О́z kózimmen nemese men biletin Nursultan

Jasym birazǵa kelse de, el ómirindegi oqıǵa­larǵa qulaq túrip otyratyn adammyn. Elmen birge jasa­syp kelemiz. Jaqsylyqty da, qıyndyqty da sol halyqpen birge kórdik. Azyn-aýlaq eńbegimdi de sol halyqqa, elime arnaǵanymdy maqtan da etemin. Bul ár pendeniń basyndaǵy jaı. Adam óz ómi­rine aldy­men ózi baǵa beredi. О́miri halyqqa qyz­met etýge ar­nalǵan adam ókinbeıdi. Sol halyqtyń jaǵdaıy jaq­sara tússe, óziniń maqsat-múddesi jalǵasqandaı, qýa­nyshqa bólenedi. Shúkirshilik deıik, meniń qýanatyn sátterim de az emes. Elimizde bolyp jatqan ıgilikti ister qýantady. Keshe ótken saılaý maǵan sondaı qýanysh syı­lady. Árıne, men Nursultan Ábishuly Nazar­baev­tyń jeńiske jetetinine bir sát te kúmán keltirgen emespin. Bireýler qalasyn-qalamasyn, halyqtyń qalaıtyny – qazirgi Prezıdent. Onyń jeńetini negizdi shyndyq edi. Bul shyndyq – Prezıdenttiń búginge deıingi qyzmeti, elimizdiń júrgen joly. Halyq onyń bárin kórip otyr. Sodan da halyqtyń kimdi tańdaıtyny aldyn ala aıqyn edi. Taǵy da aıtatyn bir jaı bar. Kópshilik halyq Nursultan Ábishuly Nazarbaevty bilgir basshy, úlken qaıratker retinde mine, shırek ǵasyrdan beri biledi. Al men ony odan burynyraqtan bilemin. Sol basshylyqqa keler jolyn da kórgen adammyn. Nu­re­keń basshylyqqa kezdeısoq kelgen adam emes, óziniń úlken uıymdastyrýshylyq qabiletimen, týa bitti uı­ymdastyrýshylyq talantymen, basshylyq qyzmetke óziniń laıyqty ekenin dáleldep kelgen adam. Men Nursultan Ábishulyn 60-shy jyldardyń aıaǵynda ol Temirtaýda qalalyq partııa komıtetiniń hatshysy kezinde kórdim. Saýda mınıstri qyzme­tinde júrgen kezimde sol qalaǵa issaparmen baryp, son­da­ǵy jaǵdaımen tanysqan soń, qalalyq komıtet hat­shy­symen pikir almastyq. Ol sonda maǵan óziniń alǵyr­lyǵymen, bilgirligimen aıryqsha áser qal­dyrdy. Sonda-aq onyń el basshysy bolaryn bildim desem, asyra aıtqandyq kóriner, biraq onyń qalaıda «jaryp shyǵatynyna» senimdi bol­dym. Kóp keshikpeı ol oblystyq partııa komı­te­tiniń hatshylyǵyna saılandy. Sonda júrip ózin kórsetkeninen keıin, Qazaqstan Kompartııasy Or­talyq Komıtetine hat­shy­lyqqa saılandy. Bul onyń respýblıkalyq deńgeıdegi basshy­lyqqa kóterilgen kezi edi. Men sonda Mınıstrler Keńesi Tóraǵasynyń orynbasary retinde Nur­sul­tan Ábish­ulymen qoıanqoltyq aralasyp jumys istedim. Biraz ýaqyt ótken soń ol Mınıstrler Ke­ńesiniń Tóraǵasy bolyp taǵaıyndaldy. Bul qyz­mette ol óziniń bas­shylyq kemeńgerligin aıqyn kór­setti. Sodan keıin on­yń el bıliginiń bas tizginin ustaýy zańdylyqtaı edi. О́tken jyly Nursultan Ábishuly Nazar­baev­tyń 70 jasqa tolý qarsańynda «Egemen Qazaq­stan» gazetinde «Samǵaý» degen menimen suhbat-maqala jarııa­landy. Sonda Prezıdentimizdiń bas­shylyǵymen osy­naý kezeńde elimizdiń qoly jetken