Senim saltanaty

ALMATY Keshegi kún bizdiń bolashaq sport­shylardy baýlıtyn bilim or­damyzda merekege aınaldy. Mun­da Prezıdent Nursultan Na­zar­ba­evtyń óz qyzmetine kirisýin ulyq­taý rásimine arnalǵan mıtıngi As­tanadaǵy ulyq oqıǵanyń izin ala jedel ótkizilip, oǵan sport­shylar, stýdentter, oqý ornynyń oqytý­shylary men qonaqtary qatysty. Akademııa rektory, professor Qaırat Zákirııanov qazaq memlekettiligi qalyptasýynyń dańqty ári qıly da qıyn tarıhyna sheginis jasap, egemendiktiń sońǵy 20 jylyndaǵy qadaý-qadaý jarqyn belesterdi atap ótti. – Biz búkilálemdik ýnıversıadalar men Olımpııa oıynda­ryn­daǵy tamasha jeńisterimizdi maq­tan ete alamyz. Sol jeńisterdiń arqasynda týǵan Qazaqstany­myz­dy álem jurtshylyǵy tanı tú­sý­de, – dedi birinshi kýrs stýdenti, Azııa oıyndarynyń eki dúrkin chempıony Alekseı Levkın. – Sport bizdiń elimizdiń bet-beınesin ta­nytar brendine aınaldy. Akademııa ardageri Maı Hvan, qazaq tilinde tamasha sóılegen birinshi kýrs stýdenti Olıa Moskovchenko jáne basqalar barshany ınaý­gý­ra­sııa ótken qýanyshty oqı­­ǵa­men qut­tyqtap, ózderiniń ár­qa­shan Elba­sy­men birge ekendikterin málimdedi. Petr POMINOV, Qazaq sport jáne týrızm akademııasynyń oqytýshysy. * * * ATYRAÝ Uzaq jyl Atyraý oblysynyń basqarý organdarynda qyzmet isteı júrip, elimiz órkendese eken, halqymyzdyń turmysy jaqsarsa eken deýshi edik. Sol maqsatymyz elimiz táýelsizdik alǵannan keıin iske asa bastady. Ǵasyrǵa ta­ty­ǵan 20 jyldyń ishinde Qazaq­stan­dy, qazaq halqyn álem ta­nydy. Qa­zaq­stan dese, qazaqtyń Tuńǵysh Pre­zıdenti Nursultan Nazarbaev dese jahan jurty eleń etetin bol­dy. Elbasynyń ulttyq ekonomı­ka­ny órkendetýdegi saıasatyn ha­lyq ár kez qoldaıtyny merziminen buryn ótken prezıdent saı­laý­ynda aıqyn baıqaldy. Al keshegi Memleket basshysyn ul­yq­taý rásimin otbasymyzben teledıdardan tikeleı efır arqyly kór­dik. Inaýgýrasııanyń sán-saltana­tymen ótkenine, Qarýly Kúshte­ri­mizdiń sap túzegenine, Nursultan Ábishulynyń sheshendershe kósile sóılegenine – bári-bárine marqaı­yp otyrdyq. Júregimizdi maqta­nysh sezimi kernedi. Kóshbasshysyn tańdaýda ja­ńy­lyspaǵan Qazaqstandaı elde tu­ratyn urpaǵymyzdyń keleshegi jarqyn bolsyn! El amanatyn ar­qalaǵan Nursultan Nazarbaevtaı kemeńger tulǵamyz aman bolǵaı! Orynǵalı QARASAEV, respýblıkalyq dárejedegi derbes zeınetker, Atyraý oblysynyń qurmetti azamaty. * * * AQTО́BE Elbasynyń ınaýgýrasııasy kú­ni bizdiń «Aqtóbemunaı-gaz» aksıonerlik qoǵamy úshin aqjoltaı sáttilikterge toly