Qatysýshylar lebizi

Najmeddın ǴUBAShEV, Mańǵystaý oblystyq máslıhatynyń depýtaty: – Prezıdentimizge búkil halyq senimin ar­typ, daýysyn bergennen keıin zań boıynsha ót­ki­zilýi tıis ulyqtaý rásimine qatysqanyma qýa­nyshtymyn. Osy saltanatqa elimizdiń bas­qa ob­lys­tarymen qatar, bizdiń obly­sy­myz­dan da delegasııa keldi. Búgin, mine, sol delegasııa qura­mynda Táýelsizdik saraıynda bolǵan bıik rýhpen tynystap, Elbasynyń sózin tyńda­dyq. Eli­miz­diń órkendeýi, halyqtyń jaǵdaıy, jastardyń bola­shaǵy degendi biz Mem­leket basshysynsyz elestete almaımyz. Soǵan búgin de kózimiz jetti. Bizdiń baıtaq Otanymyzdyń erteńiniń kemeldi bola­ty­nyna sendik. Keshegi ótken kezekten tys saılaýda Mańǵystaý óńiriniń halqy ózderiniń Elbasy ustaǵan saıasatty qoldaıtynyn, erteńgi kúnge degen senimderi osy kisimen baılanysty ekendigin dáleldep daýys­ta­ryn berdi. Negizi – Elbasy halqyna qalaı sense, halqynyń da Elbasyǵa sondaı senetinin osy jolǵy saılaýda taǵy da kórdik. Men ózim munaıshymyn. Al munaı salasynyń elimizdiń eko­nomı­ka­synda qandaı oryn alatyndyǵy túsinikti. Mine, osy sala­nyń da­mý­ynda da munaıshylar Elbasynyń qamqorlyǵyn árdaıym sezinip otyrady. * * * Eslam ÝAHITOV, Soltústik Qazaqstan oblysy, Ýálıhanov aýdanynyń ákimi: – Prezıdentimiz Nursultan Nazarbaevty ulyqtaý rásiminiń Astana tórinde bar salta­natymen kórsetilýi, oǵan myńdaǵan adamnyń qatysýy jáne de áskerı sherýdiń sap túzep nyq qadammen júrip ótýi  mańyzdy tarıhı oqıǵa desek, artyq aıtqandyq emes. Atalǵan ulyqtaý rásimi Qazaqstandaǵy jı­yr­ma jylda istelingen eńbektiń, sonyń jaq­sylyǵynyń kórinisi boldy. Halyq bir adamdaı daýys berip, Elbasyn tańdaǵannan keıin ulyqtaý saltanaty ózi salǵan Astana tórinde ótip jatqany –  úlken maqtanysh ári mártebe. Osy rette Nursultan Nazarbaevtyń bastamasymen qolǵa alynǵan barlyq sharýalardyń basy-qasynda júrgendikten, olardyń turǵyndar arasynda qoldaýǵa ıe bolyp otyrǵandyǵyn kórýdemiz. Qazaqstan memleketiniń jıyrma jyldyǵy qarsańynda ótip jatqan Prezıdentti ulyqtaý saltanaty jaqsy nyshan bolsa kerek. Qazirgi kezde Qazaqstan álemge tanylyp, kóptegen ıgi isterdi atqa­ryp keledi. Elimiz óziniń kez kelgen mindetterdi oryndaı alatynyn dáleldep qana qoımaı, sonymen qatar, ózgelerge úlgi bolarlyqtaı dárejege jetti. Biz osymen de maqtana bilýimiz kerek. Sondyqtan baıtaq elimizge Qudaı qýat pen amandyq bersin! * * * Saıyn NAZARBEK, Qazaqstan Jazýshylar, Sáýletshiler odaqtarynyń múshesi: – Jasym jetpiske keldi, talaı meıramǵa qa­tysyp júrmin. Biraq dál búgingideı erekshe kúı­ge bólengenim sırek bolar. Elimniń eldigine qýa­nyp turmyn osy sát. Aýyzbirligimiz