Túlki geologtardy jatyrqamaıdy

Uzynqulaqtan «geologtar lagerinde túlki turyp jatyr eken» degendi estisimen, dereý izdestire bastaǵanbyz. Jańa ken oryndaryn tabýmen aınalysatyn «GeobaıtINFO» JShS-niń barlaý partııasy búginde oblys ortalyǵynan tym shalǵaı Qarasý aýdanyndaǵy Kırov ken ornynda jumys isteıdi. Oǵan eń jaqyn degen eldi mekenniń ózi 18 shaqyrym jerde ornalasqan. Qazir ınternettiń barmaıtyn jeri bar ma? Biz de órkenıettiń osy jetistigi arqyly geologtardy dereý taýyp aldyq. Barlaý ekspedısııasynyń músheleri turatyn lagerdi birazdan beri túlkiniń mirshaıy tóńirektepti. Geologtar ony qyzyq kórip, pechene, nan berse, anadaıdan qashyp ketip júripti de, birte-birte adamdarǵa ábden úırenip alǵany sondaı, qazir tamaqty olardyń qolynan alyp jeıdi eken. Lager aınalasynan uzap ketpeıdi, tipti dızel stansasynyń dúrsilin de shybyn shaqqan qurly kórmeıdi. Geologtar ony Iаshka dep atap ketipti. − О́zi eresek emes, túlkiniń áli mirshaıy bolsa kerek, súp-súıkimdi, ásirese, shoshqanyń maıy men nandy jaqsy kóredi. О́zimiz tamaqtanǵanda túlkiniń sybaǵasyn alyp qoıatyn boldyq. Iаshkaǵa úırenip qaldyq, kelmese kútip otyramyz, − deıdi geolog Vladımır Molosaı. Geologtar nan men maıǵa, pechenege, tipti konfetke úırenip alǵan qý túlki endi tyshqan aýlaýdy qoıatyn bolar dep oılapty. − Ol oıymyz beker eken, bir ret Iаshkanyń tyshqan aýlaǵanyna kýá boldyq. Bıikke sekiredi de, qarǵa tumsyǵymen súńgıdi, − deıdi Vladımır. Lager orna­lasqan tóńirekte negizi túlki kóp, biraq olardyń eshqaısysy da bularǵa jaqyndamaıdy, geologtar olardyń jortqanyn alys­tan ǵana qyzyqtaıdy. Iаshka ǵana tańerteń de, túste de, túnge qaraı da kelip turady. − Osy jaqynda Iаshkanyń aqyldylyǵyna tańqaldyq, − deıdi taǵy Vladımır. Kúndiz kelgende ol biz bergen maı men nan­dy tistep alǵanmen jegen joq, aparyp qarǵa kómip qoıdy. Múm­kin bizge kelgende toq bolǵan shyǵar, biraq toqpyn dep tamaqty tastaı salmady, erteńin oılady-aý shamasy. Rasynda, daladaǵy ańnyń ózinen basqa seneri bol­maǵandyqtan da tabı­ǵat oǵan qaǵylezdik qasıet bergen bolar? Iаshka kelgen saıyn Vladımır ony uıaly telefonyna sýretke túsirip otyrady eken. Sonyń birnesheýin «Egemenniń» oqyr­mandary kórsin dep, bizge de salyp jiberdi. Názıra JÁRIMBETOVA, «Egemen Qazaqstan» QOSTANAI