Japonııanyń apatty «Fýkýsıma-1» AES-inde jańa jarylys bolý qaýpi týyndap otyr.
Jarylys bolý qaýpiniń aldyn alý úshin reaktorǵa gaz túrindegi azot jiberilgen. Jarylysqa atom elektr stansasynyń energobloktarynda qaıtadan jınaqtala bastaǵan sýteginiń sebepker bolýy múmkin. Birinshi reaktorda sýteginiń joǵary konsentrasııasynyń bar ekeni anyqtalyp otyr. Gaz jiberý prosedýrasy birneshe kúnge sozylmaq. Gaz aıdaý jumystarynyń basynda aýaǵa radıasııanyń taralýy múmkin, sondyqtan tórt energobloktyń jumysshylary ýaqytsha evakýasııalanatyn bolady.
Gaaga soty tergeý júrgizbek
Halyqaralyq Gaaga sotynyń ókilderi ózderiniń Kot-d’ Ivýardaǵy oqıǵalardy resmı túrde tergeýdi bastaıtyndyqtary týraly málimdedi.
Munda Batys qoldaý kórsetip otyrǵan Alassan Ýattar men eldiń qazirgi prezıdenti Loran Gbagbonyń arasynda keskilesken kúres toqtamaı otyr. Sonymen birge, AQSh ókimetiniń málimetteri boıynsha, Gbagbo qazirgi kezde óziniń otstavkaǵa ketetindigi týraly BUU ókilderimen kelissózder júrgizýde. О́tken aptada Halyqaralyq qyzyl krest qoǵamynyń ókilderi Dýekýe qalasynda 800-den astam adamnyń múrdelerin tapqan bolatyn. Halyqaralyq sottyń tergeý júrgizýine de osy jáıt sebepker bolǵan sııaqty.
Bosqyndar otyrǵan qaıyq sýǵa batyp ketti
Bortynda Afrıkadan shyqqan 200-ge jýyq mıgranttar bar qaıyq Italııanyń Lampedýza araly jaǵalaýynda shtorm kezinde sýǵa batyp ketken bolatyn.
Italııalyq BAQ-tardyń habarlaýynsha, bosqyndar otyrǵan qaıyq aralǵa birneshe mıl qalǵanda orasan daýylǵa tap bolǵan. Qazirgi kezde 47 adamnyń qutqarylǵany týraly belgili bolyp otyr. Aýa raıynyń qolaısyzdyǵyna qaramastan, jergilikti balyqshylar kemelerin tarta otyryp júrgizilgen qutqarý-izdestirý jumystary odan ári jalǵasýda.
Konsýldyqqa shabýyl jasaldy
Lıvııalyq ereýilshiler ózderiniń qol astyndaǵy Bengazı qalasyndaǵy Túrkııanyń bas konsýldyǵyna qarýly shabýyl jasaǵan.
ITAR-TASS agenttiginiń habarlaýynsha, qarýlanǵan 400-ge tarta adam Túrkııa premer-mınıstri Taııp Erdogannyń Ankara ereýilshilerdi qarýlandyrýǵa nıetti emes degen málimdemesine narazylyq retinde konsýldyqty basyp alýǵa talpynǵan. Tártipsizdikterdi toqtatý úshin konsýldyqqa Lıvııanyń ótpeli ulttyq keńesiniń qaýipsizdik kúshteri tartylǵan kórinedi. Qazirgi kezde dıplomatııalyq mıssııany kúzetý barynsha kúsheıtilgen.
Obama aldaǵy saılaýǵa túspek
О́ziniń 2012 jyly AQSh-ta ótetin prezıdenttik saılaýǵa resmı túrde túsetini týraly habarlaı otyryp, Barak Obama endigi jerde qol jetkizilgen progresti saqtap, damytý úshin kúresý qajettigin atap kórsetken.
Bir qyzyǵy, óziniń saılaýǵa ekinshi ret túsetini jóninde habarlaǵan kúni Obamanyń ózi halyq aldynda kózge túspegen eken. Jańalyq tańǵy saǵat 5-te Amerıka basshysynyń qazirgi zamanǵy aqparattyq tehnologııalarǵa áýestigimen málim jaqtastaryna elektrondy poshta arqyly tarap ketken kórinedi. Tipti «Bári bizden bastalady» dep atalatyn beınerolıktegi mátinniń ózi Obamanyń qolymen emes, oǵan qoldaý kórsetetin saılaýshylardyń qolymen jazylǵanǵa uqsaıdy.
Sot otyrysy keıinge qaldyryldy
Italııa premer-mınıstri Sılvıo Berlýskonı onyń kámeletke tolmaǵan bıshimen zańsyz qarym-qatynasqa barǵany týraly is qaraǵan sottyń birinshi otyrysyna kelmeı qalǵan.
Eń basty kúdiktiniń bolmaýyna baılanysty sottaǵy bolatyn tyńdaý 31 mamyrǵa qaldyrylyp otyr. Tergeýdiń paıymdaýynsha, Italııa úkimetiniń basshysy óziniń vıllasynda osy maqsattar úshin arnaıy jaldanǵan jezókshelerdiń qatysýymen ádepsiz áreketterge barǵan. Proseste kem degende sol keshke qatysqan 33 áıel, sol sııaqty amerıkalyq kınoakter Djordj Klýnı, portýgalııalyq fýtbolshy Krıshtıaný Ronaldo jáne Italııa syrtqy ister mınıstri Franko Frattını kýáger bolady dep kútilýde.
Izraıl áreketi alańdaýshylyq týdyrýda
Amerıka Qurama Shtattary Ierýsalım qalasynyń Gılo kvartalynda 900 turǵyn úı salý týraly Izraıldiń áreketine úlken alańdaýshylyq bildirýde.
Memlekettik departament Izraıl men Palestına avtonomııasynyń eki halyqtyń beıbitshilikke degen umtylysyn júzege asyrý úshin qamqorlyq tanytýy qajettigin atap kórsetken. BUU-nyń Taıaý Shyǵystaǵy arnaıy ókili Robert Serı Amerıkanyń Gıloda turǵyn úı qurylysyn júrgizý jónindegi Izraıl sheshimin synaýyna qoldaý kórsetip otyr. Onyń aıtýynsha, bul áreket halyqaralyq quqyq normalaryna qaıshy keledi.
Amerıkalyqtardy qutqarǵany úshin alǵys aıtty
Burnaǵy kúni keshkilik Ýkraına áskerı-teńiz kúshteriniń desanttyq iri kemesi 13 eldiń 79 azamatyn Trıpolıden Maltanyń Valetta portyna jetkizgen.
Qazir «Konstantın Olshanskıı» dep atalatyn kemede júzden astam adam qalyp otyr. Olardyń deni Ýkraına azamattary. Taıaý kúnderi atalmysh keme olardy Sevastopol portyna jetkizetin bolady. О́z kezeginde AQSh-tyń Ýkrınadaǵy elshisi Djon Tefft Lıvııadan amerıkalyq azamattardy alyp shyqqany úshin Ýkraına úkimetine alǵysyn bildirgen.
Internet materıaldary negizinde ázirlendi.
