Tek qana alǵa! Jasa, Qazaqstan!

Qýan qazaq baǵyńnyń janǵanyna, Otyrdy Nursultanyń «han taǵyna» Bul tańdaý halqymyzdyń bolashaǵy, Nur shashqan altyn araı jan-jaǵyna.   Qurmetti munyń ózi bıik senim, Kóp kútken qalaýymyz  meniń, seniń. Taǵy bir tamsandyrǵan bar álemdi, Elimniń bul jeńisi emes tegin.   Biz búgin órkenıet jolyndamyz, Zamana aǵymynyń ońyndamyz. Shúkirlik eshteńeden kende emespiz, Álemde mártebeli oryndamyz.   Jańasha baǵyt aldy ǵylym, bilim, Olarǵa arqaý boldy ana tilim. Sanaǵa ımandylyq uıalatyp, Halqyna qyzmet etti dilim, dinim.   Naryqtyń qyspaǵynan utqanymyz - Jan-jaqty jeńispenen shyqqanymyz. Sheshýshi oryn aldy ilgeriden, Álemdik saıasatta yqpalymyz.   Bizge jat qyrǵı qabaq  janjal, eges, Bizge jat qubylmaly jalǵan eles. Álemdik tynyshtyqty saqtaý úshin, Ún qospaı Qazaqstan qalǵan emes.   Dál solaı beıbitshilik uranymyz, Nyq basyp osy jolda turamyz biz. Soǵady osylaı dep júregimiz, Osylaı shyrqalady jyr, ánimiz. Bilmeımiz jeńisterden basqany biz, Jeńistiń kúsh-qaıraty jastarymyz. Solar ǵoı-bolashaqqa tutqa bolar, Solar ǵoı-bolashaqta asqarymyz.   Urpaǵy baba jolyn kirletpeıdi, Bul oǵan senim artqan mindet deıdi. Elimde bolyp jatyr ǵajaıyptar, Aıtýǵa sonyń bárin til jetpeıdi.   Kún saıyn máıektenip tirlik nári. Uly kósh jyljyp barad odan ári, Nursultan esimimen baılanysty – Aıdarly atqarylǵan istiń bári.   Aǵaıyn, jeńisimiz qutty bolsyn, Jeńistiń tuǵyryna baqyt qonsyn. Jospary bolashaqtyń oryndalyp, Ordasy elimizdiń qutqa tolsyn.   Baǵdarlap oń men solyn bala kezden, Eliniń bolashaǵyn erte sezgen. Halqynyń qalaýlysy Nursultandy- Saqtaı gór Táńirimiz til men kózden!   Qýanysh keýdemizdi kerneı bersin, Qulashyn bolashaqqa sermeı bersin. Tek alǵa, jasa, jasa Qazaqstan! Tuǵyry Táýelsizdik órleı bersin!   Sovethan QALIǴOJIN. Shyǵys Qazaqstan oblysy, Kúrshim aýdany, Terektibulaq aýyly.