Qazaqstan-Germanııa: Dıplomatııalyq qatynastarǵa - 25 jyl

Bıyl Qazaqstan men Germanııa arasyndaǵy dıplomatııalyq qatynastardyń ornaǵanyna 25 jyl toldy. Osy dataǵa oraı, elimizdiń Germanııadaǵy Tótenshe jáne ókiletti elshisi Bolat Núsipov Germanııa Federatıvtik Respýblıkasy Syrtqy ister mınıstrliginiń Shyǵys Eýropa, Kavkaz jáne Ortalyq Azııa elderi boıynsha ókili Andreas Peshkemen kezdesti. Bul týraly Syrtqy ister mınıstrliginiń baspasóz qyzmeti habarlady. Kezdesý barysynda taraptar eki memleket basshylarynyń ynta-yqylasynyń arqasynda 25 jyl ishinde Qazaqstan men Germanııa senimdi saıası únqatysýǵa qol jetkizip, ózara tıimdi saýda-ekonomıkalyq qatynastardyń aıasyn keńeıtkeni týraly aıtty. Búgingi tańda eki el arasyndaǵy qatynastar tabystylyǵy shı­kizat pen tehnologııa salasyndaǵy árip­tes­­tikte, Qazaqstanda dýaldy bilim berýdi da­mytý jónindegi «Nazarbaev-Merkel» bastamasynda, Berlın Eýrazııa klýby jáne basqa da ekijaqty jobalarda kórinis tapqany málim. Dıplomatııalyq qatynastardyń mereı­toı­lyq datasyna oraı júzdesý qazaq-german baı­lanystarynyń stra­tegııalyq sıpatqa ıe ekendigin ań­ǵartady. Dúnıe júzinde bolyp jat­qan mańyzdy geosaıası ózgerister men jahandyq qarjy-ekonomıkalyq daǵ­darys kezinde Qazaqstannyń aımaqtaǵy «turaqtylyq zákiri» retindegi róliniń kúsheıip kele jatqanyn nazarǵa alyp, Germanııa taraby Qazaqstanmen arada syndarly qatynastardy saqtaýǵa jáne nyǵaıtýǵa mańyz berip otyr. Qazaqstan elshisi osy kezdesýde A.Peshkege Qazaqstan Res­pýb­lı­­kasynyń Prezıdenti Nursultan Nazarbaevtyń qazaq-german dıp­lo­­­ma­tııalyq qatynastarynyń or­na­ǵa­nyna 25 jyl tolýyna oraı Ger­ma­nııanyń Federaldyq kan­­sleri An­gela Merkelge joldaǵan qut­tyq­taý sálemin jetkizdi. Sonymen qatar, ol ger­manııalyq dıplomatty Qazaqstan Pre­zı­denti usynǵan konstıtýsııalyq reformalar tý­raly habardar etip, Memleket bas­shysynyń «Qazaqstannyń Úshinshi jań­ǵy­rýy: jahandyq básekege qabilettilik» atty el halqyna arnaǵan Joldaýynyń negizgi tus­tarymen tanystyrdy.