Aq tilekter aǵyny

Memleket basshysy Nursultan Nazarbaevtyń atyna qoǵam jáne  saıası qaıratkerlerden, qoǵamdyq uıymdar, eńbek ujymdary basshylarynan, Qazaqstan azamattarynan prezıdenttik saılaýdaǵy jeńisimen quttyqtaǵan hattar aǵymy jalǵasýda. Jambyl oblysynyń ákimi Qanat Bo­zymbaev óz hatynda Memleket bas­shy­syn saılaýdaǵy senimdi jeńisimen oblys turǵyndary atynan quttyqtaǵan. – Bizdiń oblystyń turǵyndary bul tarıhı habardy úlken qýanysh jáne shabytty kóńil kúımen qabyl­da­dy. Saılaý nátıjeleri bul – kóp ultty Qazaqstan halyqtarynyń Sizge degen úlken qurmeti men joǵary senimi, memleket basyndaǵy Sizdiń qyzmetińizge bergen joǵary baǵasy. Siz júrgizip kele jatqan memlekettik saıasattyń stra­tegııalyq kýrsy bul – Qazaqstannyń tabysty damýy men gúldenýiniń basty kepildigi. Bizdiń qoǵamymyzdy demo­kratııalyq jańǵyrtýdy júzege asyrý, elimizdiń halyqaralyq bedelin kóterý jolyndaǵy Sizdiń eńbegińiz – Otany­myz­ǵa degen sheksiz súıispenshili­gińiz­diń jarqyn mysaly men erekshe ónegeli úlgisi bolyp tabylady. Sizdiń basshy­ly­ǵyńyzben biz Otanymyzdyń gúlde­nýi, memleketimizdiń qýatynyń artyp, odan ári damýy úshin bar kúsh-jigeri­mizdi jumsaıtyn bolamyz, – dep jazylǵan hatta. Aqtóbe oblysy etno-mádenı bir­les­­tigi­niń basshylary da Nursultan Nazar­baevty saılaýdaǵy tamasha jeńi­simen quttyqtady. – Etno-mádenı birlestik Qazaqstan­nyń uly tarıhyna, mundaǵy barlyq ha­lyqtardyń ulttyq dástúrlerine qatys­ty qurmet kózqarasynyń negizinde jas­tardy patrıottyq rýhta tárbıe­leýge yqpal etip keledi. Sizdiń qol­daýy­ńyzdyń nátıjesinde bizge árbir qazaqstandyqtyń sana-seziminde Ota­ny­myzdyń úzdiksiz tarıhı damý ıdeıa­syn bekitýdiń, eldiń ótkeni men bolasha­ǵynyń arasyndaǵy berik baılanys jibin sabaqtastyrýdyń sáti tústi, – dep atap kórsetilgen hatta. Al «Barbang» Qazaqstan kúrdteri assosıasııasynyń basshylary ózde­ri­­niń joldaǵan hattarynda Nursultan Nazarbaevtyń saılaýdaǵy jeńisi – bul búkil Qazaqstan halqynyń jeńisi, Ult Kóshbasshysyna búkilhalyqtyq joǵary senimniń belgisi ekendigin jazypty. – El ekonomıkasyn jańǵyrtý men memlekettiń saıası qurylysyn nyǵaıtý, demokratııany damytý baǵytyndaǵy tu­raq­ty jáne dana saıasatyńyzdyń nátı­je­sinde Siz eldiń ishinde de, sondaı-aq halyqaralyq deńgeıde de úlken bedelge ıe boldyńyz. О́z tamyryn ótken shaq­tar­dan alatyn Qazaqstan halyq­tary­nyń dostyǵy jyl ótken saıyn ny­ǵaı­yp keledi. Bul oń ózgeristerdiń, jaǵym­dy jetistikterdiń barlyǵy qazaqstan­dyqtardyń ózderiniń Ulttyq Kóshbas­shy­sy retindegi Sizge degen úlken seni­miniń jeteginde júzege asý ústinde. Ty­nyshtyq pen beıbit ómirdi saqtaý men ózara kelisimdi qýattaıtyn biryńǵaı ult­tyq ıdeıanyń aınalasyna