boldy. Uj­ym­da eńbek etetin segiz myńǵa jýyq jumysshylar osy bir saltanatty sátke ádeıi daıyndalǵandaı qy­rý­ar istiń basyn qaıyrdy. Atap aıtsaq, keshe barlaý blogyndaǵy tórt uńǵyma burǵylandy, Keń­qı­ıaq tuz asty ken ornyndaǵy úsh uńǵymany da burǵylaý aıaqtaldy. Sondaı-aq, naq osy kúni jyl basynan beri 1548610 tonna mu­naı óndirýge qol jetkizildi. Bul ót­ken jylǵy osy kezeńmen sa­lys­­tyrǵanda 13479 tonnaǵa kóp. Mine, «áýeli ekono­mıka, sonan keıin baryp saıasat» qaǵıdasyn us­tanyp kele jatqan Elbasynyń ınaýgýrasııa salta­na­tyn bizdiń ak­sıo­ner­lik qoǵam os­yndaı ekpindi eń­bek­pen qarsy aldy. Teledıdardan Elbasy sózin tyń­dap, elimizde qol jetken tabystar men izdenis­ter­diń alda da jal­ǵasyn tabatynyn aıqyn ańǵar­dyq. El­ba­symen er­te­ńi­miz­diń irgesin birge qalaýǵa ju­myla oty­ryp, jańa belesterdi alaty­ny­myz­ǵa kúmán joq. Bolat KО́PTILEÝOV, «SNPS-Aqtóbemunaı-gaz» AQ óndiristik-tehnologııalyq jumystardy úılestirý departamentiniń dırektory. * * * AQMOLA Jalpyhalyqtyq saılaýda je­ńip shyqqan Tuńǵysh Prezıdentimiz Nursultan Nazarbaevty ul­yq­taý saltanatyn teledıdardan tamashalaý barysynda aıryqsha maq­tanysh sezimine bólendim. Bul dana halqymyzǵa, dara kóshbas­shy­myzǵa degen maqtanysh edi. Elbasymyz únemi bizben birge. Ata Zańymyzǵa qolyn qoı­yp, Qazaqstan halqyna Ant bergen Nursultan Ábishuly: «Aq júrek halqymnyń senimin aqtaı­myn. «Kóp tilegi – kıeli» degen naqyl taýyp aıtylǵan. Siz­der­diń alda­ryńyz­daǵy jaýapkershilikti sezinemin jáne sizdermen birge úlken je­ńis­terge qol jetkizemiz. Ot­basyla­ry­ńyz berekeli, bar­sha­ńyz aman bolyńyzdar», degende: «Áý­mın», dep bet sı­padyq. El­basymyz bizdiń úıge kirip kelgendeı, 10 balam men 14 nemeremniń basynan sıpaǵandaı tolqydym. Elbasymyzdyń basty usta­ny­my halqymyzdyń ál-aýqatyn úz­diksiz kóterý ekendigi bolasha­ǵy­myz­dyń bekemdigin aıǵaqtaıdy. Damýymyzdyń aldaǵy kezeńi de jaqsylyq sharapattaryna toly bolatynyna senemin. Ulyq toı qut­ty bolsyn. Kókshelikter de ózi­niń Táýelsizdik, Abylaı han, Kókshetaý atalatyn alańdarynda dúrkiretip dýmandatýda. Toıy­myz toıǵa ulassyn. Jibek JÚNISOVA, «Altyn alqaly» ana. * * * BATYS QAZAQSTAN Prezıdentimizdi ulyqtaý rási­mi ótkizilgen kún – bizdiń ká­sip­orynnyń óndiristik ómirindegi aı­ryqsha, este qalatyn kúnderdiń biri bolyp qalmaq. О́ıtkeni, dál osy kúni o bastan mashınalar ja­saý­ǵa mamandandyrylǵan bizdiń zaýyt­tyń konveıerinen tuńǵysh ret qala kóshelerine sý seýip, jol jýatyn arnaıy kólik shyǵaryldy. Máseleniń