Aǵa urpaq alǵysy

Qazaqstan ardagerleriniń ortalyq keńesi óziniń 1 mln. 700 myńnan astam múshesiniń atynan Elbasy N.Nazarbaevtyń kezekten tys Qazaqstan Respýblıkasy prezıdenttigine saılaýynda jeńiske jetýine qoldaý bildiretini týraly málimdeme jasady. Osy máselege baılanysty Qa­zaqstan ardagerleri keńesiniń tór­aǵasy Qaıyrbek Súleımenov, onyń orynbasary Bekbolat Mu­qyshev, uıymnyń jaýapty hat­shysy Mıhaıl Harjevskıı men 1974-1987 jyldary Qazaq KSR Oqý mınıstri bolǵan Qajyahmet Balahmetov elimizdiń barlyq ardagerleriniń atynan Elbasy­nyń saılaýdaǵy jeńisimen qut­tyqtap, óz oılarymen bólisti. Kezdesýde Q.Súleımenov Qa­zaq­­stan halqynyń sońǵy 20 jyl­daǵy ómiri N.Nazarbaevtyń esi­mi­men baılanystyrylatynyn, osy ýaqyt ishinde ol batyldyq tany­typ, syn saǵatta halyqtyń bola­shaǵy úshin eń durys sheshim qa­byldaı alǵanyn aıtty. «1991 jy­ly Keńes Odaǵy ydyraǵan kezde elde azyq-túlik tapshylyǵy se­zilip, jappaı jaryq bolmaı, kóp­tegen óndiris oryndary jabylyp, halyqtyń eseńgire­ge­nin bilesizder, – dedi ol. – Respýblıkalarda ultaralyq qaqtyǵys­tar bo­lyp jatty. Osy kezde Nur­sultan Ábishuly ne isteý kerektigin bildi. Qazaqstan halqynyń qoldaýymen onyń ustanǵan baǵy­ty, júrgizgen saıasaty eldi qıyn jaǵdaıdan ǵana shyǵaryp qoımaı, reformalardyń irgetasyn qalap berdi». Osylaı deı kelip ol Elba­synyń basshyly­ǵy­men elimizde naryqtyq ekonomıka tańdalyp, Konstıtýsııanyń negizi qalanǵa­nyn, Qarýly kúshterdiń qu­rylyp, quqyqtyq reformalar­dyń sátti júrgizile bastaǵanyn aıtty. Par­lamentarızmniń damýy men jer­gilikti atqarýshy organdardyń ny­ǵaıýy da Prezıdenttiń júrgizgen saıasatynyń arqasy ekenin, al aǵa urpaqtyń onyń eldegi beıbitshilik pen kelisimniń ornatýdaǵy sińir­gen eńbegine árqashan alǵys bildiretinin málimdedi. Osydan keıin eńbek ardageri Q.Balahmetov sóz alyp, ol kezinde ózi qyzmet etken bilim jáne ǵylym salasyna keńirek toq­tal­dy. 1993 jyldan beri «Bolashaq» baǵdarlamasy boıynsha jastary­myz­dyń sheteldiń ataqty ýnıversıtetterine bilim alýǵa múmkindik jasalǵanyn, qazir oqýyn bitirip, mamandyq alǵan solardyń kóbi elimizge oralyp, ár salada qyzmet atqaryp júrgenin aıtty. Sony­men birge, búginde jas urpaqty jaqsy daıyndyqtan ótkizý úshin Kókshetaý, Semeı, Astana qalala­rynda Prezıdenttiń ıntel­lek­tý­aldy mektepteri jumys istep jat­qanyn, kelesi jyly olardyń sany jıyrmaǵa jetetinin, barlyq mektepterde qazirgi zamanǵy tehnologııalarmen jabdyqtalǵan ka­bı­netterdiń ashylǵanyn, al oqy­týshylarǵa kórsetilip jatqan kó­mektiń arqasynda olar turmys­tyq jaǵdaıyn jaqsartyp, shet elde bilimin jetildirýge jaǵdaı jasalǵanyn jetkizdi. Sondaı-aq, ol «Balapan» baǵdarlamasynyń, jyl saıyn jańadan ashylyp jat­qan balabaqsha men mektepterdiń, nesıelik jobaǵa kóshken joǵary oqý oryndarynda maman daıyn­daý, istelinip jatqan ǵylymı zert­teý jumystarynyń mańyz­dylyǵyna erekshe toqtalyp ótti. Kezdesý sońynda Qazaqstan ardagerleri keńesiniń tóraǵasy Q.Súleımenov bastaǵan azamattar elimizdiń Tuńǵysh Prezıdentiniń alǵa qoıǵan mindetteriniń oryn­dalatynyna senetinderin aıtyp, N.Nazarbaevqa Prezıdent bolyp qaıta saılanýymen quttyqtaý joldap, onyń elimizdi órkendetý jáne Otanymyzdyń halyqaralyq arenadaǵy bedeliniń ósýine qyzmet etýine tabys tiledi. Dastan KENJALIN.