Bul – halyqtyń jeńisi!

Halqym, búgin jasadyń qalaýyńdy, Bıik kóter qashanda jalaýyńdy. Dala, qala shattyqtyń qushaǵynda, Ketti aralap qýanysh ár aýyldy.   Sala berdi jadyrap kóktem kúni, Kúder úzbeı kútkenbiz kópten muny. Jaınaǵanda jańaryp barlyq óńir Kóz aldymnan Elimniń ótti erligi.   Shattan! Shattan! Aqtaryl aq kóńilmen, Máńgi-baqı ketpesin baq tórińnen. Beıbit kúndi, Qarsy alsaq berekeni, Ne bar artyq osynaý tátti ómirden?!   Jıyrma jyl táýelsiz eldigińe, Jıyrma jyl órligiń, erligińe. Dalamyzǵa shuǵyla, shýaq shashyp, Kóktem kúlip taǵy da keldi, mine.   Qýanyshtan dál búgin kúlmes kúlip, Jandy baýrap án men kúı tur estilip. Qarlyǵashy kóktemniń Qanatyna Alyp keldi jańalyq ilestirip.   Sol jańalyq jerimniń qoınaýynda, Alataýda, Arqada... Toıly aýylda! Qalaýlysy halyqtyń – Nazarbaev Jeńip shyqty Prezıdent saılaýynda!   Bul habardy ár atqan tańnan kúttim, Elim dep emirengen jannan kúttim. Bul jemisi – júrektiń elin súıgen, Bul jeńisi – halyqtyń, Adaldyqtyń!   Eldesterdiń júzinde shabyt tunyp, Jerdiń júzin sol shabyt jaryq qylyp. Qutty bolsyn aıtady bir-birine Qutty bolsyn aıtady barlyq qurlyq!   Osy emes pe, aǵaıyn, kútkenimiz, Shashyp jatyr shashýyn qut-belimiz. Shashyp jatyr shashýyn aspan jerge, Taǵy bıik beleske shyqty elimiz.   Beıbit eldiń  jeri men aspany izgi, Gúl kómkerdi keshe biz basqan izdi! Elbasymyz Nursultan Ábishuly, Nurly, syrly erteńge basta bizdi! Toqtarbaı QADAMBAEV, Parlament Májilisiniń  depýtaty.