bar, be­re­­ke­miz bar, yntymaqty el ekenimizdi kór­set­tik qoı. Eger qazaqstandyqtar osy qal­py­nan taımasa, álemdegi 50 eldiń bireýi emes, al­ǵash­qy­sy bo­la­­tynyna senemin. Halyqtyń baǵy qutty bolǵaı! Bul – bizdiń babalarymyzdyń ǵasyrlar boıy qoly jetpegen armany edi ǵoı. Tóle bıdiń, Áıtekeniń, Qazybektiń, Abylaı han­nyń, tipti odan arǵy babalarymyzdyń kókeıin tesken eldik murat osy emes pe edi?! Jańa elimizdiń týyn zalǵa ákelgende, Ata Za­ńy­myzdy ulandarymyz alyp shyqqanda osy bir oılar júrek túk­pirinen shymyrlap shyǵyp, janymdy terbetti. Elbasy aq kıizdiń ústinde turyp ant bergende ishteı shúkirshilik etip turdym. Táýbe! Keshegi ótken saılaýda halyq Elbasyǵa senetinin qalaı kór­set­ti? Tipti kezekke turyp daýys berdik. Bul – el senimi. Al azamat úshin el senimin arqalap, halqynyń aldyna bıik maqsattar qoıyp, onyń shyńyna halqymen birge shyqqannan artyq baqyt joq. Shú­kir­shilik, Elbasy 20 jyldyń ishinde el senimine selkeý túsirgen joq. Qazaq balasy eliniń taǵdyryna súıiner zaman osy bolar, sirá! * * * Áselhan QALYBEKOVA, Qazaqstannyń halyq aqyny: – Aqyn júregi mundaıda el-jurtymen bir­ge asyp-tasyp jatpaı ma? Sonaý ońtús­tik­tiń shu­ǵy­lasy Arqaǵa aýyp kelgendeı búgin Esil­diń ja­ǵasy erekshe dýmanǵa bólenip tur. О́z tańdaýyn jasaǵan halyqtyń qýanyshynda shek joq. Ant berý rásimi resmı jaǵdaıda ót­ip jatsa, kóshedegi sherý Elbasyǵa shyn qur­mettiń belgisindeı seziledi. Keýdemizdi maq­tanysh sezimi kerneıdi. Ult Kóshbas­shy­syn qalyń eli túgel qoldap jatqanda, endi mundaı kezde shattanbaǵanda aqyn júregi qashan aqtarylady. Aqynǵa qural bar ma tilden artyq, Aspanda shyraq bar ma kúnnen artyq! Búkil el tileýińdi tilep otyr, Qazaqqa Prezıdent joq Sizden artyq! – dep Elbasynyń ózine kezekti bir kezdesýde aıtqanmyn. Sol bir shýmaq jyr búgingi qýa­nysh­tyń ústinde taǵy da esime túsip, kóńilimdi kóktemgi samaldaı jelpıdi. * * * Bekbolat MUQYShEV, Respýblıkalyq ardagerler uıymy tóraǵasynyń orynbasary: – Ulyqtaý sharasynyń ótip jatqany biz úshin qýanysh ári maqtanysh sezimin týdy­ra­tyn erekshe oqıǵa. Bul aıtý­ly mańyzdy shara ha­lyq kóńilinen shyǵyp jat­qanyna eshqandaı kúmán bolmasa kerek. El basshysyna densaý­ly­ǵynyń jaqsy bolyp, ha­lyqqa rııasyz qyzmet etýin tileımiz. Qazaqstan táýelsizdigi úshin aıanbaı ter tó­gip kele jatqan Tuńǵysh Prezıdentimiz Nursultan Nazarbaev áli de boıynda kúsh-qýaty mol azamat. Endi aldan ne kútemiz degenge kelsek, eldiń odan ári qaraı damýy barshamyzdy tolǵandyratyn máse­le bolsa kerek. Alǵa qoıǵan basty maqsatymyz elý irgeli mem­lekettiń qatarynan oıyp turyp oryn alý bolsa, eń aldymen, eko­nomı­ka­myzdy damytý