Qatysýshylar lebizi

Tumanbek ÁLIEV, Ońtústik Qazaqstan oblysy, Qazyǵurt aýdanynyń ákimi: – Biz búgin elimiz tarıhynda, halyq esinde qalatyn eleýli oqıǵaǵa kýá boldyq. Bul – Elbasynyń, el Táýelsizdiginiń 20 jyldyq belesin abyroımen eńsergen Qazaqstan Prezıdentin ulyqtaý rásimi. Táýelsizdigimizdiń kele jatqan 20 jyldyq merekesi qarsańynda el-azamattar ózderiniń bolashaǵyn, nemerele­ri­niń, urpaǵynyń bolashaǵyn tańdaı bildi. El­ba­syn ulyqtaýdyń óte joǵary deńgeıde uıymdastyrylǵan rási­mine qatysa otyryp, boıymyzdy úlken qýanysh sezimi bıledi. Elge baryp, osy bir qýanyshymyzben bólisip, aldaǵy ýaqytta Memleket basshysynyń saıasatyn odan ári jalǵastyrýdy maqsat tutatyn bolamyz. Elbasy óziniń halyq aldynda bergen antyna adaldyq tanytyp, Qazaqstannyń odan ári óristep, damýyna óz úlesin qosatyny esh kúmánsiz. Bul rette Ońtústik Qazaqstan oblysynyń, onyń ishinde, Qa­zy­ǵurt aýdanynyń azamattary Elbasyǵa qoldaý kórsetip qana qoı­maı, Qazaqstan ekonomıkasy men áleýmettik deńgeıiniń joǵa­ry­laýyna, memlekettiń jan-jaqty jańǵyrýyna úles qosatyny anyq. Elimizdiń árbir turǵyny Elbasynyń bizge júktegen mindettemelerin úlken qulshynyspen, asqan jaýapkershilikpen oryndaı bilse, el erteńi eńseli bolady. * * * О́mirzaq OZǴANBAI, tarıh ǵylymdarynyń doktory: – Bul bir elimizdiń tarıhyndaǵy úlken tarıhı oqıǵa boldy. Saılaýdyń qorytyndysy shyǵarylyp, Elbasynyń qolyna búgin prezıdenttik qujat tapsyryldy. Búkil Qazaqstan­nan kelgen azamattar úlken qýanyshpen osy sátti qabyldady. Jáne búgingi ulyqtaýdyń bu­rynǵy ótken ulyqtaýlardan ereksheligi – ar­tyq dańǵazalyq joq. Bári de ret-retimen, orny-ornymen jáne iskerlik baǵytta ótti. El­diń aldynda turǵan úlken mindetter týraly aıtyldy. Keshegi saılaýdyń ózi kórsetkendeı, bul naýqan otanymyzdy, búkil qa­zaqstandyqtardy bir-birinen bólip-jikteý emes, biriktirý, toptas­tyrý maqsatynda uıymdastyryldy. Endi biz aldaǵy ýaqytta Qa­zaqstan halqyna Jaratqan ıem baqýatty ómir súrýge, toptasyp birlik jaǵdaıynda ómir súrýge múmkindik bergeı dep tileımiz. Elbasy kúsh-qýaty boıynda úlken ómirlik tájirıbe jınaq­taǵan, halyqaralyq zor bedeli bar qaıratker tulǵa desek, kúni keshe daýys bergen saılaýshylardyń ózi bolashaq taǵdyry men ba­qy­tyn osy Prezıdentimizben baılanystyryp jatyr. Tilegimiz – «myń ólip, myń tirilgen» qazaq halqyna Táńir baqýatty ómir bergeı, jaqsylyq jaqsylyqqa ulasqaı! * * * Altynbek ÁMIRǴALIEV, Aqtóbe oblysy, Oıyl aýdanynyń ákimi: – Prezıdent Nursultan Nazarbaevtyń qaıta saılanyp, ant qabyldaýy kópshiliktiń tebirenisin týdyrdy. Saltanatty jaǵdaıda ót­ken ulyqtaý rásiminiń ózi qazaqstan­dyq­tar­dyń bolashaqqa degen senimin nyǵ­aıtqandaı áser qaldyrdy. Bul kórinis áli birazǵa deıin jadymyzda saqtalatyn bolady. Elbasy