mánisi mynada. Biz ótken jyly álemge áıgili Mınsk avtomobıl zaýytymen respýblı­kanyń kommýnaldyq qyzmetine qajetti arnaıy kólikter shyǵarý jóninde kelisimge kelgen bola­tyn­byz. Oǵan qajetti bólshekter men prıborlardyń bári bizde ja­salady. Ári oǵan Belarýs elinen jetkizilgen shassıler qon­dy­ry­la­dy. Al arnaıy kóliktiń negizgi qańqasy men qurylymdaryn mıns­kilik áriptesterimiz ázirleıdi. Kommýnaldyq qyzmettiń arna­lary san-salaly. Onyń jyqpyly men ishki ıirimderi az emes. Kom­mýnaldyq qyzmet qajettiligine ba­ǵyttalǵan arnaıy kólikter shy­ǵa­rý arqyly biz respýblıkada osy sa­ladaǵy reformanyń aıaǵyna deıin jetýi úshin oǵan óz úle­si­miz­di qo­sý­dy kózdep otyrmyz. Qa­zaq­stan, Reseı jáne Belarýs memleketteri ara­syndaǵy Kedendik odaq oń yqpa­lyn tıgizgenin de aıta ketkim keledi. Ǵımran BISENOV, «Oralagroremmash» AQ prezıdenti. * * * JAMBYL Myna sáıkestikti qarańyz. Elde saılaý bolyp, oǵan jasy bar, jasamysy bar qarapaıym halyq jappaı qatysyp, óz tańdaýlaryn jasap jatqan tusta bizdiń Shý qa­lasynan «Enıseı-Qamqor-1200» atty kombaınnyń alǵashqy da­na­sy qurastyrylyp bitti. El dıqan­dary úshin asa qajetti bul jo­ba­ny «Shý-Lokomotıv» zaýyty ká­sip­oryny men Reseıdiń Krasnoıar qalasyndaǵy «Traktor zaýyty kon­serni» JShS óndiristik kom­pa­nııasy qolǵa alǵanyn bir aı bu­ryn estigenmin. Endi, mine, adam aıtsa sengisiz ýaqytta kelisim-shart­qa sáıkes alǵashqy kombaın dú­nıege kelip otyr. «Qýanysh bólisse kóbeıedi», degen. Saılaýda ózim daýys bergen úmitker básekeden daraboz kelip, ulyqtalyp jatqan tusta al­ǵash­qy kombaınnyń ıesi ózim bol­ǵanymdy rııasyz kóńilmen bó­lis­kim keledi. Meniń jeke menshik sha­rýashylyǵym Qazaq eginshilik ǵylymı-zertteý ınstıtýtynyń ǵy­lymı qyzmetkerlerimen birigip, jazdyq arpanyń jańa s­u­ryp­taryn synaqtan ótkizip, óndiriske engizý jumystarymen júıeli túr­de aınalysýda. Meni egin sha­rýashylyǵy elge tanytyp otyr. Búginde ol aý­dan­nyń 3211 gektar alqabyn alyp ja­tyr. Qudaı qa­la­sa, el rı­zy­ǵyn endi Elbasyn ulyqtaý kúni syı­lyqqa berilgen kombaınmen jı­naı­tyn bolamyn. Jumahan OSPANOV, «Nur-2000» JShS dırektory. * * * QARAǴANDY О́mirde qýanyshqa kóbirek bó­len­genge ne jetsin. Sondaıda ál­bet­te, máni men jóni jaǵynan bó­lek qýanyshtar bolatyny anyq. Sony biz keshe kórdik. Ol – El­basymyzdy ulyqtaý saltanaty. Nursultan Ábishuly Nazar­ba­ev­tyń Qazaqstan Respýblıkasy Pre­zıdenti mindetin atqarýǵa kirisýi rásimin alystaǵy aýyl aza­mattary – bizderdiń kóńilimizdi qatty