barshamyzǵa ortaq jaýapkershilik júkteıdi. Ásirese, bilimge erekshe kóńil bólinip, jastardy tárbıeleý isinde jańa bastamalar kóterilgeni jón. Qazaqstanda bilim salasyna kó­ńil bólinip te jatyr, biraq sony tereńdete túsken oryndy bolmaq. * * * Vera SIDOROVA, Sosıalıstik Eńbek Eri: – Men úshin Nursultan Nazarbaevty Prezıdent retinde ulyqtap jatqan aıtýly oqıǵa Qazaqstanda úlken merekeniń toılanyp ja­týy­men para-par. Elbasyn Memleket bas­shy­sy etip qaıta saılaý Qazaqstan halqynyń aýyz­bir­shiligin kórsetti. Men muny úlken jeńis ári baqyt dep baǵalaǵan bolar edim. Qazaqstandyqtar árqashan da óziniń eń­bekqor ári beıbitsúıgish halyq ekenin dálel­dep keledi. Ásirese, ózge ulttar men ulystardyń ókilderin baýy­ry­na basyp, qamqorlyq tanytyp kele jatqan qazaq halqyna degen rızashylyǵymyz sheksiz. Mine, osyndaı óreli de berekeli eldi basqaryp otyrǵan Nursultan Ábishulyna uzaq ómir, myqty den­saýlyq tileımin! Qazaqstan Respýblıkasy aldynda turǵan barlyq josparlardyń oryndalýyna da tilektestigimdi jetkizgim keledi. Meniń osy rette aıtaıyn degenim, jyl saıyn halyqtyń turmys jaǵdaıy jaqsaryp, ál-aýqaty joǵarylaı túsýde. Sonymen qatar, rýhanı ómirimiz de baıyp, eldiń qorǵanys qabi­leti de artýda. Alaıda, bir sheshimin kútken problema da joq emes. Ol, árıne, aýyl sharýashylyǵy salasyna qatysty. Eger biz osy salany aıa­ǵynan nyq turǵyza alsaq, onda halyq turmysy budan da artatyny anyq. * * * Asanáli ÁShIMOV, KSRO jáne Qazaqstannyń halyq ártisi: – Qara ormandaı qalyń qazaq búgin óziniń tańdaǵan basshysyn aq kıizdiń ústine shyǵa­ryp, ant qabyldaý rásimine kýá boldy. Jur­ty­myz kóńili qalaǵan, qansha jyldan beri kóptiń kókeıine senim uıalatqan azamatyna da­ýystaryn berip, keleshek baǵyt-baǵdaryn aı­qyndady. Elbasy óziniń qyzmetke kirisý rá­siminde osy senimniń údesinen shyǵatyn oı-baılamdaryn ortaǵa saldy. Sondaǵy aıtyl­ǵan ister júzege asyrylyp, alǵa qoıylǵan mindetter oıdaǵydaı atqa­ryl­sa, elimiz aldyńǵy qatarly damyǵan elý eldiń qataryna áli-aq qo­sy­laryna kúmánim joq. Buǵan Prezıdenttiń kúsh-qýaty, aqyl-pa­ra­saty, erik-jigeri men bilim-biligi molynan jeterin ózimiz túgil syrt kóz – synshylar da ashyq aıtýda. Sondyqtan eldiń erteńi senimdi basshynyń qolynda dep bilemin. Qazaqstanyn jı­yr­ma jyldyń ishinde zor beleske kótere bilgen Nurekeń munan keıin de sol qar­qynynan taımaıtyny anyq. Ol ant berip turyp, osyny qadap aıtty. Eń bastysy, halyqtyń ál-aýqaty men mádenıeti kóshten qalmaı kórkeıse eken. Elimiz tynysh, jurtymyz aman bolsa eken. Shetelderdegi nebir soıqan oqıǵalardy kórgende janyń túrshigedi. Mádenıet pen ónerdi alǵa ozdyrý túgili ómir súrýdiń