Saıası ǵylymdar doktory, «Eýrazııalyq qozǵalystyń» jetekshisi Aleksandr Dýgın postkeńestik keńistikte Qazaqstan óziniń memlekettik úlgisin asa tabysty ornyqtyra bildi dep esepteıdi.
Onyń sózine qaraǵanda, Grýzııa qaýqarsyz memleket. «Ýkraınanyń, Reseıdiń, Belorýssııanyń kózqarastary túrli bolýy múmkin, mártebeleri týraly da ártúrli aıtýǵa bolady. Biraq, eger postkeńestik keńistiginde óziniń memlekettik úlgisin talassyz qalyptastyrǵan, ol – Qazaqstan», dep málimdedi Aleksandr Dýgın «Aktýalnye kommentarıı» basylymyna bergen suhbatynda. Bul memleket óziniń tıimdiligin jáne óziniń ómirsheńdigin dáleldedi.
Sarapshynyń pikirinshe, qazaq qoǵamy óziniń Ortalyq azııalyq qoǵamda jańarǵandyǵyn, ozyqtyǵyn, baılyǵyn, tehnologııalyǵyn jáne eýropalyq standartqa sáıkestigin tabysty aıǵaqtady. Ekinshi jaǵynan Qazaqstannyń etnostyq, dinı jáne mádenı ereksheligin esepke ala otyryp, aıqyn, sondaı-aq ashyq deńgeıdegi prınsıpin joǵary deńgeıde kórsete bildi.
Bul jerde biz Nazarbaevtyń basshylyǵymen etnosaralyq tepe-teńdik modeli alǵa shyqqanyn kórip otyrmyz, dedi ári qaraı sarapshy. Qazaq ultynyń bastaýynan, basqa etnostardyń qazirgi zamanǵy Batysqa degen ashyqtyǵy kórinedi. Bul kórinis Nazarbaevtyń qaıta saılanýymen eldiń tabystarynan kýá etedi. Oǵan munaıy men tabıǵı resýrstarynyń moldyǵy qosyla kelip, eń bastysy, halyqtyń óz jetekshisine degen shynaıy senimi qosyldy. Sondyqtan atalǵan osy kózirler Qazaqstandy jáne onyń Kóshbasshysyn álemge moıyndatty.
Sarapshynyń atap ótkenindeı, 80-shi jyldardyń sońy men 90-shy jyldardyń bas kezindegi qıyndyqtardan, sondaı-aq kórinis berýi múmkin etnosaralyq qaqtyǵystardan N.Nazarbaev eldi oǵan uryndyrmaı alyp shyqty. Dýgınniń sózi boıynsha, eger Qazaqstan basshysynyń ustanǵan saıası baǵytynyń sol kezde-aq durystyǵy bolmaǵanda, Qazaqstanda etnosaralyq kıkiljińder, ultaralyq qaıshylyq, áleýmettik teńsizdik oryn alýy múmkin edi. Qazaqstan Prezıdenti osyny bastapqy kezde-aq anyq boljap, óziniń salıqaly saıasatynyń nátıjesinde buǵan jol bermedi.
Qazaqtar bul qoǵamda 20 jyldan beri tynyshtyqta ómir súrip keledi, dep jalǵastyrady sózin sarapshy. Nazarbaev óz memleketiniń kemesin durys basqaryp keledi. Qazaqstan Keńester Odaǵynyń tusynda búgingideı órkendeı almady. Al qazirgi kezde bul eldiń ekonomıkalyq damý qarqynyn, saıası turaqtylyǵyn kórshileri Qyrǵyzstan, Tájikstan jáne О́zbekstanmen salystyrýǵa múlde kelmeıdi. Osy jetistikterdiń barlyǵyn bul eldiń Prezıdentiniń kóregendiligimen baılanystyrǵan jón.
A.Dýgınniń pikirinshe, qazaqtar onyń basshysynyń tıimdi áreket etýiniń nátıjesinde barlyq qıyndyqtardy artqa tastady, barlyq qaterlerden nemese qaýipterden aınalyp ótti. Sondyqtan da Qazaqstan azamattarynyń basym kópshiligi óz Kóshbasshysyna daýys berdi. Sondaı-aq qazaqstandyqtar óz ómirleriniń ári qaraı jaqsarýyna óz tańdaýlaryn jasady. Bul saılaý qazaqstandyqtardyń aýyzbirligin álem jurtshylyǵyna taǵy bir kórsetip berdi. Prezıdent Nazarbaevtyń ákimshiligi eldegi saıası partııalardy, saıasatkerlerdi, úkimettik emes uıymdardy qoldap otyrdy. Qazaqstanda Nazarbaev demokratııalyq, áleýmettik balamasy joq bedeldi tulǵa ekendigin taǵy dáleldedi.
«Aktýalnye kommentarıı» habarlaǵanyndaı, ótken jeksenbide Qazaqstanda prezıdenttik saılaý ótti. Ortalyq saılaý komıssııasynyń aldyn ala jasaǵan málimetteri boıynsha, Qazaqstannyń qazirgi Prezıdenti Nursultan Nazarbaev jeńiske jetti. Saılaýshylardyń daýysy mynadaı bolyp bólindi. Jambyl Ahmetbekovke saılaýshylardyń 1,4 paıyzy, Mels Eleýsizovke 1,2 paıyzy, Ǵanı Qasymovqa 1,9 paıyzy, al Nursultan Nazarbaev úshin saılaýshylardyń 95,5 paıyzy daýys berdi. Nursultan Nazarbaev kezekten tys prezıdenttik saılaýdy tarıhı oqıǵa dep baǵalady.
«Aktýalnye kommentarıı».