táýelsizdigimizdiń jıyrma jylyn­da eldi órkendegen, eńsesi bıiktegen memleketke aınaldyryp qana qoımaı, álemdik qoǵamdastyq aldynda bedeldi de beldi oıynshy ete bildi. Astanada ótken EQYU Sammıtiniń ótýi osy sózimizdiń dáleli bolsa kerek. Beıbit ómir men berekeli birlikti uran etip kele jatqan Qazaqstan ózgelerge de úlgi bolarlyq jaǵdaıǵa jetkenin aıta ketken jón. Endigi kútetinimiz – ekonomıkadaǵy jetistikterdi eseleı túsý. Ásirese, aýyldaǵylardyń jaǵdaıyn kóterý. Qazirgi tańda kóptegen aýyldyq eldi mekenderdi aýyz sýmen jáne kógildir otynmen qamtamasyz etý máseleleri birtindep sheshimin taýyp keledi. Árıne, munyń barlyǵy da Prezıdenttiń óziniń tikeleı tapsyr­ma­symen oryndalyp jatyr. Jıyrma jyldyń belesi keshegi saılaý barysynda anyq baı­qaldy. Iаǵnı, Nursultan Ábishulyna degen halyq seniminiń nyǵaı­ǵan­dyǵyn kórsetip berdi. Senim ǵana bizdi kez kelgen qıyn­shy­lyqtan alyp shyǵaryn umytpaǵanymyz jón. * * * Gúlsına BAIKENOVA, Atyraý oblysy, tatar-bashqurt etnomádenı birlestiginiń tóraıymy: – Tarıhı mańyzdy oqıǵadan erekshe áser alýmen ketip bara jatyrmyn. Atyraý obly­sy­nan keldim. Mádenıet pen óner salasynda júrgendikten, Prezıdentti ulyqtaý salta­na­tyn bar ynta-yqylasymmen sezindim.  Kóp­ult­­ty ári kópdindi qazaqstandyqtar jańa dáý­ir­ge, jańa tarıhı  kezeńge aıaq basa otyryp, jańa leptiń kelgendigin sezingendeı boldy desem, artyq aıtqandyq emes. Prezıdenttiń jańa perspektıvalary men ıdeıalary barshamyzǵa bolashaqqa degen senim syılaı bildi. Sondyqtan da, Qazaqstannyń aldynda turǵan buralańy kóp asýlardan qınalmaı ótetinimizge eshkimniń kúmáni joq qoı dep oılaımyn. Qazaqstannyń jańa bastamalar kóterip, órkenıetti damý jo­lyna túsetinine kámil senemiz. Buryn N.Nazarbaev tarapynan usy­nylǵan barlyq ıdeıalardy júzege asyratyn sát týdy dep nyq senimmen aıta alamyn. Bul mádenıet salasyna da qatysty. Má­de­nıet ol beıne-bir halyqtyń aınasy ispetti. Biz ótken prezıdenttik saılaýda halyqtyń aýyzbirshiligi men mádenı jandúnıesin kórdik, al óner – sol aýyzbirshiliktiń kóńil kúıi men rýhyn kórsetetin qubylys. * * * Tamara ASAR, ánshi: – El basqaratyn adamdy Jaratqannyń nury jaýǵan dep jatady. Bul rette, Nur­sultan Nazarbaevty qazaq halqynyń baǵyna bitken tulǵa der edim. Biz búgin Elbasyn ulyqtaý rásimine qatysyp, el basqaratyn azamattyń óz moınyna alatyn jaýapkershilik júginiń qandaılyq aýyr ekenin sezingendeı boldyq. Endi búgingi kúnnen bastap, bizdiń qazaqstandyqtar úshin jańa ómirge qadam jasalyp, elimizdiń órisi odan ári keńeıe túsedi dep oılaımyn. Búgin halqy óziniń ulyn ózine olja qylyp, Elbasyn qaıtadan ulyqtap otyr. Bul – ár azamattyń esinde uzaq saqtalatyn qýa­nyshty sát. Osydan birneshe kún buryn úlken saıası oqıǵa – saılaýǵa jasy, kárisi