Kıber kıligýden qorǵaıdy

Álemge tanymal «Kasperskıı zerthanasy» kompanııasymen seriktestik aıasynda ál-Farabı atyndaǵy QazUÝ-de «Aqparattyq qaýipsizdik» ortalyǵy ashyldy. Bilim ordasyndaǵy bul oqý ortalyǵy aqparattyq qaýipsizdik salasyndaǵy kıber-qaýip pen zamanaýı trend týraly bilimniń qaınar kózi bolmaq. Sondaı-aq, resýrstardy jahandyq ǵalamtor keńistigindegi kıber-shabýyldardan qorǵaýdyń qurylymdyq júıesin qurý jumystary da qolǵa alynbaq. Atalǵan ortalyqta joǵary oqý oryndarynyń stýdentterimen qatar, memlekettik mekemeler men kásiporyndardyń qyzmetkerleri de bilimin jetildire alady. «Kasperskıı zerthanasy» bilim berý baǵdarlamasynyń jetekshisi Dmıtrıı Postel­nıktiń aıtýynsha, «Kasperskıı zerthanasynyń» jumysy aqpa­rattyq qaýip pen kıber qaýipsizdik týraly bilim sapasyn arttyrýǵa baǵyt­talǵan. Kompanııa ónim­deri sertıfıkattalǵan jáne ha­lyq­aralyq naryqqa shyǵa­rylǵan. Bilim berý salasy ar­qyly óz tájirıbemizben bóli­sýge jáne kıber-qorǵanys bo­ıynsha qazaqstandyq eńbek naryǵyndaǵy mamandar áleýetin joǵary mamandandyrylǵan qyzmetkerlermen tolyq qamta­masyz etýge múmkindik bar. Búginde ǵalamdyq aqpa­rattandyrý qoǵamǵa úlken óz­ge­rister engizýde. Mamandar aqparat­tyq tehnologııa salasyn­daǵy qaýip-qaterdiń aldyn alý maqsatynda zamanǵa saı ári ozyq tehnologııalar usynýda. Kıber-qaýipsizdik jáne bilim berý salasy boıynsha reseılik zerthanamen yntymaqtastyq týraly kelisim aıasynda Máskeýdegi «Kasperskıı zerthanasynyń» eń úzdik sarapshylary aqpan aıyn­da Almatyǵa arnaıy kelip, oqý ornynyń oqytýshylary men stýdentterine, sondaı-aq mem­lekettik mekemeler men kom­panııalardyń ókilderine arnalǵan semınarlar júrgizip, dárister oqymaq. Aıta keterligi, ál-Farabı atyndaǵy QazUÝ sıfrly tehnologııalardy qoldana otyryp, bilim berý men ǵylymı-zertteý jumystaryn belsendi túrde júrgizip keledi. Bilim ordasynda áıgili «Hewlett-Packard», «Microsoft», «Cisco», «Konika Minolta», «Fujitsu», «Sam­sung» jáne basqa da bir­qatar kompanııalardyń ortalyqtary men zerthanalary ashylyp, jemisti jumys istep kele jat­qandyǵy sonyń aıǵaǵy. Mıra BAIBEK, «Egemen Qazaqstan» ALMATY