toptasty­ryl­ǵan qazaqstandyqtar Sizdiń dana basshylyǵyńyzben óz bolashaqtaryn qurý ústinde, – delingen hatta. Memleket basshysyn saılaýdaǵy senimdi jeńisimen «Atameken»  odaǵy» ult­tyq ekonomıkalyq palatasynyń Aqtó­be fılıalynyń, oblystaǵy kásipker­ler men jumys berýshiler, kásiporyn­dar odaǵynyń basshylary da quttyqtaǵan. – Qazaqstannyń Tuńǵysh Prezıdenti retindegi Sizdiń qyzmetińiz elimizdiń turaqtylyq pen gúldený jolyna túsýin qamtamasyz etti. Qazaqstannyń táýel­siz­digin nyǵaıtý, ondaǵy halyqtardyń birligin qamtamasyz etý, el aza­mat­ta­rynyń turmys deńgeıin jaqsartý baǵy­tyndaǵy Sizdiń berik te salıqaly saıa­sa­tyńyzdy biz árqashan qoldaımyz, – depti olar. Memleket basshysyn saılaýdaǵy jeńisimen osyndaı quttyqtaý haty «Semeı máshıne jasaý zaýyty» AQ basshylyǵy men ujymynan da kelip tústi. – Saılaýdaǵy Sizdiń jeńisińiz – bul Qazaqstan halqynyń qamy men eldiń halyqaralyq bedelin kóterý jolyn­daǵy Sizdiń qajymas qaıratkerlik qyzmetińizdiń jarqyn dáleli. Bul jeńis Sizdiń eldiń áleýmettik-ekonomıkalyq jáne saıası damýyndaǵy qalyp­tas­tyr­ǵan baǵytyńyzdy halyqtyń jumylǵan ju­dyryqtaı birlikpen qoldaıtyn­dy­ǵyn taǵy bir ret kórsetip berdi, – dep atap kórsetilgen joldanǵan hatta. Osyndaı hattar aǵyny elimizdegi kóp­tegen eńbek ujymdarynan, qo­ǵam­dyq uıymdardan tolassyz kelip túsý ústinde. Olardyń barlyǵy bir­aýyz­dan Nursultan Nazarbaevtyń saı­laýdaǵy senimdi jeńisin qyzý qut­tyq­taı otyryp, ózderiniń Elbasymen birge ekendikterin basa kórsetken. Hat joldaýshylardyń arasynda «Almaty aýyr máshıne jasaý zaýyty» AQ ujymy, «Bogatyr Kómir» kómirshiler ujymy, Almatydaǵy «Áriptes» úkimettik emes uıymdar konfederasııasynyń basshylyǵy men músheleri, M.H.Dýlatı atyndaǵy Taraz memlekettik ýnıversıtetiniń professor-oqytýshylar ujymy men stýdentteri, Aqtóbe oblystyq jastar uıymdarynyń basshylary men mú­she­leri, Oral jáne Gýrev arhıe­pıs­kopy Antonıı, Semeı qalasynyń tur­ǵyny A.Qudaıbergenova, Oral qala­synyń turǵyny A.Kasmal, Almaty qala­synyń turǵyndary H.­Baq­ty­bae­va, S.Ermekbaev, Aqmola oblysy Ar­shaly aýdanynyń turǵyny N.­Eva­kov­skaıa, Aral qalasynyń turǵyny J.­Sal­­myrzaeva, Shymkent qala­sy­nyń tur­ǵyny K.Dospanbetova, Kók­shetaý qa­lasynyń turǵyny A.Hlystýn, Ońtús­tik Qazaqstan oblysy, Túlkibas aýdany­nyń turǵyny, eńbek ardageri,A.Tere­shenko, Pavlodar oblysy Sharbaqty aýda­nynyń turǵyny A.Polıakov, Eki­bastuz qalasynyń turǵyny L.Batalov jáne basqalar bar. ***   Qazaqstan Respýblıkasynyń Prezıdenti bolyp saılanýyna oraı Elbasy Nursultan Nazarbaevtyń atyna elimizdiń barlyq óńirinen quttyqtaý hattar men jedelhattar legi tolassyz kelip túsýde. Quttyqtaýshylardyń ishinde elimiz­diń