tol­qyt­ty. Aýdandyq or­ta­lyq kitaphanada ardagerler, mu­ǵa­limder, oqý­shy­lar erte basqo­syp, osy bir tamasha rá­simdi teledıdardan tikeleı kórdik. Elbasyn quttyqtaýǵa jı­nal­ǵan as­ta­nalyq­tardyń dý qol sha­pa­laq­taýyna qo­sylyp biz de Qarqaralyda oty­ryp qýanyshymyzdy bildirdik. Memleket basshysy alda tur­ǵan mindetterdi tujyrymdap aı­typ ber­di. Súıikti Qazaqsta­ny­myzdy kóp­tegen qıyndyqtardan alyp shy­ǵyp, jańa jeńisterge jigerlendirýshi ult jetekshisiniń kemeńgerlik bas­shy­ly­ǵy men saıası kóregen­di­gi­niń jemisin kóre beretinimizge senim mol. Biz El­ba­syǵa qashannan sheksiz senemiz. Qýa­nysh qutty bolsyn, áleýmet! Erkin QASYMJANOV, Qarqaraly aýdandyq ardagerler keńesiniń tóraǵasy. * * * QYZYLORDA Keshe Astanada Prezı­dent­tiń res­mı túrde qyzmetine kirisý rá­simi ótti. Táýelsizdik sa­raıy­nan tartylǵan tikeleı baı­la­nys búkil respýblıkada kórse­til­di. Aqme­shit­tiń aqjarqyn hal­qy da El­ba­sy Nursultan Nazar­ba­evtyń ul­yq­taý rásimin teledıdardan tama­sha­lady. Qoǵamnyń qozǵaýshy kúshi – jas­tar. Olardy memleketshildikke, ultjandylyqqa tárbıe­leıtin jo­ǵary oqý oryndary. Mine, so­lar­dyń biri – Qorqyt ata atyn­da­ǵy Qy­zyl­orda memlekettik ýnıversıteti. Keshe osynda stýdentter Astanada ót­ken Elbasyn ul­yqtaý rá­simin tikeleı efır arqyly teledıdardan tamashalady. Ýnıversıtettiń májilis zaly kó­rermenge tolyp otyrdy. Osy­naý tarıhı kúndi tikeleı baı­la­nys ar­qy­ly tamashalaǵan oqytý­shy­lar men stýdentter quramy El­basy ant qa­byl­daǵan tusta erek­she tebirendi. Al memlekettik Ánuran or­yn­dal­ǵanda zal dúr etip kóte­ril­di. Odan keıin El­basynyń sózin yjdahatty­lyq­pen tyńdap, sońy­nan óz oılary­men bólisti. Qaıyrbaı ZÁKIROV, sýretshi-grafık. * * * QOSTANAI Men «Alpamys» aıaq kıim fab­rıkasynda qyryq jyldan beri eńbek etip kelemin. Instıtýttan keıin jas maman retinde osy uj­y­mnyń tabaldyryǵyn at­ta­ǵan ed­im. Sodan bergi búkil ǵu­myrym osynda ótip keledi. Qazir aıaq kıim fabrıkasynyń bas ınje­neri bo­lyp qyzmet isteımin. Aı­taıyn de­genim, bizdiń kásip­or­yn­daǵy ju­mysshy ujymy talaı saılaýdy ótkizip kelemiz. О́ıtkeni, munda ózim sııaqty ardager ju­mys­shylar jetkilikti. Keıingi jyl­dary jastar da kelip jatyr. Saılaý men ınaýgýrasııa kezinde ony biz este qalarlyqtaı etip ótkizýdi oılastyrǵanbyz. Sonyń bir belgisin naqty mysalmen aı­taı­yn. Keshe 380 adamdyq zaýyt ujymyndaǵy jastar «Nur Otan» partııasynyń qataryna ótý týra­ly usynys jasady. Biz olardy dereý qoldadyq. Sóıtip, bizdiń ujymda