Oralman jastardyń kórmesi ashyldy

Astanada oralman jas sý­ret­shilerdiń «Otanym – altyn besigim» atty shyǵarmashylyq kór­me­si ashyldy. Kórmege qaty­sý­shy­­lar – ata jurtyna oralǵan jas talant ıeleri Júsipbek Dá­lel­han, Qaırat Jáıirbekuly (Qy­­taı ha­lyq respýblıka­sy­nan), Aman­jol Musalımov (Reseı) já­ne Rýslan Júsinalıev (Qyr­ǵyzstan). Bárimizge belgili, ata-baba­myz ǵasyrlar boıy armandaǵan azattyq tańy atqaly irgeles elderden 1 mıllıonǵa jýyq qazaq týǵan jerge taban tirese, solar­dyń arasynda ártúrli maman­dyq­tardyń qulaǵyn ustaǵan azamattar da az emes. Sonyń biri – qyl­qalam ustaǵan sýretshiler qaýy­my desek, búgingi tańda olardyń birqatary, elordanyń mádenı-shyǵarmashylyq ómirine óz úles­terin qosýda. Kórmeni ashqan QR Sýretshiler odaǵynyń múshesi Qońyr Muham­medıev: – Búgingi kórmemizde ósken or­ta­larynda qazaqy rýhty jo­ǵalt­paı, shynaıy máde­nıetimizdi saq­tap, búgingi jańarǵan Qazaq­stanǵa jetkizgen baýyrlary­myz­dyń shy­ǵar­mashylyq týyndy­la­ry­nyń kýá­geri bolyp otyrmyz. Osyndaı jaq­sy ister jalǵasyn taba beretinine senemin. Ata jur­tyna taban tiregen jas talant­tarymyzdyń týǵan jerine bereri kóp, – dedi. Kórmege arnaıy kelgen belgili qoǵam qaıratkeri, QR «Kóshi-qon» zańynyń avtory Ákim Ysqaq jastarǵa jyly lebizin bildirip, kitaptaryna qoltańba­syn qoıyp, syıǵa tartty. Kórmege qoıylǵan jas óner­pazdardyń týyndylarynda beınelengen qazaq ómirinen, jańa Astanamyzdyń kórinis­terinen oralman baýyrlarymyzdyń tý­ǵan jerge degen úkili saǵy­ny­shyn kóremiz. E.ERǴALIULY. Astana.