kórnekti ǵalym-qaıratkerleri bar. Solardyń biri akademık Ábdýálı Qaı­dar: «Siz osy 20 jyl ishinde talaı belesterdi baǵyndyrdyńyz. Elimizdiń aby­roıyn asqaqtatyp, tórtkúl dúnıege pash ettińiz. Memleketimizdi jańa damý jolyna túsirdińiz. Osyndaı ıgi iste­ri­ńizdiń budan ári de órkendeı berýine shyn júrekten tilektespin», dep jaza­dy jedelhatynda. Akademık Tóregeldi Sharmanov óz hatynda: «Prezıdenttik saılaýda hal­qy­myz­dyń Elbasyn qoldap, aq nıetin bildirýi beıbit ǵumyr men jasam­paz­dyqqa aparatyn joldy tańdaǵany», deıdi. Sondaı-aq, Rabıǵa Syzdyqova, О́mir­zaq Aıtbaıuly, Serik Qıra­baev, Tursynbek Kákishev, Seıit Qas­qa­basov syndy akademıkter joldaǵan jedelhatta: «Qazaqstan halqy elimizdiń sońǵy jıyrma jyldaǵy joǵary qar­qynda damýy men ósip-órkendeýin Siz­diń esimińizben baılanystyrady. Son­dyqtan el tańdaýy taǵy da Sizge túsip, taǵy da Sizge senim artty», delingen. Al, jazýshy Sábıt Dosanov óz tilegin: «Sizdiń bul tarıhı uly jeńi­si­ńiz – kól-kósir eńbegińiz ben kóregendigińizdiń jemisi», dep jetkizedi. Sonymen qatar, Semeı qalasynan «Abaı qorynyń» prezıdenti Baltabek Ersálimov jedelhatynda: «Siz qazaq hal­qynyń baǵyna týǵan azamatsyz. Shy­naı qurmet pen sheksiz rızashy­lyqqa bólene berińiz», dep aǵynan jarylady. Al, «Abaı» jýrnalynyń dırektory Yryshan Musauly men aqyn Muratbek Ospanov: «Atam qazaq otyrǵan altyn aıdarly ulyna aqsarbas aıtyp, tolaıym kóńilden aq tilegin aq­taryp jatady. Osy dástúrdi saqtaı otyryp, búkil álemdi tańdaı qaqtyrar­lyq tabysyńyz ben saılaýdaǵy iri jeńisińiz uzaǵynan súıindirsin», deı kele, Elbasynyń aldaǵy ókilettik keze­ńin­degi eńbegine tilektestik bildirgen. Sondaı-aq, Memleket basshysyn Ońtústik Qazaqstan oblysyndaǵy Qap­lambek gýmanıtarlyq agro­ekono­mı­kalyq kolledjiniń dırektory Erkimbek Qanjigitov, Ońtústik Qazaqstan oblysy, Saıram ardagerler keńesiniń tóraǵasy Álibek Baınazar, aýdandyq áıelder keńesiniń tóraıymy Sulýshash Qaıranova qatarly zııaly qaýym ókil­deri jedelhat arqyly quttyqtaǵan. Elbasyna aq peıilderin bildirgen­der­diń arasynda ardagerler de az emes. Pavlodar oblysynan jedelhat jolda­ǵan Uly Otan soǵysynyń ardageri Qabdesh Nurkın: «Elin súıgen, eli súı­gen Elbasy retinde tolaǵaı tabys­tar men bıik belesterden kórine beri­ńiz», dep ystyq yqylasyn jetkizgen. Osy oblysqa qarasty Maı aýdanynyń qurmetti azamaty, eńbek ardageri Álmyrza Ahmetov Elbasyn quttyq­tap, aq tilegin bildirgen. «Qazaq­stan­nyń jaǵdaıyn jóndep, jer júzindegi úlken memleketterdiń qataryna qos­tyńyz. Endi budan da bylaı elimizdi kórkeıte berýińizge tilektespiz», dep jazady Jambyl oblysy Moıynqum aýdanynan hat joldaǵan eńbek ardageri Z.Qamshybaev. Shyǵys Qazaqstan