taıly-taıaǵy qalmaı, barlyǵy qatysyp, Elbasyǵa daýys berip, ózderiniń Qazaqstannyń, qazaq jeriniń, qazaq dalasynyń bo­lashaǵyna úlesin qosqandaı boldy. Men, shynymdy aıtsam, mundaı úlken deńgeıdegi saltanatqa, ulyqtaý rásimine alǵash ret kýá bolǵandyqtan, qatty tolqydym. Sondyqtan, aıryqsha qýanysh sezimin bastan keshtim. Qazaqta «Balasy atqa shapsa, anasy úıde otyryp, taqymyn qysady» degen sóz bar. Men ulyqtaý rásimi kezinde kóp analardyń atynan Elbasyǵa degen shynaıy qoldaýymdy júregimmen, aq tilegimmen bildirip otyrdym. Aıtqan sózderiniń árbireýin oıyma túıgendeı boldym. Al Elbasymyz halyqtyń senimin aqtap, el ıgiligi jolynda aıanbaı qyzmet etedi dep senemin. * * * Baıjuman SMAIYL, Almaty oblysy, Talǵar aýdany, Týǵanbaı aýylyndaǵy «Segýn» sharýa qojalyǵynyń tóraǵasy: – Men aýyl sharýashyǵymen aınalysyp júrgen qarapaıym adammyn. Búgin Qa­zaq­stan Respýblıkasynyń Prezıdenti Nur­sul­tan Nazarbaevty ulyqtaý saltanatyna qat­y­syp, soǵan kýá bolǵanyma ózimdi erekshe baqytty sanaımyn. Prezıdent saılaýynda Nursultan Ábish­ulynyń saılaýshylardyń 95,55 paıyz daýysyna ıe bolýy jaıdan-jaı emes. О́ıtkeni, men elimiz táýelsizdigin alǵannan beri prezıdenttik saılaýlardyń barlyǵyna ýchaskelik saılaý komıssııasynyń múshesi retinde belsene qatysqanmyn. Al bul jolǵy prezıdenttik saılaý ózgeshe jaǵdaıda ótti. Eń bastysy, biz saılaýǵa saılaý­shy­lardyń múmkindiginshe tolyq qatysýy úshin kóp jumys atqardyq. Bizdiń Týǵanbaı aýylynda turatyn 3 myńǵa jýyq adamnyń 2 myńy saılaýshy tizimge tirkelgen edi. Solardyń ishinde bes adam ǵana daýys bermedi. Sóıtsek, olar óz sharýalarymen bir jaqqa ketip, daýys berý ýaqytynan keshigip qalǵan eken. Eger qazaqtyń tarıhyna júginer bolsaq, han kóterý Táýke hannan, Haqnazardan bastalyp, beri qaraı Abylaı hannan jalǵasady. Osy babalarymyzdyń barlyǵy qanshama ret qulshynys tanytsa da, jasaı almaǵan Qazaqstannyń táýelsiz irgeli el bolýyn Nur­sultan Nazarbaev jasap, qalyptastyryp berdi. Meniń oıymsha, Nursultan Ábishuly búkil qazaq halqynyń baǵyna bergen uly da dara tulǵa! О́ıtkeni, qazaqtyń handary isteı almaǵandy Nuraǵań istedi. Mysaly, bizdiń Týǵanbaı aýylynyń janynan temir jol salynyp jatyr. Búginde onda bizdiń aýyldyń 70-ten astam adamy jumys isteýde. О́tken jyly Qazaqstan EQYU Sammıtin abyroıly ótkizdi, bıyl Azıada oıyndary ótti. Buryn osynyń barlyǵy oıymyzǵa da kelmeıtin. Halyqqa osyndaı jaqsylyqty jasap jatqan adamnyń prezıdenttikke qaıta saılanýy óte durys dep esepteımin. Árbir eldiń EQYU-ǵa tóraǵalyq etkisi, joǵary deńgeıdegi sammıt ótkizgisi keledi. Shynyn aıtaıyn, keıbir elderdiń buǵan qarajaty jetpedi, yńǵaıy kelmedi. Bizdiń qazaq «Asyń bolsa – berip júrip el tany, atyń bolsa – jelip júrip jer tany» dep aıtqan ǵoı. Qazirgi