kóshbasshysy Elbasy bo­lyp ta­bylatyn «Nur Otan» ha­lyq­tyq-demokratııalyq partııa­sy­nyń bas­taýysh uıymy quryl­dy. Jáne ol qaı kúni deısiz ǵoı. Ulyqtaý rá­simi kúninde Prezı­den­timizdi qol­daý­dy, onyń saıasa­tyn júzege asy­rý joly osy dep otyrmyz. Anna BEGA, «Alpamys» aıaq kıim fabrıkasynyń bas ınjeneri. * * * MAŃǴYSTAÝ Inaýgýrasııa kúni myna jáıt­ter oıyma oralyp otyr. Keshegi saılaýda bizde qurylǵan jastar qanaty óz qatarlaryna jas mu­naı­shylarmen birge aımaqtyń stý­­dentteri men jumysshy jas­ta­ryn molynan biriktirdi. Jarqyn sátterdiń biri dep Sh.Esenov at­yndaǵy Kaspıı memlekettik tehnologııalar jáne ınjınırıng ýnı­versıtetinde «Elbasymen birgemiz» ınternet-saıtynyń uıym­das­tyrylyp ashylýy der edim. Osy saılaýda senimdi ókil boldym. Sonda zeınetkerler já­ne ardagerlermen, el aǵalarymen birneshe kezdesýler ótti. Ol júz­desýlerde Elbasyǵa degen ha­lyq­tyń ystyq yqylasy, lebizi, rıza­shylyq sezimin estýdiń sáti tústi. 3 sáýir kúngi saılaýda aımaq adam­darynyń daýys berýi 94,2 paıyz­dy qurap, 96,58 paıyz óz daýys­ta­ryn Táý­el­siz Qazaqstannyń Tuń­ǵysh Prezıdenti, álem tanyǵan taǵy­lym­dy tul­ǵa Nursultan Na­zar­baevqa berdi. Bul aımaq adam­darynyń El­ba­synyń eren eńbegin asa joǵary baǵalaýy men onyń baıtaq elimizdegi saıası turaq­ty­lyq pen eko­no­mıkamyzdyń qar­qyn­dy damý­yn­da­ǵy sarabdal saıa­sa­tyn qyzý qol­da­ǵandyqtyń belgisi. Mań­ǵys­taýl­yq­tar búgin oı­daǵymyzdyń oryn­dal­ǵanyna qýa­nysh­ty. Alık AIDARBAEV, «Mańǵystaýmunaıgaz» AQ bas dırektory. * * * OŃTÚSTIK QAZAQSTAN “Qazaqstannyń bolashaǵy jar­qyn, tuǵyry bıik, mártebesi as­qaq, eko­nomıkasynyń órleýi ár­bir otan­­dasymyz úshin mańyzdy. Biz taǵ­dyrymyzdy Nazarbaev esimimen baılanystyramyz”, deıdi res­pýb­lıkadaǵy eń irgeli oqý or­yn­da­ry­nyń birinen sanalatyn M.Áýe­zov atyndaǵy Ońtústik Qa­zaqstan Mem­­lekettik ýnıversı­te­ti­niń ujymy. Er eline sense, eli erine senip otyr. * * * PAVLODAR Prezıdenttik saılaýda jeńis­ke jetken Elbasy Nursultan Na­zarbaevtyń halyq, el aldyndaǵy Ant qabyldaý rásimin oblys or­talyǵyndaǵy «Dostyq» úıinde 19 ulttyq mádenı ortalyqtarynyń ókilderi basqosyp, teledıdar arqyly kórip, qoldaý bildirdik. Osydan eki jyl buryn bul úıdiń ashylý saltanatyna Elbasy kelip ózi qatysqan bolatyn. Jınalǵan qaýym – túrli ult ókilderi bizder Astanada ótip jatqan elimiz úshin mańyzy bar saltanatty rásimdi kórý erekshe este qalatyn tarıhı kún dep baǵalaımyz. Astanadaǵy saltanatty rásim­di kórip bolǵan soń, Memleket bas­shysyna quttyqtaý