oblysy, Bes­qa­raǵaı aýdany turǵyndary atynan jedelhat joldaǵan aýdan ákimi T.Jeksem­baev Memleket basshysynyń aldaǵy atqarar isine tolaıym tabystar tileıdi. Osy óńirdegi Abaı aýdanynyń tur­ǵyn­­dary ıgi tilekterin jedelhat arqy­ly bildirgen. Prezıdentti saılaýdaǵy úlken jeńisimen quttyqtap, shynaıy lebizderin bildirip jatqandardyń ishinde Jambyl oblysy, Taraz qalasyndaǵy «Qazfosfat» AQ-tyń myńdaǵan ju­mys­shydan turatyn úlken ujymy da bar. «Saılaýdaǵy bul jeńisińizdi biz eldi kórkeıtýdegi, tynyshtyqty saqtap, ha­lyqtyń ál-aýqatyn arttyrýdaǵy at­qar­ǵan eren eńbegińizge otandas­tary­myz­dyń bergen joǵary baǵasy dep bilemiz», delingen basqarma tóraǵasy M.Ese­nov pen bas dırektor M.Is­kandırovtyń atynan kelgen jedelhatta. Sonymen qatar, Memleket basshy­syn Qazaqstan Kásipkerleri asso­sıa­sııasy atynan basqarma keńesiniń tóraǵasy J.Janqulov quttyqtapty. «Sizdiń orasan zor saıası tájirıbeńiz, ómirlik danalyǵyńyz ben sarqylmas kúsh-qýatyńyz áli uzaq jyldar boıy Qazaqstan halqynyń múddesi jolynda qyzmet etetinine senim bildiremiz», dep jazady ol óziniń hatynda. Elbasyn saılaýdaǵy jeńisimen qut­tyq­tap, izgi tilekterin bildirgender ara­synda Qostanaı oblysy, Jangeldın aýdandyq máslıhatynyń depýtaty K.Kar­­bozov, Qazaqstan jastary Kongresi, M.Áýezov atyndaǵy Ońtústik Qa­zaq­stan memlekettik ýnıversıtetiniń jasta­ry, Ońtústik Qazaqstan oblysy tur­ǵyn­dary atynan: Keńes Odaǵynyń Batyry T.Qaýymbaev, Sosıalıstik Eń­bek Eri B.Shúkirbekov, jazýshy E.Tu­rysov, ha­lyq aqyny Á.Qalybekova, oblystyq ardagerler keńesiniń tór­aǵa­sy J.­Máý­lenqulov, Q.A.Iаsaýı atyn­da­ǵy HQTÝ vıse-prezıdenti J.Aı­me­nov, t.b. bar. «Búgin Qazaqstan men Sizdiń esimińiz qatar aıtylady. О́ıtkeni, elimiz Táýel­sizdiginiń 20 jylynda Sizdiń bastaý­yńyzben Qazaq eli tórtkúl dúnıege áıgili, álemniń básekege qabiletti 50 eli­niń qataryna qosylýǵa tolyq múm­kindigi bar irgeli de ekonomıkasy qýat­ty elge aınaldy», delingen Shyǵys Qazaqstan oblysy, Zaısan aýdany, «Nur Otan» HDP aýdandyq fılıaly­nyń janyndaǵy shtab músheleri B.Nu­rasyl, Q.Abjanov, E.Kelgenbaev, A.Dýdnık joldaǵan jedelhatta. Mun­daı mazmundaǵy quttyqtaýlar sondaı-aq Ońtústik Qazaqstan oblysy, Maq­ta­aral aýdandyq qoǵamdyq shtab múshe­leri O.Aıashev, I.Úmbetaev, Qyzylor­da oblysy, Aral aýdanynyń turǵyny J.Salmyrzaeva, Shyǵys Qazaqstan ob­lysy, Jarma aýdanynyń ákimi T.Qa­symjanov, «Nur Otan» HDP Jarma aýdandyq fılıaly «Jas Otan» jastar qanatynyń músheleri, Jarma aýdandyq soǵys jáne eńbek ardagerleri keńesiniń tóraǵasy S.Jylqybaev jáne  Jarma aýdandyq qoǵamdyq shtab múshelerinen, oıyldyq Q.Nurymgereıulynan, S.Áýbákirulynan, eńbek ardageri Á.Qa­sym­bekqyzynan kelip tústi.