tabystarǵa toq­tal­ǵanym bar. Basqasyn aıt­paǵanda, tikeleı Nazar­baevtyń etene aralasýymen júzege asqan, onyń atyn halqymyzdyń tarıhynda máńgilikke jazatyn úsh máseleni atap kórsetken edim. Olar – birinshiden, Saryarqanyń tórinen Astana deıtin ásem qala saldyrǵany, ekinshiden, kezinde tarıhtyń tálkegimen jer sharyna tarydaı shashyraǵan qandasta­ry­myz­dyń atamekenge ora­lýyna barlyq jaǵdaı jasaǵany, sondaı-aq, ata-babalarymyzdan aman jetken memlekettik shek­aramyzdy barlyq halyqaralyq talapqa saı etip bekitip bergeni. Árıne, Nazarbaevtyń atyna qatystyra aıta­tyn basqa da tabystar barshylyq qoı, biraq bárine toq­ta­lyp jatýdy jón kórmep edik. Mine, sodan beri jylǵa jýyq ýaqyt ótti. Al osynaý qysqa merzimde elimizde qanshama aıtýly oqıǵalar boldy. Taǵy da qysqartyp, sonyń ekeýine ǵana toqtalǵym kelip otyr. Birinshiden, byltyr elimiz Eýropadaǵy qaýip­sizdik jáne yntymaqtastyq uıymyna tóra­ǵa­lyq etti jáne osy kezeńde on bir jyldan beri ótpeı kele jat­qan EQYU-nyń Sammıtin ótkizdi. О́tkizgende, jo­ǵary deńgeıde, jurtty tańdan­dyryp ótkizdi. Mundaı úlken jaýapkershilikti isti júzege asyrý qaı eldiń bolsyn armany, ańsaǵany. Kóp­shiliginiń qoly oǵan jete bermeıdi. Osynaý isti júzege asyrý da tikeleı Nursultan Nazarbaevtyń iskerligine, álemdik bedeline qatysty boldy deýimiz kerek. Ekinshi oqıǵa – ol elimizde oıdaǵydaı ótkizilgen Qysqy Azıada oıyndary. Biz ony uıymdastyrý deńgeıi jaǵynan joǵary dárejede ótkizip qana qoıǵanymyz joq, ondaǵy jarystarda sportshylarymyz úzdik ná­tı­jelerge jetip, elimiz­diń bedelin aspanǵa kóterdik. Taǵy da osynaý tabysta el bıligi tizginin ustap ot­yrǵan adamnyń iskerligi men bedeli alǵa tosylady. Keshegi ótken saılaýdy aıtqanda, kóńilge os­yn­daı jaılar oralady. Jurttyń Nursultan Nazar­baevty tańdaýy – zańdylyq. Álemdik deńgeıdegi qaıratkerdiń qajyrly eńbegine berilgen baǵa, eldiń abyroıyn kótergen azamatqa qurmet. Endi sol saılaýdyń qalaı ótkenine de az-kem toqtala ketken jón sııaqty. Kúreske tórt úmitker qo­syldy. Basa aıtatyn nárse, olardyń barlyǵyna birdeı jaǵdaı jasaldy. Aqparat quraldary olar­dy nasıhattaýda eshkimdi alalaǵan joq. Men ózim biraz gazetterdi alyp, oqyp otyramyn. Bálkim, son­daı nusqaý da berilgen shyǵar, sol gazetterdiń bárinde úmitkerlerdiń barlyǵyna birdeı oryn berilip ot­yrdy. Tipti keıde olardyń atyn ataýǵa týra kelgende, alfavıtke súıenip, Nazarbaevtyń aty sońynan atalǵanyna qarap ta biraz jaıdy ańǵa­ra­syn. Saılaý ádil ótti dep tolyq senimmen aıta alamyz. Sondaı ádil saılaýda elimizdiń kóshbasshysyna halyqtyń senimi men súıispenshiligi aıryqsha kó­rindi. Halyq óziniń qamqorshysyna daýys berdi. Onyń jaqsy isterge, eldiń birligine, turaq­ty­lyq­qa bastaıtynyna senim bildirdi. Sultan JIENBAEV, Almaty qalasynyń qurmetti azamaty. Almaty.