Baqytty urpaq ókilimin

Iá, men baqytty urpaqtyń ókilimin. Meniń Qazaqstanymnyń, Qazaq eliniń Táýelsizdik alǵanyna bıyl 20 jyl tolady. Men táýel­siz­dikten keıin ómirge kelgen ba­qytty qyzbyn. Osy ýaqyt ishinde elimiz tórtkúl dúnıege tórt qu­bylasyn túgendeı otyryp tanyl­dy. Kúni keshe ǵana prezıdenttik saı­laý ótkizdik. Osy saılaý­dyń nátıjesi Otanymyzdaǵy birlikti kórsetti. Nursultan Ábish­uly ata­­myzdyń saıasatynyń du­rys­­ty­ǵyn dáleldedi. Biz endi Kósh­­bas­shy­myzdyń bastaýymen, bir kezderi ataqty sóz zergeri Ábish Ke­kil­baıuly aıtqandaı, «Táýelsiz­dik tátti sóz ǵana emes, ol ulttyq jaýapkershilik» ekenin túsine oty­ryp, búgingi jetken bıigimizben eldik kúnimizdi álemge tanyta oty­ryp toılaıtyn bola­myz. Dú­nıe­júzine mundaı eldigimizdi kór­setetin jaqsy isterdi bu­dan bu­ryn da atqarǵan edik. Búgingi tańda men sekildi jas­tarǵa ne jetpeıdi degenge aıta­rym, bilimdilik, tárbıelilik, ult­tyń rýhanı qundylyǵyn tereń bilý der edim. Kez kelgen adam boı­yndaǵy jaqsy qasıetterdiń qa­lyp­tasýyna birinshi kezekte ishki mádenıeti, adamı qasıeti, tektiligi, tazalyqty qadirleıtin bol­my­sy kóp septigin tıgizedi. Men Astanadan alystaǵy aýyl mektebinde bilim alyp júrmin. Bolashaqta Otanymnyń jaqsylyǵyn jurtqa jetkizetin jýrnalıst mamandy­ǵyn meńgersem degen nıetim bar. Osyndaı talabyma jasalyp ot­yr­ǵan qamqorlyq aýylda da az emes. Sonyń bárine uıytqy bo­lyp, erekshe qamqorlyq jasap ot­yrǵan Elbasynyń kóregendigi der edim. Osy arada oıyma Aqtam­berdi jyraýdyń: «Sary aıazda qata ma, Qaınardyń aqqan bulaǵy. Qap túbinde jata ma, bolattyń asyl synyǵy. Halqy tozyp, kem bolmas, Ádil bolsa ulyǵy» degen óleńi oıǵa oralady. Bul búgingi Kóshbasshymyzdyń ádil saıasatyn, halqyn alǵa jetelegen eren eń­be­gin kórsetetin jyr joldary dep bilemin. Elimiz órkendep, biz sı­ıaq­ty jastardyń táýelsiz memle­ket­tiń altyn shańyraǵyna bir ýyq bolyp shanshylatynyna senimim mol. Bul oılarym tek meniń ǵana baılamym emes, men sekildi mıl­lıondaǵan jastardyń pikiriniń arqaýy ekeni sózsiz. Uldanaı TО́LENBAEVA, O.Jandosov atyndaǵy mekteptiń  11 synyp oqýshysy. Almaty oblysy, Eńbekshiqazaq aýdany.