kezde Qazaqstanda qarajat ta jetkilikti, syrtqy saıasattaǵy ustanymy da ornyqty. Onyń ústine qazaq qonaqjaı, kelgen adamǵa tóri daıyn, esigi ashyq. P.S. Baıjuman aǵanyń qolynda Prezıdent N.Nazarbaevtyń «Qazaqstan HHI ǵasyr tabaldyryǵynda» degen kitaby bar eken. Pikirlesý barysynda sonyń sebebin suradyq. «Bul kitapty qolyma ustap júrgenime 13 jyldan asty, – dedi Baıjuman aǵa. – Elbasyǵa jolyǵyp qalsam, osy kitapqa Nursultan Ábishuly Nazarbaevtan qoltańba qoıdyryp alsam dep júrmin. О́kinishke qaraı, múmkindik bolmady. Degenmen, Elbasyn ulyqtaý saltanatyna qatysqan biraz óner qaırat­ker­lerine qoltańba qoıdyryp aldym». * * * Tuıaqbaı ShÁMELOV, Qazaqstannyń halyq ártisi, Qurmanǵazy atyndaǵy akademııalyq ult-aspaptar orkestriniń kórkemdik jetekshisi: – Búgingi Elbasyn ulyqtaý rásimi óte joǵarǵy deńgeıde ótti. Búkil Qazaqstan halqy qýanysh, maqtanysh sezimin bastan keship otyr. Sonyń ishinde, Qurmanǵazy atyndaǵy akade­mııa­­lyq ult-aspaptar orkestri osy ulyqtaý rási­mi­ne qatysyp, óner kórsettik. Prezıdentti ulyqtaý – el tarıhynyń altyn paraǵyna jazylatyn úlken oqıǵa bolǵandyqtan, joǵary deıgeıde uıymdastyryldy. Ulyqtaýdyń úlken, ózindik joǵary, mártebeli dárejesin kórsetti. Búginde elimizdiń rýhanı salasyna aıryqsha mán berilip, óner áleminiń óristeýine barlyq jaǵdaı jasalyp keledi. Bolashaqta da osyndaı ıgi dástúr óz jolynan jańylmaı, jalǵasyn taýyp, Qazaq­stannyń rýhanı kókjıegi keńeıip, óner salasy odan ári jandana túsedi degen senimimiz bar. Men osyndaı mereıli sát kezinde memleketimizge tynyshtyq tileı otyryp, Ult Kóshbasshysynyń jaýapkershilikke toly qyzmetine árqashanda sáttilik tileımin. Jaqsylyqtar uzaǵynan súıindirsin. * * * Serjan ShÁKIRAT, kúıshi: – Biz memleket tarıhyndaǵy aıryqsha oqı­ǵa – Elbasymyz Nursultan Nazarbaevty ulyqtaý rásimine Mańǵystaý oblysynan delegasııamen arnaıy kelip, qatysýǵa múmkindik aldyq. Qýa­nyshymyzda shek joq. Nursultan Ábishuly – bizdiń mańdaıymyzǵa bitken qazaq­tyń uly perzenti, úlken tulǵasy ǵoı. Bizdiń tileıtinimiz – Prezıdentimizdiń mártebesi ar­typ, abyroıy asqaqtaı bersin. Deni saý bo­lyp, barlyq qa­zaq­standyqtyń baǵy úshin aıanbaı qyzmet ete bersin dep tileımin. Prezıdent barlyq Qazaqstan halqy aldynda ant berdi. Sol antyna adal, berik bolyp, ony joǵary deńgeıde oryndaıtynyna, sol arqyly halyqtyń ystyq yqylasyna bólenetinine senemiz. Mańǵystaý – saılaý kezinde belsendilik kórsetken eń aldyńǵy qatardaǵy oblystardyń biri. Bul Nursultan Ábishulyna degen Mań­ǵystaý halqynyń shynaıy kóńili men peıilin aıǵaqtap bergendeı. Iаǵnı, óńir turǵyndary Prezıdentke – Ult Kóshbasshysyna degen ózderiniń aqjarma nıetin bildirdi. Osy oraıda, halyqtyń aqkóńil peıilinen týǵan osy bir senimi aqtalsyn degen tilek aıtamyz.