tilek bildirgen jınalǵan qaýym bir-bi­rimizdi shyn júrekten quttyqtap, Prezıdentimizdiń aldaǵy jumys­ta­ryna tolaǵaı tabystar tiledik. So­nymen qatar «Jańǵyrý» dep ata­latyn túrli ult ókilderinen qu­ralǵan jastar birlestigi pat­rı­ottyq asqaq áýendi ánderden shashý shashyp, jıylǵan jurttyń kóńil­de­rin odan saıyn kótere tústi. Oksana MARTENOVSKAIа, Bolgar etnomádenı ortalyǵynyń jetekshisi. * * * SOLTÚSTIK QAZAQSTAN Bizdiń kásiporyn úsh jyldan beri temir jol salasyna vagondar shyǵarý isimen turaqty túrde aı­nalysyp keledi. Osy merzim ishinde vagonnyń tórt túri ıgerilip, sy­naq­tan oıdaǵydaı ótti. Tutyný­shylarǵa 600 vagon jónelttik. «ZIKSTO» AQ oblystaǵy jetekshi máshıne jasaý kásip­or­yn­dary arasynda kósh bastap ın­dýstrııalyq damýdyń jańa ba­ǵyt­t­aryn tynbaı izdestirip keledi. Biz ár merekeni laıyqty tabys­tarmen qarsy alýdy dástúrge aı­naldyrǵanbyz. Prezıdenttiń kezekten tys saılaýynda bir aý­yz­dan Elbasyǵa daýys bergen ujym músheleri ulyqtaý rásimi kúni asa uıymshyldyqpen jumys istep, kezekten tys 160-shy júk vago­nyn qurastyryp shyǵardy. Al­da­ǵy mejemiz tipti zor. Jyl aıaǵyna deıin 600 vagon shyǵarýdy josparlap otyrmyz. О́ndiristi jań­ǵyr­tý baǵytyndaǵy qaryshty qa­dam­dar jalǵasa beretini kúmánsiz. Vladımır ShÝMAKOV, «ZIKSTO» AQ bas dırektorynyń orynbasary. * * * ShYǴYS QAZAQSTAN Inaýgýrasııa saltanatyn ob­lys­tyń barlyq qalalary men aýdan­darynda turatyn eńbek adamdary teledıdardan tamashalady, túrli mádenı sharalardy ótkizdi. Budan basqa, oblys ortalyǵyndaǵy Shy­ǵys Qazaqstan memlekettik jáne tehnıkalyq ýnıversıtetteriniń keń foıesinde «Biz Elbasymen birgemiz!» degen taqyrypta stýdenttermen áńgime ótkizilip, dál sol jerde ornatylǵan úlken teledıdardan ınaý­gýrasııa saltana­tyn­daǵy Prezıdent sózi ynta qoıa tyńdaldy. Sondaı bir jıyn oblystaǵy ózim basqaryp otyrǵan baspahana «Reklamnyı Daıdjest» ujy­myn­da bolyp ótti. Bul baspa óndirisi qazir jıyrmaǵa tarta res­pýb­lı­kalyq, oblystyq, qala­lyq jáne aýdandyq gazetterdi ba­syp shyǵa­rýda. Bizdiń ujym El­ba­syn ulyq­taý rásimin basynan aıaǵyna deıin zeıin qoıa kórip, óz rıza­shy­lyq­taryn bildirdi. Elimiz táýelsizdik alǵan 20 jyl ishinde Nursultan Ábishuly Kendi Altaıdyń ekonomıkasyn alǵa bas­­tyrtyp, toqtap qalǵan talaı ká­sip­oryndarǵa jan bitirtkizdi. Ol­ar О́s­kemen tıtan-magnıı kom­bı­naty, «Kazsınk» JShS, Úl­bi metallýrgııa zaýyty. El­ba­sy­nyń os­yndaı eren isi bizge jiger beredi. Qaırat MÝSIN, «Reklamnyı Daıdjest» baspahanasynyń dırektory.