ózi qıyndap turǵan zamanda baıtaq dalanyń baıraǵy kókke jelbirep, ekonomıkalyq ta, rýhanı da qarqyndy damı túsýi qazaqtyń mań­daıy­na Jaratqannyń buıyrt­qan bir artyǵyraq syıy ma dep oılaısyń. Sol baqtan laıym aıyr­masyn, Elbasymyz eline adal qyzmet ete bersin! * * * Hasen MOLDABAEV, Almaty oblysy, Eńbekshiqazaq aýdany, Esik qalalyq ardagerler keńesiniń tóraǵasy: – Eńbekshiqazaq aýdanynan osynda bir top delegasııanyń quramynda Prezıdentti ulyq­taý rásimine kelgenim biz sııaqty ardagerlerge, eńbek adamdaryna kórsetilip otyr­ǵan qurmet dep sanaımyn. Búkil halyq bo­lyp Elba­sy­myz­dy biraýyzdan saılaýdyń ózi elimizdiń aý­yzbirligi men yntymaqty tirshiligin kórsetti. Bul saılaý halyqtyń máńgi esinde qalyp qoıa­tyndaı tarıhı oqıǵa boldy. Endi ulyqtaý rásimine qatysqanda oıǵa túıgenim, bul da el esinde máńgi qalardaı eleýli saıası shara. Urpa­ǵymyzdyń erteńgi kúnine senimdi aıaq basýyna Elbasymyz búgingi ant qabyldaý arqyly kózimizdi jetkizdi. Táýelsizdik saraıynyń ishindegi osy rásimge baılanysty uıymdastyrylǵan sharalar, el­or­danyń eńsesin bıiktetken záýlim ǵımarattar men mádenı oshaq­tar, sherýge shyǵyp, Elbasyǵa qurmet kórsetken qarapaıym qala turǵynda­ry­nyń kóterińki kóńil-kúıi bizge de erekshe áser etti. Elbasyǵa ardagerler atynan zor densaýlyq tileı otyryp, aldaǵy ýaqytta ta halqyńa adal qyzmet atqara ber dep senim artamyz. * * * Raýken OTYNShIN, «Qazaqstan» UA» Aqtóbe fılıalynyń dırektory: – Táýelsizdik saraıyndaǵy osy rásimge kýá bolǵan qaı adamnyń da kóńili tolqydy dep bilemin. Sebebi, bizder tarıhı sáttiń kýási bol­dyq. Bizden keıingi tolqyn, keler urpaq tarıhtan oqıtyn sáttiń ishinde bolyp, sonyń aýasymen tynystadyq. Rýhymyz bıiktep, keýdemizdi kerip, uly memlekettiń azamaty ekenimizge qýanyp turdyq. Bizdiń Aqtóbe oblysy keshegi ótken saılaýda Elbasyn qansha­lyqty qoldaıtyndyqtaryn joǵary paıyzdyq kórsetkishimen dálel­dedi. Senimderin bergen daýystarymen dáıektedi. Men ózim baıqaýshy retinde osy daýys berý úderisinde úzbesten boldym. Halyq bar yn­ta­symen, yqylasymen kelip, saılaýdy merekedeı etti. Bul tek erte­ńine sengen elde bolatyn ǵana qubylys desem artyq aıtqandyq bolmas. Elbasy eldiń bolashaǵyn aıtqanda únemi údemeli ınnovasııalyq damýdy alǵa tartady. Al bizdiń oblysymyz osy isti damytý jaǵynan aldyńǵy qatarda keledi. Halyqtyń Elbasyǵa qaltqysyz senýinde osyndaı úlken keleshekti alǵa ustaǵan bıik maqsattardyń áseri bar. El de, Elbasy da bir maqsatqa jumylýda. Endeshe, birige qımyldaǵan jurt qandaı asýdy bolsa da baǵyndyrady. Aqtóbelikter de táý­elsiz Qazaqstannyń mereıi ústem bolýyna óz úlesterin qosa bermek. * * * Darıko