«Mundaı saılaýdy buryn kórgen joq edik»

Chelıabi oblysynan kelgen baıqaýshylar osylaı málimdedi Oblysta syrttan kelgen baıqaýshylar jýrnalıster úshin baspasóz máslıhatyn ótkizdi. Buryn jaz­­ǵanymyzdaı, Qostanaı ob­ly­sy­na kórshi Chelıabi ob­lysynan 21 baı­qaý­shy kelgen bola­tyn. Olardyń bar­ly­ǵy da oblys or­talyǵy men aýdan­dardaǵy saılaý ýchaskelerin­de boldy. – Saılaý kúni baıqaýshylar 200-den asa saı­laý ýchaskelerin aralap kórdik. Solardyń bar­lyǵynda da túske deıin saılaýshylar daýys berý bıýlletenin alyp, kabınaǵa kirý úshin kezekke tur­ǵany, daýys berýge adamdardyń jaýapkershilikpen, shynaıylyqpen qaraǵany bizdi tańǵaldyrdy. Biz Qazaqstandaǵy saılaýlarǵa buryn da baı­qaýshy retinde qatysqanbyz, Reseıde de saılaý ótkizip júr­miz, biraq mundaı saılaý kórmegen edik,–dep má­limdedi baıqaýshylardy bastap kelgen Chelıabi oblysy ákimshiliginiń aımaqtarmen qarym-qatynas jónindegi basqarmasynyń bas­tyǵy Vıtalıı Shıkov. Baıqaýshylar kabınaǵa eki adamnan kir­gen­derdiń bolǵanyn aıtty. Biraq ony da ózderi «ereje buzýǵa jatqyzýǵa bolmas» dep túzedi. О́ıtkeni, saılaýǵa kelgen qarııalarǵa kómek kerek bol­ǵandyqtan, olardyń ótinishi boıynsha balasy nemese nemeresi kabınaǵa birge kirgen jaǵdaılar kezdesken. Sonymen qatar, reseılik baıqaýshylar saılaýǵa daıyndyqty da joǵary baǵalady. Názıra JÁRIMBETOVA. Qostanaı.