________________negizinde jumys isteıtin
(STN, birdeılendirý nómiri (bar bolǵan jaǵdaıda))
_____________________________________________________________________________________
(salyq tóleýshiniń ataýy)
ónerkásiptik qaıta óńdeýge arnalǵan taýarlardy ımporttaıdy:
| R/s № |
Taýardyń ataýy |
KO SEQ TN kody |
|
|
|
|
|
|
О́nerkásiptik qaıta óńdeý úderisinde mynadaı daıyn ónimderdi alady:
| R/s № |
Taýardyń ataýy |
KO SEQ TN kody |
|
|
|
|
|
|
Ýákiletti salalyq organnyń laýazymdy adamnyń qoly