HASANǴALIEVA, Almaty qalalyq «Qyzyl Aı» qoǵamynyń tóraıymy: – Osy turǵanymda-aq júregim lúpildep tur, óte qýanyshtymyn. Prezıdentimiz halqy­na ant bergen sátke kýá bolǵanym úshin ózimdi baqytty sezinip, tolqydym. Meniń adam retinde, ana retinde tilegim – qazaq halqy ózi sen­­gen Elbasymen birge aman bolyp, jurt jetpegen bıikterge shyqsa. Yntymaqpen, qýa­nysh­pen, berekeli tirlikpen 20 jylda baǵyn­dyrǵan asýlarynan ári asyp, tabystaryn eseleı tússe, baıra­ǵy­myz jelbireı beretinine, qazaq degen halyqty álem tanyp, moı­yn­daıtynyna senemin. Bizdiń Elbasynyń bedeli halyqaralyq arenada da myqty ekenine kózimiz jetip júr. Byltyrǵy jyly Eýropadaǵy qaýipsizdik jáne yntymaqtastyq uıymyna tóraǵa bolyp, osy búgin ulyqtaý rásimi ótken zalda uıymǵa múshe 56 eldiń basshylary 11 jyldan bergi ótkizilmegen sammıtke jınaldy. Osydan birshama jyl buryn shetelderde bizdiń elimizdi bile qoımaıtyn. Qazir Qazaqstan deseń: «O, Nazarbaev, Astana», dep bilip jatady. Eýrazııanyń jaýharyndaı Astanamyz qandaı ásem. Ol –táýelsizdigimizdiń belgisi, Elbasymyzdyń kemel qaıratynyń jemisi emes pe?! Sondyqtan men barsha qazaqstandyqtardy búgingideı merekemen shyn júregimmen quttyqtaǵym keledi. Elimiz aman, jurtymyz tynysh bolsyn! * * * Aıkúmis DOSANOVA, Mańǵystaý oblysy, Túpqaraǵan aýdandyq máslıhatynyń hatshysy: – 3 sáýirde ótken kezekten tys prezıdenttik saılaýda men Túpqaraǵan aýdany boıynsha Elbasynyń senimdi ókili boldym. Bul saılaý sońǵy 20 jyldyń ishinde bizdiń Elbasymyzǵa degen halyq senimine selkeý túspegenin kórsetip berdi. О́te bir qıyn kezeńde «Kimge senemiz?», «Kimniń sońynan eremiz?», «Ne isteımiz?» degen eleń-alań ýaqytta halyq Elbasyǵa senim kórsetip, memlekettiń tizgini myqtap ustalyp edi. Sol senimimiz aqtaldy. 20 jyldyń ishinde memleketimiz úlken bıikterge kóterildi. О́rkenıette óz ornyn aldy. Sharýamyz ońaldy. Halqymyzdyń áleýmettik jaǵdaıy jaqsardy. Bizdiń Qazaqstandy damyǵan, demokratııaly el retinde dúnıe júzi tanydy. Keshegi saılaýǵa bizdiń Túpqaraǵan aýdanynyń saılaýshylary tegisteı qatysty, ıaǵnı saıası naýqanǵa qatysqandardyń 99 paıyzy belsendilik tanytty. Halyqtyń 99 paıyzǵa jaýyǵy biraýyzdan Elbasyn jaqtap, daýys berdi. Biz Elbasyn ulyqtaý rásimine qaty­syp, ózimizdiń boıymyzǵa úlken kúsh-jiger jınaǵandaı bol­dyq. Elbasyǵa amandyq tilep, osy ótip jatqan sharalardyń bar­ly­ǵynyń qaıyry bolsyn deımiz. Bizdiń aldymyzda bolashaqty kóz­degen 2020 jylǵa deıingi memlekettik baǵdarlamamyz, údemeli ın­dýstrııalandyrý baǵdarlamalary bar. Mine, osy baǵdarla­ma­lar­dyń iske asýyna barlyǵymyz bir adamdaı qatysyp, Elbasyǵa kómekshi retinde jumys isteıtin bolamyz.