Táýelsizdik jarshysyna qurmet

El gazeti «Egemenniń» qalyń oqyrmany semeılik jazýshy Medeý Sársekeniń táýelsizdik jo­lyn­da basyn báıgege tikken hal­qy­myzdyń sońǵy hany Kenesary kóterilisiniń shyndyǵyn qyly­shy­nan qan tamǵan zamanda ashyp kórsetýden esh taısalmaǵan ta­rıh­shy ǵalym Ermuhan Bekmahanov týraly Astanadaǵy «Folıant» baspasynan eki tilde, son­daı-aq Máskeýdegi «Molodaıa gvardııa» baspasynan álemge áıgili «JZL» serııasymen derekti kita­byn shyǵarǵanynan habardar. О́ıt­­keni, jyl sońynda «Egemen Qazaq­stan» men «Kazahstanskaıa pravda» atalǵan tarıh­shy­nyń sherli tarı­hy týraly jazý­shy­men kólemdi suhbattar jarııa­laǵan bolatyn. Ustanǵan baǵytynan qaıtýdy bilmegen er Ermuhandy táýel­siz­dik jarshysy degen lázim deıdi jazýshy aǵamyz. Al bıylǵy jyl­dyń sońynda el táýelsizdiginiń 20 jyldyǵy atalyp ótilmek. Soǵan oraı tarıhshy týraly bul kitap­tyń eń alǵashqy tusaýkeser rásimi Almatydaǵy Ál-Farabı atyn­daǵy Qazaq ulttyq memlekettik ýnı­versıtetinde ótken bolsa, onyń sebebi de joq emes-ti. О́ıt­keni, Erekeń osy qarasha­ńyraqta 1946-1966 jyldar aralyǵynda jıyrma jyldaı eńbek etip, qazaq tarıhy kafedrasynyń irgesin qalaǵan edi. Ult tarıhyna den qoı­ǵan tarıhshylar mektebi de sol tusta qalyptasqan. El Táýelsizdiginiń 20 jyl­dy­ǵy aıasynda ótkizilgen táýelsiz­dik jar­shysyna arnalǵan kitaptyń tu­saý­ke­serin atalǵan ýnıver­sı­tettiń rek­tory, ǵylym dok­tory, professor Ǵ.Mútanov kirispe sózben ash­qan soń, belgili tarıh­shylar T. Omar­bekov pen B.Kári­baev ǵumyr­na­ma­lyq kitap jaıly óz pikirlerin or­ta­ǵa saldy. Jı­nalǵandar Ý.Sha­le­kenov, M.Asyl­bekov, T.Tur­ly­ǵul syn­dy bilikti tarıhshylar men Erekeńniń ju­baıy H. Bek­mu­ha­med­ovanyń jáne taǵy basqa­lar­dyń sózin de zeıin qoıa tyń­da­ǵa­nyn da aıta ketsek deımiz. Budan keıin osyndaı tusaý­keser rásimi tarıhshy ǵalym­nyń týǵan jerinde jalǵasyp, Baıan­aýyl, Ekibastuz jáne Pavlo­dar­da­ǵy oqyrmandarmen kezdesýge ja­zý­shymen birge Ere­keń­niń uly Ser­muhan da qatysýy kesh maz­munyn arttyra túskeni anyq. Dáýlet SEISENULY.