Qazaqstan qor bırjasy

«QazMunaıGaz» Barlaý О́ndirý» kompanııasyn kezekti ret marapattady Qazaqstan qor bırjasy (KASE) bırjada jumysy alǵa júrip turǵan kompa­nııa­lardy qalaı anyqtaıdy? Úz­dikter­di «úkileýdiń» kór­set­kishi qan­daı degen sa­ýal­darǵa jaýap izdemes buryn, dúısenbi kúni KASE 2010 jyl­dyń qory­tyn­dysy boı­yn­sha kózge tús­ken bırja mú­she­leri men lıstıngilik kom­panııalardy marapat­ta­ǵa­nyn málimdeý qajet. Elimizdiń qor bırjasy ótken jyly sátti jumys istedi dep aı­týǵa negiz bar. Al «QazMu­naı­Gaz» Barlaý О́ndirý» AQ osymen tórtinshi ret KASE marapattaǵan kompanııalar qatarynan tabylyp otyr. «Aıqyndyqqa umtylysy úshin» dıplomyn birneshe kompanııamen birge «Ekonomıkanyń ón­diris, shıkizat jáne energetıka sektorlarynyń lıstıngilik kom­pa­nııalary» nomınasııasy boı­yn­sha – «QazMunaıGaz» Barlaý О́ndirý» AQ enshiledi. Mundaı marapatty KASE 2003 jyldan beri taǵaıyndap keledi. Al 2005 jyldan beri otan­dyq bırja baǵaly qaǵazdar na­ry­ǵynda ózi jáne qyzmeti týra­ly aqparattar ashý boıynsha eń úzdik kásibı áreket tanytqan qor naryǵynyń úzdik operatorlary, qarjy keńesshileri men lıstıngilik kompanııalardy turaqty túr­de jarııalanyp júr. «Qazaqstan qor bırjasy» AQ-tyń vıse-prezıdenti Andreı Salıýktiń aıtýynsha, ashyq aqpa­rat berip, kózge túsken kompa­nııa­lardy anyqtaýǵa adam ara­las­paı­dy. Qor bırjasynda kún­de­lik­ti qubylyp, kórinip turǵan ól­shemderdiń ózi-aq kompanııa­lar­dyń qyzmetin saraptap tu­ra­dy. Sondyqtan KASE jeńimpaz­da­ry óz bastamalary boıynsha qar­jylyq esepterin jarııalaýy men bırjadaǵy belsendiligi boı­ynsha anyqtalady. Al baspasóz máslıhatynda «Qa­zaqstan qor bırjasy» AQ prezıdenti Qadyrjan Damıtov: – Qazaqstan qor bırjasy 2010 jyly jetkilikti dárejede sátti jumys istedi. Aksıo­ner­ler­diń bırjanyń aldyna qoıǵan maqsattary oryndaldy. Bırja keńesiniń 2010-2013 jyldarǵa ar­nalǵan jańa strategııasyn aq­pan aıynda Dırektorlar keńesi maquldady, – dedi. Onyń aıtýynsha, ótken jyly qor naryǵy jańa kompanııalarmen tolyqqan. «Samruq-Qazy­na» holdıngine qarasty ulttyq kom­pa­nııalardyń naryqqa kirýi bıyl da, aldaǵy jyly da odan ári jal­ǵaspaq. 2010 jyly son­daı-aq, tike repo naryǵynda defolt azaı­yp, jedel kelisim-shart­tar iske qo­syl­dy. Qazaqstan qor bır­ja­sy ta­rıhynda tuńǵysh ret aksıoner­lerge dıvıdend tó­len­gen. Oǵ­an qosa KASE taza ta­bys boı­yn­sha óz josparyn eki ret qata­ry­nan asyra oryndap otyr. Sonymen, kezekti ret dıplomant atanǵan «QazMunaıGaz» Bar­laý О́ndirý» AQ áý bastan-aq aq­parattardy ashyq ustaýǵa jo­ǵa­ry jaýapkershilikpen kelgenin já­ne úzdik korporatıvtik bas­qa­rý saıasatyn ustanǵanyn atap ót­ken jón. Kompanııanyń qyzmeti móldir, aqparattary qoljetimdi bolǵan saıyn oǵan senim de ulǵaıa bermek. Ári muny qor bır­ja­la­ry­nyń standarttary da talap etedi. Basqa bırjalar soǵan qa­rap sap túzeıtin London bırja­sy­nyń suraıtyny da osy. Osyndaı tıimdi jumystyń arqasynda ótken jyldyń qarasha aıynda halyqaralyq reıtıngtik Standard&Poor`s agenttigi «Qaz­Mu­naıGaz» Barlaý О́ndirý» kom­pa­nııasyn «GAMMA-6» korporatıvtik basqarý reıtıngisi boıy­n­sha dárejelegen bolatyn. Atal­mysh kompanııanyń ashyqtyq deń­geıin S&P onyń ınvestorlarmen júrgizip jatqan belsendi baı­lanysyna, veb-saıttaǵy úsh tilde udaıy jańartylyp otyr­ǵan aqparattaryna, mańyzdy oqı­ǵa­lar­ǵa qatysty turaqty túrde ta­ratylatyn baspasóz paraqsha­la­ry­na qarap baǵamdaıdy. О́z kezeginde kompanııa da toqsan saıyn jáne halyqaralyq standarttar boıynsha qarjylyq esebin jarııalap keledi. Qysqasy, Standard&Poor`s Qazaqstanda barynsha ashyq kompanııa dep tanyp otyrǵan «Qaz­Mu­naıGaz» BО́» BAQ ókilderi úshin «RD OPEN» sekildi túrli sharalar uıymdastyryp júrgeni jýrnalısterge aıan. Máselen, kom­panııa bıylǵy ashyq esik kú­nin mamyr aıyna belgilegen. Reti kelip turǵanda, kompanııa aksııalary Qazaqstan qor bırja­synda 2006 jyly shyǵarylyp, jahandyq depozıtarlyq qolhaty sol jyldyń qyrkúıeginde IRO kezinde London Qor bırjasynda tirkelgenin aıta ketý qajet. Araǵa eki jyl salyp qazaq­standyq kompanııa óz aksııa­la­ryn qaıta satyp alý baǵdar­la­masyn bastady. 2009 jyldyń sońyna qaraı aıaqtalǵan baǵdar­la­ma «QazMunaıGaz» Barlaý О́n­dirý» AQ-tyń keleshegi bar ekendigin nasıhattap qana qoımaı, ba­ǵaly qaǵazdar menedjmentindegi ózine degen senimdiligin kórsetip berdi. О́tken jyldyń naýryzynan bastap bul kompanııa óziniń ar­tyq­shylyqty aksııalaryn satyp alýdy júzege asyrdy. Bul baǵ­dar­lama da rynoktyń belsendiligin arttyrǵanyn atap ótken jón. О́tken jyldyń sońynda KASE vıse-prezıdenti Andreı Sa­lıýk bırjadaǵy artyqshy­lyq­ty aksııalar aınalymynyń 80 paıyzy osy kompanııaǵa tıesili ekendigin málimdegen bolatyn. Osylaısha, «QazMunaıGaz» Bar­laý О́ndirý» AQ kezekti ret ashyqtyqqa súıengen óz artyq­shy­lyǵyn dáleldep otyr. Aınash ESALI, Almaty.